ABŞ jurnalistləri ölkədəki senzuradan Obamaya şikayət edirlər
Tarix: 10.07.2014 | Saat: 22:34:00 | E-mail | Çapa göndər


“Washington Examiner”: “Obama administrasiyası mətbuat azadlığını kritik həddə məhdudlaşdırıb”

Amerikada 38 müxtəlif kütləvi informasiya vasitəsi əməkdaşının bir araya gələrək yazdığı məktubda qeyd edilir ki, ABŞ hökumətinin informasiya əldə etməyi məhdudlaşdırması ilə bağlı səyləri kritik həddə çatıb. ABŞ-ın peşəkar jurnalistlərini birləşdirən təşkilat adından yazılan məktubda ABŞ prezidenti Barak Obamanın administrasyası “xəbər informasiyasına siyasi motivli təzyiqə görə” kəskin tənqid edilir. Bu barədə “Washington Examiner” qəzeti bildirir. Qeyd edilir ki, Barak Obama administrasiyasının informasiyaya çıxış imkanlarının məhdudlaşdırılması səyləri kritik nöqtəyə çatıb, halbuki Obama seçkiöncəsi vədində bildirmişdi ki, media açıqlığına böyük imkan yaradacaq. Nəşr xəbər verir ki, KİV üçün böyük açıqlıq və şəffaflıq yaratmaq əvəzinə, ABŞ prezidenti lobbi qrupları, “mənfəətpərəst” şəxslər, həmçinin “vəsaiti olan şəxslər” üçün imkanlar yaradıb. Jurnalistlərin fikrincə, bu gün ABŞ administrasiyasının siyasətinə skeptizm bəslənilməsində dövlət başçısı Obamanın özü günahkardır. Peşəkar Jurnalistlər Cəmiyyətinin prezidenti Devid Kallier bildirib: “Bu böyük narazılığın mənbəyi sizin öz administrasiyanızdan heç də uzaqda yerləşmir”. Onun fikrincə, amerikan prezidenti administrasiyasının fəaliyyətindən yaranan narazılıqların səbəbi “dövlət qulluqçuları və federal agentliklərin fəaliyyəti barədə xəbər və digər informasiyalara siyasi motivli məhdudiyyət qoymaqdır”.Amerikan KİV-inin əməkdaşları, eyni zamanda ABŞ hökumətindəki dövlət qulluqçularının onlarla münasibət qurmasına qoyulan qadağadan şikayətlənirlər. Bundan başqa, onlar təsdiq edirlər ki, sualları tez-tez cavabsız qalır, daha tənqidçi jurnalistlər isə qara siyahıya salınır.

Özgələrinə bu məsələdə dərs keçməyə çalışan ABŞ administrasiyası mətbuata məhdudiyyət qoyduğuna görə indi media tərəfindən ciddi tənqid olunur, ittiham edilir. Amma maraqlı və həm də “başadüşüləndir” ki, dünyada sözügedən sahə ilə bağlı fəaliyyət göstərən “watchdog“lar – “gözətçi itlər”, yəni “söz azadlığını müdafiə edən” xarici QHT-lər ABŞ-la bağlı susurlar və heç bir tənqidi hesabat hazırlamağa cəsarət etmirlər

Buradan isə belə bir qənaətə gəlmək mümkündür ki, ABŞ-da mətbuat və söz azadlıqları ilə bağlı indiyə qədər latent qalan çox ciddi problemlər mövcuddur. Belə ki, bu ölkə siyasiləri tez-tez digər ölkələrdə “söz azadlığına, mətbuata qoyulan qadağalar”, məhdudiyyətlər”dən dəm vururlar, amma özlərində bu barədə mövcud olan real və ciddi problemləri ört-basdır edirlər, gizlətməyə çalışırlar. Amma təbii ki, dünyaya “demokratiya mərkəzi” kimi təqdim edilən ABŞ-da bu məsələdə ortaya çıxan faktlar hər şeyi ortaya qoymuş olur. Qeyd edək ki, az öncə ABŞ-da sosial şəbəkə və internet, eləcə də mobil telefon istifadəçilərinin kütləvi şəkildə dinlənilməsi faktları və bu barədə vətəndaş cəmiyyəti institutlarının, cəmiyyətin narazılıqları barədə də məlumatlar yayılmışdı. Bununla paralel olaraq, söz və mətbuat azadlığına ciddi maneələr və məhdudiyyətlər yaradılması, artıq ABŞ-da azad sözə və informasiyaya yuxarıdan repressiv yanaşıldığını sübut edir. Beləliklə, özgələrinə bu məsələdə dərs keçməyə çalışan ABŞ administrasiyası mətbuata məhdudiyyət qoyduğuna görə indi media tərəfindən ciddi tənqid olunur, ittiham edilir. Amma maraqlı və həm də “başadüşüləndir” ki, dünyada sözügedən sahə ilə bağlı fəaliyyət göstərən “watchdog“lar – “gözətçi itlər”, yəni “söz azadlığını müdafiə edən” xarici QHT-lər ABŞ-la bağlı susurlar və heç bir tənqidi hesabat hazırlamağa cəsarət etmirlər. Çünki bu cür təşkilatlar ABŞ və digər güclü Qərb dövlətlərinin təsiri altındadır, onların diktəsi ilə hərəkət edirlər. Ona görə ABŞ-da bu sahədə indiki kimi ən ciddi problemlər olanda da susmağa məcburdurlar... Bu isə dünyada söz və mətbuat azadlığı məsələlərində də ikili standartların hökmran olduğunu və eyni zamanda kimlərin vasitəsilə hökmran olduğunu açıq göstərir...

İlkin AĞAYEV





 
Bölməyə aid digər xəbərlər
14.11.2018
İraqın şimalında 19 terrorçu zərərsizləşdirilib
14.11.2018
Jan-Klod Yunkerin xələfi olmağa ən şanslı namizəd kimdir?
13.11.2018
Tramp Makronu hədəfə aldı: “ABŞ gəlməsəydi artıq Parisdə almanca öyrənməyə başlamışdınız”
13.11.2018
Litvada prezident seçkiləri kampaniyası başlanıb
13.11.2018
Hillari Klinton 2020-ci ildə ABŞ prezidentliyinə namizədliyini irəli sürə bilər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10464

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info