“El Mundo”: “Avropa sakinləri hər yerdə öz talelərindən narazıdırlar”
Tarix: 04.07.2014 | Saat: 20:19:00 | E-mail | Çapa göndər


“Qitədə separatizm alovlanır”

Bu həftə “The Guardian” özünün redaksiya məqaləsində Avropa Parlamentinə keçirilən seçkilərdən sonra Avropada formalaşan situasiya barədə dəqiq xarakteristika verib. Yazıda bildirilir: “Avropa seçkiləri göstərdi ki, qitə sakinləri hər yerdə öz talelərindən narazıdırlar”. Bildirilir ki, Avropada separatizm alovlanır.
28 Avropa ölkəsində seçicilərin müxtəlif siyasi meyilliliklər nümayiş etdirmələrinə baxmayaraq, bir şey aydındır – seçicilərin ağlında vəlvələ hökm sürür. Onlar eyni zamanda qarşı çıxdıqlarının lehinə səs veriblər. Bu məsələ daha parlaq şəkildə Birləşmiş Krallığın Müstəqilliyi Partiyasının - Böyük Britaniyanın siyasi partiyasının tərəfdarlarının timsalında üzə çıxıb. Bu partiya konservativ baxışları dəstəkləyir və Böyük Britaniyanın Avropa Birliyindən çıxmasını tələb edir. Bu partiya mayın 22-də keçirilmiş seçkilərdə seçicilərin 27,49 faizinin səsini qazanaraq sensasiyalı qələbə qazanıb. Avropa Parlamentində Böyük Britaniyanı təmsil etməli olan 73 deputat yerindən 24-nə sahib çıxıb. Burada qəribə bir paradoks görünür – Bu partiya ölkələrin Avropa Birliyindən çıxmasını tələb edir, amma eyni zamanda Avropa Parlamentində öz deputatlarının yerini möhkəmləndirir.
Avropa Parlamentinə seçkilərdə Fransanın “Milli cəbhə” Partiyası, Danimarkanın Xalq Partiyası, Macarıstanın sağ millətçi partiyası olan “Yobbik”, Yunanıstanın radikal sol koalisiyası SİRİZA-nın namizədlərinin qalib gəlməsi də çox kritik situasiya yaradır. Hər bir halda təkcə avrointeqrasiyanın əleyhinə səs vermək tendensiyası yox, həm də miqrasiyanın, yoxsullaşmanın əleyhinə tendensiya müşahidə olunur.
Bu, həm də nəyi göstərir? Ultramillətçi güclərin Şotlandiyadan Kataloniyaya qədər olan qələbəsinimi? Bu fikir səslənəndə qəribə çıxsa da, işdə bir o qədər də qəribə deyil.
Şotlandiyada Birləşmiş Krallığın Müstəqilliyi Partiyasından olan namizədin seçki uğuru avtonomiya nümayəndəsinə Avropa parlamentində təmsil olunmaq imkanı verib. Birləşmiş Krallığın Müstəqilliyi Partiyasının qələbəsi həm də Şotlandiya Milli Partiyasının prestijinə ciddi zərbə vurub. Şotlandya Milli Parityası seçkidə qələbəyə iddia etsə də, sonda məğlubiyyətini etiraf etməli olub”.
İlkin AĞAYEV




 
Bölməyə aid digər xəbərlər
13.11.2018
Litvada prezident seçkiləri kampaniyası başlanıb
13.11.2018
Hillari Klinton 2020-ci ildə ABŞ prezidentliyinə namizədliyini irəli sürə bilər
12.11.2018
Misirdə sosial şəbəkələrdə yanlış informasiya yayanlar cəzalanacaq
11.11.2018
Türkiyə HHQ İraqın şimalında 14 terrorçunu məhv edib
11.11.2018
İranın xarici işlər nazirinin maraqlı “tviti”

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info