Gənc sahibkar qızlar üçün yeni layihəyə start verildi
Tarix: 01.07.2014 | Saat: 17:30:00 | E-mail | Çapa göndər


Prezident yanında Gənclər Fondunun dəstəyi ilə “Gəncliyin Sosial İnkişafına Yardım” İctimai Birliyi yeni bir layihəyə start verdi. Zülfiyyə Nuriyevanın verdiyi məlumata görə, "Gəncəbasar regionunda gənc qızların sahibkarlıq bacarıqlarının artırılması" adlı layihə gənc qızların iqtisadi biliklərinin artırılması yolu ilə onların sahibkarlıq bacarıqlarının inkişafına yönəlib: "Layihənin əsas məqsədi regionda təhsil alma imkanından məhrum olan gənc qızların peşə bacarıqlarının inkişaf etdirərək onlara biznes biliklərinin verilməsi və inkişaf edən cəmiyyətə fəal inteqrasiya prosesinin aparılmasıdır. Məqsədə nail olmaq üçün layihənin əsas vəzifələri ictimai maarifləndirmə kampaniyasının təşkili, gənc qızların peşə kurslarına cəlb olunması və onlara sahibkar qadınların mentorluq proqramı əsasında biznes qurma imkanlarının yaradılmasıdır. Qarşıya qoyulan vəzifələrə nail olmaq üçün isə layihə çərçivəsində 3 ay müddətində istiqamətverici təlimlərin və peşə kurslarının təşkili nəzərdə tutulur və bu xidmət hər regiondan ümumilikdə 80 gənc qızı əhatə edəcək. Layihəni ictimailəşdirmək üçün icmada problemin əhəmiyyətini vurğulayan və ictimai vacibliyini əsaslandıran ictimai maarifləndirmə kampaniyası təşkil olunacaq və Ailə, Qadın və Uşaq problemləri üzrə Dövlət Komitəsi ilə hər cür əməkdaşlıq ediləcək. Layihənin əsas hədəflərindən biri də rayon mərkəzlərində deyil, kənd yerlərində yaşayan və xüsusi qayğıya ehtiyacı olan aztəminatlı ailələrdən olan gənc qızların və qəyyumluqda yaşayan gənclərin sosial inteqrasiya prosesini sürətləndirmək onlara aktiv vətəndaş olma istiqamətində dəstəyin verilməsidir". Z. Nuriyeva layihənin əhəmiyyətindən danışarkən onu da qeyd edib ki, mövcud problemlər nəticə olaraq sosial və iqtisadi baxımdan asılı qızların sayını çoxaldır və dolayısı ilə "məişət zorakılığı"na səbəb olur. Xatırladaq ki, bu layihə artıq icra edilmiş layihənin ardı olaraq nəzərdə tutulur. Lakin layihə ikinci fazada ətraf rayonları da əhatə edəcək və daha geniş auditoriyanı hədəfə alacaq.
Nigar




 
Bölməyə aid digər xəbərlər
14.11.2019
Türkiyə Prezidenti Allahşükür Paşazadəni təbrik edib
14.11.2019
Putin Allahşükür Paşazadəni təltif edib
14.11.2019
Azərbaycan ilə Rusiya arasında gənclər siyasəti sahəsində əməkdaşlığa dair Saziş imzalanıb
14.11.2019
ƏƏSMN və Baş Prokurorluq birgə məlumat yaydılar
14.11.2019
Heydər Əliyev Fondu 18 yaşınadək olan şəkərli diabet xəstələrini insulinlə təmin edəcək

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10942

1 Prezident icra başçılarını qəbul edib: “Elə işləməlisiniz ki, xalq sizdən razı olsun”
2 Prezidentdən Bayraq Günü paylaşımı - Video
3 Cəlil Məmmədquluzadənin “Seçilmiş əsərləri” Bolqarıstanda çap olunub
4 238 nəfər daxili işlər orqanlarında xidmətə qəbul olunub
5 Gömrük Akademiyasının məzunu: “Akademiyada əldə etdiyim biliklər köməyimə çatır”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info