Yay Enerji Məktəbinin iştirakçıları Bərk Məişət Tullantılarının Yandırılması zavodunda olublar
Tarix: 14.07.2014 | Saat: 17:19:00 | E-mail | Çapa göndər


"ADA" Universitetinin Bakı Yay Enerji Məktəbinin iştirakçıları Balaxanı qəsəbəsində yerləşən Bakı Bərk Məişət Tullantılarının Yandırılması Zavodunda olublar. Müəssisədə tələbələrə zavodun fəaliyyəti barədə ətraflı məlumat verilib, onlar zavodun iş prosesi ilə əyani tanış olublar.
Bakı Yay Enerji Məktəbi "ADA" Universitetinin Xəzər Enerji və Ətraf Mühit Mərkəzinin Azərbaycan Respublikası Dövlət Neft Şirkəti ilə əməkdaşlığı çərçivəsində həyata keçirilir. Bu il sayca 8-ci olan 2 həftəlik sertifikat proqramı qlobal və Xəzərin enerji, ətraf mühit məsələlərini təhlil etmək üçün dünyanın tanınmış alim və siyasətçilərini bir araya gətirir.
Bakı Bərk Məişət Tullantılarının Yandırılması Zavodundakı maarifləndirici tur zamanı "Təmiz Şəhər" ASC-nin nümayəndəsi tərəfindən məlumat verilib ki, istehsal gücünə görə, zavod Şərqi Avropada və MDB məkanında ən iri bu tipli müəssisə hesab olunur. Dördüncü nəsil (4G) texnologiyalarının tətbiqi ilə qurulmuş zavod Avropa Birliyinin ətraf mühitin mühafizəsi sahəsində ən sərt normativlərinə tam cavab verir.
Tullantıların yandırılması prosesi nəticəsində indiyədək 231 milyon KVt/saata yaxın elektrik enerjisi istehsal olunub. Əldə olunmuş enerji 50 min evi elektrik enerjisi ilə təmin etməyə imkan verir. Bunu maliyyə ilə ifadə etsək, 8 milyon manata yaxın dəyərində elektrik enerjisi istehsal edib.
Bərk məişət tullantılarının yandırılması zamanı yanma məhsulu olan tüstü külü xüsusi filtrlərlə tutulur ki, bu da ətraf mühitin çirklənməsinin qarşısını alır. Daha ağır və zərərsiz olan dib külü isə yol inşası üçün nəzərdə tutulmuş tikinti materiallarında istifadə məqsədilə təklif edilir. Tullantının yandırılması zamanı soyutmaq üçün istifadə olunan təchizat suyu yalnız təmizləndikdən sonra çirkab sularına yönəldilir. Zavodun tullantı hədlərinin monitorinqi gündəlik olaraq həyata keçirilir və nəzarətdə saxlanılır.
Qeyd edək ki, Azərbaycan Respublikası Prezidentinin 28 sentyabr 2006-cı il tarixli Sərəncamı ilə təsdiq edilmiş "Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər Planı" çərçivəsində Bakı Bərk Məişət Tullantılarının Yandırılması Zavodunun tikilməsi qərara alınmışdır. Bu məqsədlə İqtisadiyyat və Sənaye Nazirliyi və Fransanın "CNİM" şirkəti arasında 2008-ci ildə "Bakı şəhərində bərk məişət tullantılarının yandırılması zavodu"nun layihələndirilməsi, tikintisi, istismarı və texniki xidmətlərin göstərilməsinə dair müqavilə imzalanmışdır. Zavod 2012-ci ildən fəaliyyət göstərir.
Tural




 
Bölməyə aid digər xəbərlər
21.02.2020
DTX Neftçala rayonunda vəzifəli şəxslərlə bağlı keçirilən əməliyyat barədə məlumat yayıb
21.02.2020
Azərbaycanda II Beynəlxalq “Kibertəhlükəsizlik həftəsi” keçiriləcək
21.02.2020
Səfərbərlik və Hərbi Xidmətə Çağırış üzrə Dövlət Xidmətinin rəisi İsrail səfiri ilə görüşüb
21.02.2020
Xocalı soyqırımının 28-ci ildönümü ilə əlaqədar Dənizli şəhərində silsilə tədbirlər keçiriləcək
21.02.2020
Bakı Şəhər İcra Hakimiyyətində Xocalı faciəsinin ildönümünə həsr olunan tədbir keçirilib

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 Prezident: Minsk qrupunun həmsədrləri Ermənistana izah etməlidirlər ki, Dağlıq Qarabağ Ermənistan deyil
4 “Bu ilin “Könüllü ili” elan olunması gənclərin inkişafı üçün böyük təkandır”
5 Münhen dərsi: Prezident bütün dünyaya sübut etdi ki, Qarabağ Azərbaycandır!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info