Beynəlxalq müsabiqənin qalibləri üçün yay ekoloji düşərgə
Tarix: 05.07.2014 | Saat: 01:27:00 | E-mail | Çapa göndər


Prezidentin ideya müəllifi və qurucusu olduğu alternativ və tükənməyən enerji mənbələrindən istifadə edilməsi sahəsində görülən işlər həm ölkə daxilində, həm də beynəlxalq təşkilatlar tərəfindən maraqla qarşılanır. Bu sahədə dövlət siyasətini həyata keçirən Azərbaycan Respublikası Alternativ və Bərpa Olunan Enerji Mənbələri üzrə Dövlət Agentliyinin, Norveç Təbiəti Mühafizə Cəmiyyətinin (SPARE) enerji və resurslardan istifadə üzrə beynəlxalq məktəbli proqramı çərçivəsində Azərbaycan Gənclər İttifaqı ilə əməkdaşlığı davam edir.
Proqram çərçivəsində növbəti layihə Qobustan rayonundakı Təcrübi Hibrid Poliqonunun Təlim-Tədris Mərkəzində keçirilib. Respublikanın ümumtəhsil məktəblərində “Bərpa olunan enerji mənbələrini öyrənək” devizi altında keçirilən beynəlxalq müsabiqənin qaliblərinin bir qrupu üçün Təcrübi Hibrid Poliqonunun Təlim-Tədris Mərkəzində üçgünlük yay ekoloji düşərgəsi təşkil edilib. Təcrübi Hibrid Poliqonunun Təlim-Tədris Mərkəzində məktəblilərə günəş, külək və bioqazdan elektrik enerjisi alınması və “ağıllı şəbəkə” vasitəsilə ölkəmizin ümumi enerji şəbəkəsinə ötürülməsi prosesi əyani şəkildə izah olunub. Bu stansiyanın Prezidentin təşəbbüsü ilə istifadəyə verildiyi, ötən iki ildə burada 3 milyon kilovat-saata yaxın elektrik enerjisi hasil edildiyi diqqətə çatdırılıb. Bildirilib ki, yaxın vaxtlarda respublikamızın enerji gücünü artıran belə stansiyalar Sumqayıt şəhərində, paytaxtın Pirallahı, Suraxanı, Qaradağ rayonlarında və Siyəzəndə də istifadəyə veriləcək.
Təcrübəli alim və mütəxəssislər üç gün ərzində tükənməz enerji mənbələrindən istifadənin üstünlükləri, real, perspektiv imkanları, ölkəmizdə bu sahədə görülən işlər barədə ətraflı məlumatlar veriblər. Məktəblilərin istirahəti, asudə vaxtlarının səmərəli keçməsi üçün viktorinalar, maraqlı idman, bilik yarışları da təşkil olunub. Məktəblilərin enerjiyə qənaət və enerjidən səmərəli istifadə sahəsində ideya, təşəbbüslərinin nəticəsi olaraq hazırladıqları maketlər də nümayiş etdirilib. Hər bir məktəbliyə Dövlət Agentliyinin nəşri olan kitablar və hədiyyələr təqdim edilib. Məktəblilər üçün Şamaxı Astrofizika Rəsədxanasına və rayonun digər tarixi abidələrinə ziyarətlər təşkil olunub. Ümumtəhsil məktəblərinin şagirdləri Alternativ və Bərpa Olunan Enerji Mənbələri üzrə Dövlət Agentliyinin diqqət və qayğısından razılıqlarını ifadə ediblər.




 
Bölməyə aid digər xəbərlər
17.11.2018
Naxçıvan Qarnizonu qoşunlarında keçirilən növbəti snayper hazırlığı kursu uğurla başa çatıb
16.11.2018
Rəsulzadə bələdiyyəsində “Strateji Yol Xəritəsi” müzakirə olunub
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib
15.11.2018
Qaçaq yolla dərman gətirilməsi cəhdinin qarşısı alınıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info