Vaşinqtonda NATO-Azərbaycan münasibətlərinə həsr olunmuş tədbir keçirilib
Tarix: 02.07.2014 | Saat: 16:15:00 | E-mail | Çapa göndər


Vaşinqtonda yerləşən ABŞ-ın nüfuzlu analitik mərkəzlərindən biri olan Atlantik Şurada (Atlantic Council) “NATO Qafqazda: Azərbaycanın misalı” başlıqlı tədbir keçirilib. Azərbaycanın ABŞ-dakı səfirliyindən verilən xəbərə görə, tədbirin açılış hissəsində çıxış edən Atlantik Şuranın prezidenti Fred Kempe Azərbaycanın NATO-nun tərəfdaşı olaraq tutduğu mühüm mövqeni qeyd edərək, bu mənada ölkəmizin özünə davamlı diqqət topladığını ifadə edib.
Azərbaycanın NATO-nun Sülh naminə Tərəfdaşlıq proqramına qoşulmasının 20-ci ildönümü dövrünə təsadüf etmiş bu tədbirin natiqləri arasında Azərbaycanın NATO yanında nümayəndəsi, səfir Xəzər İbrahim, ABŞ Dövlət katibinin Avropa və Avrasiya üzrə köməkçisinin müavini Erik Rubin və Corctaun Universitetində ziyarətçi professor Brenda Şeyfer olublar.
Səfir Xəzər İbrahim NATO-Azərbaycan münasibətlərinin ötən 20 il ərzində keçdiyi tarixi yola nəzər salaraq, bu münasibətlərin artan xətlə inkişaf etdiyini söyləyib və Azərbaycan prezidenti İlham Əliyevin NATO mənzil qərargahına sonuncu səfəri zamanı bu münasibətlərin strateji xarakter aldığına dair fikirlərini tədbir iştirakçıları ilə bölüşüb. X.İbrahim keçən dövr ərzində Azərbaycanın NATO-dan yardım qəbul edən ölkədən bu təşkilatın müxtəlif fəaliyyətlərinə töhfə verən ölkəyə çevrildiyini vurğulayıb və bu kontekstdə Azərbaycanın o cümlədən Əfqanıstandakı əməliyyatlara yetirdiyi müxtəlif yönlü dəstək barədə bəhs edib. O, həmçinin NATO-Azərbaycan münasibətlərinin beynəlxalq hüquq prinsiplərinə söykəndiyini birdirərək, NATO-nun son zirvə toplantılarının yekun sənədlərində Azərbaycanın ərazi bütövlüyü və suverenliyinə ifadə edilən birmənalı dəstəyi qeyd edib.
ABŞ Dövlət katibi köməkçisinin müavini Erik Rubin NATO-nun Sülh naminə Tərəfdaşlıq proqramında Azərbaycanın iştirakının “dərin təsir bağışlayan” nəticələr doğurduğunu göstərib və bu münasibətləri bir “uğurlu hekayə” kimi təqdir edib. E.Rubin Azərbaycan prezidenti İlham Əliyevin Brusselə səfəri zamanı NATO rəhbərliyi ilə qarşılıqlı münasibətlərin 20 illiyini əhatə edən müzakirələr apardığını xatırladıb və ölkəmizin NATO ilə əməkdaşlığının müxtəlif istiqamətlərində əldə olunmuş nailiyyətləri qeyd edib. E.Rubin bundan əlavə Dövlət Departamenti ilə yanaşı ABŞ Müdafiə Nazirliyi adından Əfqanıstanla əlaqənin təmin edilməsində Azərbaycanın Şimal Nəqliyyat Paylayıcısında tutduğu mühüm yeri önə çəkib və ölkəmizin bu sahədə nümayiş etdirdiyi əməkdaşlığı yüksək qiymətləndirib.
Nəhayət, Brenda Şeyfer öz tərəfindən Azərbaycanın regionda üzləşdiyi problem və təhdidlər haqqında söz açıb, ölkəmizin təhlükəsizlik sahəsində NATO ilə əməkdaşlıq ilə bərabər Avropanın enerji təhlükəsizliyinə verdiyi töhfədən bəhs edib. O, eləcə də Cənubi Qafqaz regionunda mövcud münaqişələrin regional proseslərə göstərdiyi mənfi təsirə istinad edib və o cümlədən ABŞ-ın Ermənistan-Azərbaycan Dağlıq Qarabağ münaqişəsinin nizamlanmasında fəal iştirakından danışıb.
Çıxışların ardınca natiqlər tədbir iştirakçılarının çoxsaylı suallarını cavablandırıblar
Tural




 
Bölməyə aid digər xəbərlər
22.05.2019
İyunda neçə gün evdəyik?
22.05.2019
İrandan Bakıya “Fokker 100“ təyyarələrinin uçuşu gözlənilir
22.05.2019
Bələdiyyə idarəçiliyində qadınların rolu artacaq
22.05.2019
Gömrük Akademiyasının tələbələri məhkəmə baxışının simulyasiyasını keçiriblər
22.05.2019
Fondun Əmək və Əhalinin Sosial Müdafiəsi Nazirliyi ilə birgə keçirdiyi müsabiqənin qalibləri mükafatlandırılıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info