Nikaraqua üçün fantastik kanal
Tarix: 12.07.2014 | Saat: 01:42:00 | E-mail | Çapa göndər


Bu günlərdə Nikaraquanın paytaxtı Manaquaya gələn çinli biznesmen Van Çzin ölkə əhalisi üçün fantastik olacaq bir layihə haqqında məlumat verib: ölkə ərazisindən iki okeanı, Sakit okeanla Karib dənizini birləşdirəcək kanalın tikintisi barədə anons. Ölkənin birinci xanımı Rosario Murilyo tərəfindən təşkil edilmiş mətbuat konfransında çıxış edən çinli biznesmen media nümayəndələri ilə yanaşı ictimaiyyəti də inandırmağa çalışıb ki, prezident Daniel Orteqa məhz Böyük Kanal əməliyyatından gələn gəlirlər hesabına yeni inkişaf yoluna qədəm qoyacaq.
“Bu, insanlıq üçün bütün insanlara fayda verəcək ən böyük tikililərdən biri olacaq” deyən Van Çzinin çıxışında qaranlaq məqamlar da sezilməkdədir. Sual doğuracaq məqamlardan biri, bəlkə də birincisi layihənin maliyyə mənbəyi barədədir: tikintiyə sərf olunacaq 50 milyard dollar hardan əldə ediləcək? Daha bir qaranlıq məqam: kanal tikintisi ətraf mühitə nə dərəcədə təsir edəcək?
Göründüyü kimi, qonkonqlu biznesmenin çıxışında bəzi suallar açıq olaraq qalıb. Belə ki, o tikintinin ətraf mühitə təsiri haqqında təqdim edəcəyi hesabat barədə bir neçə ay əvvəl Britaniyanın nüfuzlu Environmental Resources Management agentliyinin ekspertləri, ölkənin müxtəlif hissələrini tədqiq etməklə, bu nəticəyə gəliblər ki, tikinti ölkənin həssas ekzotikasına təsirsiz ötüşməyəcək. Bu məsələ Nikaraquanın elmi dairələrində ən qızğın mübahisələr doğuran məsələ kimi önə çəkilməkdədir.
Qeyd edək ki, nəzərdə tutulan kanalın tikinti marşrutu 8000-dən çox kvadrat kilometr ərazini əhatə edəcək. Kanalın tikintisi zamanı fauna və floranın zəngin olduğu Mərkəzi Amerikanın bu ölkəsinin təbiətinə dəyən ziyan artıq indidən göz önündədir. Bundan əlavə, kanalın tikintisi 277 yaşayış məntəqəsinin sakinlərindən də yan keçməyəcək. Bununla belə, Nikaraqua parlamenti tikintinin həyata keçirilməsinə və 50 il müddətinə icarəyə verilməsinə razılıq verib.
Nikaraquaya yeni təkliflərlə gələn çinli biznesmen layihəsini həyata keçirməyə nail olub. Beləliklə, eni 250 və dərinliyi 27-30 metr olacaq gələcək kanala layihə kimi 35 kvadrat kilometr sərbəst ticarət sahəsinin yaradılması daxildir. Qeyd edək ki, kanalın keçəcəyi marşrut ölkənin Sakit okean sahillərində yerləşən dünyanın ən yaxşı çimərliklərini xəritədən siləcək. Bununla belə, layihədə yeni təyyarə limanının, turizm obyektlərinin, iki dəniz limanının tikintisi yer alıb. Daha önəmlisi - 200 mindən artıq nikaraqualının da işlə təmin edilməsi planlaşdırılır.
Ağasəf Babayev





 
Bölməyə aid digər xəbərlər
22.03.2019
Almaniyanın sabiq rəhbərlərinin pensiyaları azaldıla bilər
20.03.2019
İsveçrə portalında Novruz bayramı haqqında yazı yerləşdirilib
20.03.2019
Terror təşkilatı PKK tərəfdarlarının Kölndə işğal təşəbbüsü
19.03.2019
Brüsseldә bomba hәyәcanı
19.03.2019
Nursultan Nazarbayev istefa verib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 “Bahar“ Qadınlar İnkişaf Qrupuna müasir tikiş maşınları verilib
5 Fransız heykəltəraş Mauro Kordanın sərgisi


22.03 09:12 AFR bundestaqının büdcə komitəsi martın 20-də sabiq prezidentlərə və kanslerlərə xidmət göstərən heyətin ixtisar edilməsi, habelə sabiq prezidentlərin və kanslerlərin əlavə gəlirlərinin olması müəyyən edilsə, onların pensiyalarının məbləğinin azaldılması barədə qərar qəbul edib. AZƏRTAC xəbər verir ki, istefada olan dövlət başçısının sərəncamında yalnız bir sürücü, bir dəftərxana işçisi, iki yardımçı referent və bir katib qalacaq. Səfərləri zamanı sabiq dövlət başçısının komandasının deyil, yalnız özünün pulu büdcədən ödəniləcək. Pensiyalara əlavələr olanda “sabiqlərin“ əlavə gəlirləri nəzərə alınacaq. Bundestaqda gizlətmirlər ki, deputatları bu addımı atmağa ölkənin sabiq kansleri Gerhard Şröderin “Qazprom“la münasibətləri sövq edib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info