Beyləqanın su və kanalizasiya şəbəkəsi tamamilə yenidən qurulacaq
Tarix: 14.07.2014 | Saat: 20:44:00 | E-mail | Çapa göndər


Azərbaycan hökuməti və Asiya İnkişaf Bankının birgə maliyyələşdirdiyi “Su təchizatı və kanalizasiya investisiya proqramı” çərçivəsində Beyləqan şəhərinin su təchizatı və kanalizasiya sistemlərinin yenidən qurulması üzrə işlər uğurla davam etdirilir. “Beyləqan şəhərinin su təchizatı və kanalizasiya sistemləri kompleksinin yenidən qurulması layihəsi” çərçivəsində rayon mərkəzinin su və kanalizasiya şəbəkəsi tamamilə yenidən qurulacaq, şəhərin yaxınlığındakı Aşıqlı, Şəfəq və Əlinəzərli kəndlərinə içməli su veriləcək. Layihə 2035-ci ilə perspektiv inkişaf nəzərə alınmaqla Beyləqan şəhərində 20 mindən artıq insanın su təchizatının əsaslı şəkildə yaxşılaşdırılmasını, eyni zamanda rayon mərkəzində yeni kanalizasiya sisteminin yaradılmasını nəzərdə tutur. İcrasına 2012-ci ilin oktyabrında başlanılan layihə üzrə işlərin böyük hissəsi yerinə yetirilib. Belə ki, Beyləqan şəhərini içməli su ilə təmin etmək üçün Əlinəzərli kəndi yaxınlığında 5 ədəd subartezian quyusu qazılıb və buradan şəhərə qədər 8,6 km uzunluğunda magistral su xətti çəkilib. Quyu ərazisində hər birinin tutumu 500 kubmetr olan 2 ədəd su anbarının, xlorator binası və nasos stansiyasının tikintisi isə davam etdirilir. Əhalini dayanıqlı və keyfiyyətli içməli su ilə təmin etmək məqsədi ilə 91 km planlaşdırılan şəhərdaxili su şəbəkəsinin 75 km-lik hissəsində işlər tamamlanıb, 4200 ev birləşməsi verilmiş və işlər davam etdirilir. Növbəti mərhələdə bütün abunəçilər ön ödənişli smart-kart sayğaclarla təmin olunacaq. Layihə çərçivəsində şəhərin müxtəlif küçə və məhəllələrində 285 ədəd yanğın hidrantı da quraşdırılıb. Şəhərdə yaranan tullantı sularının optimal idarəedilməsi məqsədi ilə tikintisi nəzərdə tutulan 89 km uzunluğunda kanalizasiya xəttinin 72 km-lik hissəsində işlər başa çatdırılıb, 2 minə yaxın baxış quyusu tikilib. Su və kanalizasiya şəbəkələrinin tikintisi cari ilin sonunda başa çatdırılacaq. Layihənin növbəti mərhələsində tutumu 1000 kubmetr olan su anbarı və sutkalıq məhsuldarlığı 10 min kubmetr olan çirkab sutəmizləyici qurğu inşa ediləcək. Qeyd edək ki, Beyləqan şəhərində su və kanalizasiya sistemləri 1980-ci illərdə yaradılıb. Hazırda şəhər sakinlərinin təqribən 30 faizi mərkəzləşdirilmiş qaydada içməli su ilə təmin olunur. Əhalinin qalan hissəsi tələbatını fərdi qaydada ödəyir. Yeni layihənin icrası tam başa çatdıqdan sonra şəhər və ətraf 3 kəndin əhalisi, həmçinin bu ərazidə məskunlaşmış məcburi köçkünlər keyfiyyətli və dayanıqlı içməli su ilə təmin olunacaq.
Nigar




 
Bölməyə aid digər xəbərlər
19.09.2018
Yeni yolların açılışı cənub bölgəsində turizmin inkişafına təkan verəcək
19.09.2018
“First in Azerbaijan“ investisiya təşviqi mexanizmi yaradılır
19.09.2018
Növbəti startap turu Sumqayıtda keçiriləcək
19.09.2018
Neft sənayesi işçiləri təltif edilib
19.09.2018
Qubada yol tikintisinə 10,8 milyon manat ayrılıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info