“Jurnalistlərin Həmkarlar İttifaqının inkişaf etdirilməsi” layihəsinin təqdimatı keçirilib
Tarix: 11.07.2014 | Saat: 21:06:00 | E-mail | Çapa göndər


Bu gün Beynəlxalq Jurnalistlər Federasiyası və Azərbaycan Jurnalistlərinin Həmkarlar İttifaqı tərəfindən “Jurnalistlərin Həmkarlar İttifaqının inkişaf etdirilməsi” layihəsinin təqdimatı keçirilib. Tədbirdə çıxış edən Mətbuat Şurasının sədri Əflatun Amaşov bildirib ki, jurnalistlərin sosial problemlərinin həllində, onların iş fəaliyyətinin yüksəlməsində, üzləşdikləri problemlərdə çıxış yolunu tapmaqda Jurnalistlərin Həmkarlar İttifaqının böyük köməyi ola bilər: "Sadaladıqlarım bu təşkilatın birbaşa səlahiyyətləridir. Azərbaycanda isə vəziyyət bir az fərqlidir. Demək olar ki, redaksiyaların çoxu Azərbaycan Jurnalistlərinin Həmkarlar İttifaqına qoşulmayıb. Çox cüzi hissəsi Mədəniyyət Həmkarlar İttifaqının üzvüdürlər".
Şura sədri qeyd edib ki, redaksiyalar bu təşkilata qoşulduqdan redaksiyalarda şəffaflıq yaranar, əməkhaqlarında müəyyən yüksəlişlər ola bilər: "Biz qərara almışıq ki, gələn il "Mətbuat günü"nə qədər, 1 il ərzində "Həmkarlar hərəkatı ili" elan edək. Bununla bağlı çoxsaylı tədbirlər həyata keçiriləcək. Və sonrakı mərhələdə hansı redaksiyalarda Həmkarlar Təşkilatları yoxdursa, onların Həmkarlar Təşkilatlarında birləşməsinə kömək edəcəyik".
Daha sonra çıxış edən Jurnalistlər Federasiyasının Proqramlar Departamentinin rəhbəri Adrian Kollin BJF haqqında məlumat verib.
O bildirib ki, BJF-nin 170-dən çox ölkədə bölməsi yaradılıb: "Jurnalistlər Federasiyası təkcə Avropanı deyil, bütün dünyanı əhatə edir. Baş qərargahı Brüsseldə yerləşir. Federasiyasının əsas məqsədi jurnalistlərin hüquqlarını qorumaq, təhlükəsizliyini təmin etmək və əmək şəraitlərinin yaxşılaşdırılmasına xidmət etməkdir. Beynəlxalq Jurnalistlər Federasiyası üzvləri olmadan fəaliyyət göstərə bilməz. Əgər BJF-yə üzv olmazsa, o zaman jurnalistlərin hüquqlarını müdafiə etmək mümkün olmaz. Eyni zamanda jurnalistlər problemlərinin həlli üçün birbaşa baş qərargaha getməli deyillər. Bunun üçün üzv olan hər ölkədə Həmkarlar İttifaqı yaradılıb".
Qeyd edək ki, layihənin ideya müəllifi Beynəlxalq Jurnalistlər Federasiyasıdır. Donor Avropa Komissiyasıdır. Azərbaycan üzrə icraçısı isə Həmkarlar İttifaqına üzv olan jurnalistlərdir. Layihə 3 il davam edəcək.
Tural




 
Bölməyə aid digər xəbərlər
18.11.2018
Bakı Şəhər Baş Polis İdarəsinin məlumatı
18.11.2018
Əli Həsənov: Polis üçün əsas siyasi mənsubiyyət məsələsi deyil, ictimai asayişin təmin edilməsidir
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info