Prezident İlham Əliyevin AŞPA-dakı çıxışı İtaliya mətbuatında
Tarix: 07.07.2014 | Saat: 20:39:00 | E-mail | Çapa göndər


İtaliyanın nüfuzlu “globalist.it” və “notiziegeopolitiche.net” portallarında Azərbaycan Prezidenti İlham Əliyevin Avropa Şurası Parlament Assambleyasında çıxışı ilə bağlı geniş məqalə (http://www.globalist.it/Detail_News_Display?ID=60073&typeb=0,http://www.notiziegeopolitiche.net/?p=42291) dərc olunub.
“Azərbaycan sülh, tolerantlıq və işğal olunmuş torpaqlar arasında” başlıqlı və “Prezident Əliyev Avropa Şurasında çıxış edir” yarımbaşlıqlı məqalədə qeyd edilir ki, Prezident İlham Əliyev çıxışında həyata keçirilən islahatların Azərbaycan cəmiyyətində çox müsbət atmosfer yaratdığını və Azərbaycanda bütün əsas azadlıqlar tanındığını, siyasi fəaliyyətlə məşğul olmaq azadlığının olduğunu bildirib. Dövlət başçısı nəzərə çatdırıb ki, ölkədə yüzlərə siyasi təsisat və partiyalar, ifadə və mətbuat azadlıqları var.
Məqalədə vurğulanır ki, Prezident İlham Əliyev çıxışının əksər hissəsində ölkəsinin insan haqları və dini tolerantlıq sahəsində gördüyü işlərdən danışıb. Müəllif xatırladır ki, Azərbaycan Beynəlxalq Tolerantlıq Günü münasibətilə 2013-cü ildə dünyanın 5 ən tolerant ölkəsi sırasında yer alıb. Əhalisinin əksəriyyətinə görə müsəlman ölkəsi hesab olunmasına baxmayaraq burada digər dinlərə dinc münasibət (təqdir olunur) var. Prezident İlham Əliyev də vurğulayıb ki, dini azadlıq Azərbaycanın digər böyük müsbət tərəflərindəndir, multi-etnik və müxtəlif dinlərə mənsub insanların yaşadığı bir cəmiyyətik. Dövlət başçısı deyib ki, əsrlər boyu Azərbaycanda müxtəlif xalqların və dinlərin nümayəndələri sülh və əmin-amanlıq şəraitində birgə yaşayıblar, Azərbaycanın Avropa Şurası Nazirlər Komitəsinə sədrliyi müddətində multikulturalizm dəyərlərinə diqqət prioritetlərdən biri olaraq qalacaqdır.”
Müəllif məqalədə bu öhdəliyin aydın nümunəsini Azərbaycanın birinci xanımı Mehriban Əliyevanın rəhbərliyi ilə Heydər Əliyev Fondunun dünyanın mədəni irsi naminə çoxsaylı xeyriyyəçilik fəaliyyətində görməyin mümkün olduğunu nəzərə çatdırıb. Buna nümunə kimi Fondun ayırdığı maliyyə dəstəyi hesabına baxımsızlıqdan xilas edilən Romadakı Marçellinio və Pietro katakombalarının bərpasını göstərib.
Məqalədə bildirilir ki, çıxışında Dağlıq Qarabağ məsələsinə də toxunan Prezident İlham Əliyev açıq şəkildə beynəlxalq ictimaiyyətə müraciət edib, Azərbaycanın üzləşdiyi ən böyük problemin beynəlxalq səviyyədə tanınmış ərazi bütövlüyünün pozulması olduğunu söyləyib. O, Azərbaycan və Ermənistan arasında olan münaqişə bütün regiona təhlükə yaratdığını bu münaqişə nəticəsində Azərbaycan ərazisinin beynəlxalq birlik tərəfindən tanınmış 20 faizinin işğal edildiyini, azərbaycanlıların erməni quldurları və ordusu tərəfindən etnik təmizlənməyə məruz qaldığını bəyan edib.
Məqalədə qeyd edilir ki, bununla Prezident Əliyev açıq şəkildə 1992-ci il fevralın 25-dən 26-a keçən gecə Xocalıda baş vermiş faciəvi soyqırımda 613 dinc sakinin, o cümlədən 106 qadının və 83 uşağın öldürülməsinə istinad edib.
Məqalədə qeyd edilir ki, Prezident İlham Əliyev Azərbaycanda gender ayrı-seçkiliyinin olmadığını və 1918-ci ildə yaradılmış Azərbaycan Demokratik Respublikası zamanında qadınlara səsvermə hüququnun digər Avropa ölkələrindən daha tez verildiyini nəzərə çatdırıb: “Emosional çıxışda həmçinin Dağlıq Qarabağ münaqişəsinin həll olunmaması ilə bağlı narazılıq ifadə olundu. Bu sözlərdən hiss olunurdu ki, xalqının dəstəyi və razılığı Prezidentdə qurur hiss yaradır”.
Tural




 
Bölməyə aid digər xəbərlər
17.10.2019
Elm Tarixi İnstitutu “Bakı Dövlət Universitetinin tarixi“ kitabının təqdimatını keçirib
17.10.2019
DİN və Baş Prokurorluq mitinqlə bağlı xəbərdarlıq yayıb
17.10.2019
Uşaqlarla keçirilən az vaxt onların əleyhinə işləyir
17.10.2019
Xaçmazda “Volk Qədir” kimi tanınan narkotacir saxlanılıb
17.10.2019
Nazir : “Bəzi dərsliklərin, xüsusilə ibtidai sinif şagirdləri üçün dərsliklərin həftəlik dərs yükü çoxdur”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10917

1 Aşqabadda MDB Dövlət Başçıları Şurasının geniş tərkibdə iclası keçirilib
2 Vasim Məmmədəliyev vəfat edib
3 “Xoşbəxtlikdən, Azərbaycanın qolu sayılmadı“
4 Prezident: Gələn ilin büdcəsi həm sosial, həm investisiya yönümlü olmalıdır
5 “Zəngəzurun Ermənistana birləşdirilməsi böyük Türk Dünyasını parçaladı”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info