“Foreign Policy”: “Amerikan dəyərləri dünyadakı xaosun səbəbidir”
Tarix: 03.07.2014 | Saat: 21:45:00 | E-mail | Çapa göndər


“Foreign Policy” ABŞ-ın dünyada yürütdüyü siyasət və onun acı nəticələri barəsində maraqlı yazı yazıb. Yazıda demokratiyanın, liberalizm və insan haqları barədə bilgilərin yayılmasının nəyə görə neqativ nəticələrə gətrib çıxardığı haqda bildirilir: “Bu gün nələr görürük? İraq idarəolunmazdır. İŞİD yenicə yeni xilafətin yaradıldığını elan edib. Əfqanıstandakı prezident seçkiləri ciddi mübahisələr yaradıb və daha çox ürəkbulandıran olub. İranla nüvə danışıqları ləng gedir, bu danışığın düşmənləri isə onun kəsilməsi üçün yeni tələlər axtarırlar, dəridən-qabıqdan çıxırlar. Ukraynada isə qarışıqlıqdır, orada elan olunmuş atəşkəs də ləğv olunub. Çin özünün iti caynaqları ilə hərəkət etməkdə davam edir. Yaponiya isə daha çox döyüşkənlik nümayiş etdirməyə başlayıb. Britaniya isə Avropa Birliyindən çıxmağa yaxındır. Dünyadakı bu cür situasiyaları sadalamağa davam etsək, əhvalımız daha da korlanar. Bax budur, “yeni dünya nizamı”. Bunu böyük Corc Buş Berlin divarlarının yıxılmasından sonra təntənə ilə elan etmişdi. Bəs hanı o? Artıq tarixin sonudurmu? Yəqin ki, buna Frensis Fukuyamanın özü də inanmır. Bütövlükdə insan qəddarlığı və zorakılığı ola blər ki, azalmağa doğru getsin. Amma dünya siyasəti hər həftə daha çox nəzarətdən çıxmaqdadır”.
Daha sonra qeyd edilir ki, bu gün dünyada baş verənlərə görə, demokratlar kiçik Corc Buşu günahlandırırlar: “Respublikaçılar isə hesab edirlər ki, Barak Obama və Hillari Klinton hər şeydə günahkardır. Hər iki tərəfin özlərinin siyasi motivasiyalı ittihamlarını əsaslandırmaq üçün kütləvi sayda sübutları var. Amma əslində günahkarlar onlar deyil. Soyuq müharibədən sonra hər üç prezidentdən biri öz payına düşən səhvləri edib, amma bu uğursuzluqların ümumi kökləri var. Burada söhbət amerikan xarici siyasətinin aparılmasında liberal idealizmin təsirindən gedir. Bu, partiya çərçivələrini keçərək Demokratlar Partiyasından olan liberal internasionalistlərlə Respublikaçılar Partiyasından olan neokonservatorları bir araya gətirir. Liberalizmin Şərqi Avropada yayılmasına çalışmaq NATO-nun genişləndirilməsinə əsaslanır. Bu isə vacib bir səbəbdir ki, liberal qırğıları İraqda neokonservatorları dəstəkləməyə məcbur etsin.

ABŞ-ın 11 sentyabrdan sonra bütün diqqəti “Əl Qaidə”yə yönəltmək üçün Əfqanıstana və bütün Yaxın Şərqə demokratiya ixracı cəhdləri də bununla aydınlaşır.
Bu cəhdlər Bill Klintonun “genişlənmə və əməkdaşlıq”, Corc Buşun “azadlıq doktrinası” , Barak Obamanın “ərəb baharı”na dəstəyi və Liviyaya müdaxiləsinin əsasında dayanır. Bir sözlə, bu cəhdlər ABŞ tərəfindən son zamanlar yürüdülən xarici syasətin əsasını təşkil edir”.
Daha sonra yazıda liberalizmin siyasi və mənəvi məqsədlərə nail olunmasında göstərdiyi maneələrdən, onun prinsiplərinin “dünya nizamı”nın yaradılmasına törətdiyi əngəllərdən söhbət açılır.

İlkin AĞAYEV




 
Bölməyə aid digər xəbərlər
16.02.2019
ABŞ-da atışma: xəsarət alanlar var
16.02.2019
Nigeriyada silahlı hücum nəticəsində 60-dan çox dinc sakin həlak olub
15.02.2019
Tramp ABŞ-da fövqəladə vəziyyət elan etdi
15.02.2019
BMT: “Fransa polisi nümayişçilərə həddən artıq güc tətbiq edib”
15.02.2019
Hürrəm Sultanın Qanuni Süleymana məktubları ictimaiyyətə açıqlanıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 Qabaqcıl texnologiyalar dövründə ənənəvi və internet medianın inkişafı
5 Bakıda yeni otel istifadəyə verilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info