Heydər Əliyev Fondunun təşkilatçılığı ilə Fransada Azərbaycan günləri başlayır
Tarix: 08.07.2014 | Saat: 16:24:00 | E-mail | Çapa göndər


İyulun 8-də Fransanın Kann şəhərində Azərbaycan günlərinə start veriləcək. Heydər Əliyev Fondunun təşkilatçılığı ilə başlayan tədbirlər proqramı "Azərbaycan ənənələr və gələcək ölkəsi" (Azerbaijan country of traditions and future) şüarı altında keçiriləcək.
Fonddan verilən məlumata görə, artıq Kann şəhəri və ictimai nəqliyyat Azərbaycanın təqdimat banerləri ilə bəzədilib.
İyulun 31-dək davam edəcək Azərbaycan günlərində ölkəmizin tarixi və ənənələrini, eyni zamanda müasir incəsənətini əks etdirən sərgilər, muğam sənəti, klassik və caz musiqisi, milli mətbəximizdən nümunələr təqdim olunacaq.
"Keçmişdən baxış. Fransa azərbaycanlı rəssamların gözü ilə" (Glimpse from the past. France through the eyes of Azerbaijani artists), "Azərbaycan ənənələr və gələcək ölkəsi" (Azerbaijan country of traditions and future), "Nizami Gəncəvi" sərgiləri iyulun 31-dək Fransa sakinlərinə və turistlərə Azərbaycanın tarixi, adət-ənənələri, mədəniyyəti, ədəbiyyatı-bir sözlə, ölkə ilə hərtərəfli tanışlığa imkan verəcək.
Azərbaycan günləri çərçivəsində Heydər Əliyev Fondunun "Müasir dəbdə Azərbaycan cazibəsi" (From tradition to future. Azerbaijan glamour) layihəsi təqdim ediləcək. İtalyan modelyer Renato Balestranın Azərbaycanın milli ornamentləri əsasında bu layihə üçün hazırladığı kolleksiya yerli izləyiciləri ölkəmizin geyim ənənələri və bu ənənələrin müasir dəbdə tətbiqi ilə tanış edəcək.
Kanndakı Azərbaycan günləri zamanı, həmçinin 2015-ci ildə Bakıda keçiriləcək 1-ci Avropa Oyunlarının təqdimatı ilə bağlı tədbir təşkil olunacaq. Heydər Əliyev Fondunun prezidenti Mehriban Əliyevanın rəhbərlik etdiyi Təşkilat Komitəsinin 1-ci Avropa Oyunlarına hazırlığının ölkədən kənarda təqdimatına həsr olunan bu tədbir çərçivəsində Kruazett sahilində qaçış üzrə marafon keçiriləcək.
Xatırladaq ki, Heydər Əliyev Fondu bu günədək Azərbaycanın təbliği istiqamətində İtaliya, Almaniya, Fransa, Yunanıstan, Rusiya və digər ölkələr, eləcə də bu ölkələrin regionlarında bir sıra layihələr həyata keçirib. Bu layihələr tarixi və müasir Azərbaycanın təqdimatına, ölkələr və xalqlar arasında əlaqələrin möhkəmləndirilməsinə yönəlib.
Tural




 
Bölməyə aid digər xəbərlər
22.08.2019
İctimai qaydanın qorunması həm də vətəndaşdan asılıdırsa... nə etməli?
22.08.2019
Gömrük Hospitalının Tibbi laboratoriyası beynəlxalq sertifikat alıb
22.08.2019
Leyla Axundzadə “Mikayıl Müşfiq” gəmisini ziyarət edib
21.08.2019
“Övladım və Mən” adlı layihə həyata keçirilib
21.08.2019
“Kürəkənimin dəfn mərasiminə gəlməyin”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 750 mindən çox vətəndaşın pensiyasında artım olacaq
2 Azərbaycana qarşı casusluq edən 128 nəfər aşkar edilib
3 Bakıdan avtobusla Naxçıvana gedənlərə şad xəbər
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info