“Azərbaycan elminin baş qərargahı: tarix və müasirlik”
Tarix: 15.07.2014 | Saat: 21:17:00 | E-mail | Çapa göndər


Azərbaycan Milli Elmlər Akademiyasının (AMEA) Rəyasət Heyətində “Azərbaycan elminin baş qərargahı: tarix və müasirlik” sənədli filminin işçi qrupunun iclası keçirilib.
İclası giriş sözü ilə AMEA-nın vitse-prezidenti, akademik İsa Həbibbəyli açaraq akademiyanın 70 illiyi ilə əlaqədar qarşıda duran vəzifələrdən danışıb. 2015-ci ildə keçiriləcək yubileylə bağlı təsdiq edilmiş tədbirlər planına əsasən akademiyanın 70 illik tarixini əks etdirəcək sənədli filmin çəkilişinin qərara alındığını qeyd edən akademik İsa Həbibbəyli filmin çəkilişi ilə bağlı təklif və mülahizələrini bildirib. Diqqətə çatdırılıb ki, çox böyük və məsuliyyətli bir iş üçün ilkin plan hazırlanıb, bu məqsədlə bəzi arxiv sənədləri əldə edilib, sənədli kinoxronika materialları toplanıb. Akademik İsa Həbibbəyli 1945-ci ilin tarixi sənəd, foto və videolentlərinin əldə edilməsinin zəruriliyini bildirərək nəzərdə tutulan filmdə müstəqillik illərində qazanılmış elmi nailiyyətlərin, müxtəlif arxeoloji və geoloji ekspedisiyaların fəaliyyətinin də işıqlandırılmasının əhəmiyyətindən danışıb. Akademik Akif Əlizadənin rəhbərliyi ilə xüsusilə son bir il ərzində akademiya üzrə aparılmış genişmiqyaslı islahatlarla bağlı süjetlərə də geniş yer veriləcəyini bildirən vitse-prezident bununla əlaqədar işçi qrupunun qarşısında duran vəzifələrdən ətraflı bəhs edib, qrupda yer alan alim və mütəxəssislərin konkret vəzifələrinin müəyyənləşdirilməsi ilə əlaqədar fikirlərini nəzərə çatdırıb.
Müzakirələrdə işçi qrupunun üzvlərindən AMEA-nın müxbir üzvü Ərtegin Salamzadə, rejissor Ayaz Salayev, filologiya üzrə elmlər doktoru Asif Rüstəmli və elmi işçi Arif Ramazanov çıxış edərək filmlə bağlı təkliflərini verib, mülahizələrini bildiriblər.
Akademik İsa Həbibbəyli ssenarinin elmi-publisistik üslubda yazılması, çəkiliş qrupunun vəzifələri, aparılacaq çəkilişlərin məkanı, müsahiblər, Moskva, Kiyev, Sankt-Peterburq, Tiflis arxivlərində və elmi qurumlarında iş, vəzifə bölgüsünün müəyyənləşdirilməsi ilə əlaqədar təkliflərini verib ki, bu da işçi qrupu tərəfindən bəyənilib.
Qeyd edək ki, AMEA-nın 70 illik yubileyi münasibətilə hazırlanacaq “Azərbaycan elminin baş qərargahı: tarix və müasirlik” sənədli filminin ideya müəllifi və elmi məsləhətçisi AMEA-nın prezidenti, akademik Akif Əlizadə, ssenari müəllifi AMEA-nın vitse-prezidenti, akademik İsa Həbibbəyli, rejissoru Ayaz Salayevdir.

Nigar Abdullayeva




 
Bölməyə aid digər xəbərlər
28.01.2020
Gömrük Komitəsinin rəhbərliyi Şirvan, Saatlı və Biləsuvarda vətəndaşları qəbul edəcək
28.01.2020
“Azərişıq”da daha bir yenilik-rəqəmsal texnologiyalar üzərindən interaktiv müsahibə
28.01.2020
“Sədərək“ dairəsində sürücüləri cərimələyən yol polislərinin izahatı alınıb
28.01.2020
“KOB könüllüləri” ölkəmizdə könüllülər hərəkatına öz töhfəsini verir
28.01.2020
Səhiyyə naziri koronavirusa qarşı profilaktik tədbirlərin gücləndirilməsi ilə bağlı əmr imzalayıb

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11440

1 Çalışacağıq ki, futbol pərəstişkarları məmnun qalsınlar
2 Turizm şirkətlərinə mülki məsuliyyət sığortası tətbiq ediləcək
3 Ermənistanda sosial narazılıq artır: fermerlərin kütləvi mitinqi bütün ölkəyə yayılır
4 ABŞ “doğum turizmi”nə qarşı mübarizə aparmaq qərarına gəlib
5 Ehsan Zahidov: “Salyanda polisin qıza təcavüz etməsi barədə məlumat tamamilə əsassız və uydurmadır“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info