İtaliya mətbuatında “Dağlıq Qarabağla bağlı “mətbuatın susqunluğu“ sərlövhəli məqalə
Tarix: 21.07.2014 | Saat: 22:08:00 | E-mail | Çapa göndər


Azərbaycan Respublikasının Prezidenti İlham Əliyevin iyulun 13-15-də İtaliyaya rəsmi səfəri bu ölkənin mətbuatının diqqət mərkəzində qalmaqda davam edir.
İtaliyanın "Daily Cases" internet portalında dərc edilmiş "Dağlıq Qarabağla bağlı "mətbuatın susqunluğu" sərlövhəli məqalədə Trans-Adriatik boru kəməri və Azərbaycanın Roma şəhərindəki Fori İmperialidə bərpa işlərinə vəsait ayırmaq niyyətinin səfərlə bağlı mətbuatda ən çox işıqlandırılan mövzular olduğu bildirilir.
Müəllif yazır ki, Azərbaycanın Roma şəhərindəki Fori İmperialidə bərpa işlərinə vəsait ayırmaq niyyəti ölkənin və onun xalqının təkcə İtaliya deyil, bütün bəşəriyyətə aid mədəniyyətin və abidələrin qorunması məsələsinə həssaslığını və hörmətini təsdiq edir. Bu vacib məsələlər haqqında danışılması və onların təşviq olunması təqdirəlayiqdir. Təqdir olunmayan isə odur ki, digər məsələlərlə müqayisədə maksimum üstünlük verilməli olan mövzular var ki, onlar haqqında alçaq səslə danışılır, bəzən isə üzərindən keçilir, xüsusən də belə vacib məqamlarda. Çünki Avropanın bir çox ölkələrində olduğu kimi, İtaliyada da Dağlıq Qarabağ münaqişəsi haqqında az danışılır. Çox güman ki, İtaliya əhalisinin əksəriyyəti Dağlıq Qarabağ haqqında heç nə bilmir. Heç bilmirlər ki, söhbət harada yerləşməsi haqqında təsəvvürləri belə olmayan yer adından gedir. Ancaq insanlar bilmək istəyirlər, bilməlidirlər də.
Məqalədə deyilir: "Mən Dağlıq Qarabağ münaqişəsinin "unudulmuş münaqişə" olması haqqında çox eşitmişəm, ancaq həqiqət başqadır. Həqiqət ondan ibarətdir ki, bu münaqişə haqqında danışılmır. Bəlkə münaqişəyə cəlb olunmuş ölkələrdən birinin əhalisi xristiandır, ona görə?! Ancaq biz italyanlar heç vaxt öz dostlarımızı onların mənsub olduğu dinə görə seçmirik. Bəlkə biz iki tərəfdən heç birini narazı salmaq istəmirik?! Ancaq bu vəziyyət hər bir halda beynəlxalq hüquqa, hər şeydən öncə isə həqiqətə zərər yetirir. Həqiqət isə odur ki, Ermənistan və Azərbaycan arasındakı münaqişənin nəticəsi olaraq bu gün Azərbaycanda 1 milyondan artıq qaçqın və məcburi köçkün yaşayır. Bu, danılmaz faktdır. Danılmaz faktdır ki, Azərbaycanın beynəlxalq səviyyədə tanınmış torpaqlarının 20 faizi 20 ildən artıqdır ki, ermənilər tərəfindən işğal olunub, baxmayaraq ki, beynəlxalq təşkilatlar dəfələrlə Ermənistana işğalçı qüvvələrini Azərbaycan torpaqlarından qeyd-şərtsiz çıxarmaqla bağlı xəbərdarlıq edib. Bu, bir faktdır ki, 1992-ci il fevralın 26-da Ermənistan silahlı qüvvələri çoxlu sayda mülki şəxsi - 106-sı qadın, 63-ü uşaq olmaqla 613 nəfəri qətlə yetirərək Xocalı şəhərinin demək olar ki, bütün əhalisini qırdılar. Bütün bunlar əsaslı faktlardır, lakin biz bu haqda danışa bilmirik. Dağlıq Qarabağ məsələsi daha geniş məsələdir və əlbəttə ki, onun haqqında bir neçə sətirlə danışmaq olmaz. Lakin bu haqda danışmaqdan qorxmaq lazım deyil. Müasir tariximizin bu böyük faciəsi arxasında gizlənən sükutdan qorxmaq lazımdır. Sükut ən təhlükəli silahdır, onun arxasında hər şeyi dəyişilməz saxlamaqla unutqanlığadək gətirib çıxarmağa çalışırıq. Bir xalqın, millətin tarixində, həmçinin öz yaxınlarını, evlərini, ləyaqətini, bir sözlə, hər şeyini bir anda itirən qardaş, bacılarının həyatında yer alan bu açıq yaranı bir anda unuda biləcəyini necə düşünə bilərsiniz?!"
Yazıda diqqətə çatdırılır ki, ötən həftələrdə Prezident İlham Əliyev iki mühüm tədbirdə - Strasburqda Avropa Şurasının Parlament Assambleyasında və ATƏT Parlament Assambleyasının Bakıda keçirilən iclasında beynəlxalq ictimaiyyət qarşısında çıxış edərək xalqının çəkdiyi əziyyətləri, Dağlıq Qarabağdan olan məcburi köçkünlərin çətin şəraitini xatırladıb. Azərbaycan Prezidenti hər şeydən əvvəl xatırlatdı ki, BMT-nin 4 qətnaməsinə, ATƏT-in, Avropa Parlamentinin, Avropa Şurası Parlament Assambleyasının, İslam Əməkdaşlıq Təşkilatının və hətta ABŞ, Rusiya, Fransanın həmsədr olduqları ATƏT-in Minsk qrupunun qərarlarına baxmayaraq, ermənilər beynəlxalq hüququ pozmaqda davam edirlər, beləliklə də Dağlıq Qarabağ münaqişəsi başlayandan indiyədək yaşanan acını daha da artırırlar. Bu mövzu ilə bağlı "mətbuatın susqunluğu" istər-istəməz mətbuatı bu böyük ədalətsizliyin ortağına çevirir.
Tural




 
Bölməyə aid digər xəbərlər
19.09.2018
Nazirlər Kabinetinin rəsmi internet saytı yeni tərtibatda fəaliyyətə başlayıb
18.09.2018
Müdafiə naziri yüksək dağ zirvələrində yerləşən bölmələrin döyüşə hazırlığını yoxlayıb
18.09.2018
Paşinyanın oğlunun hərbi xidmət piarından yararlanmaq cəhdi nə vəd edir...
18.09.2018
Çində Azərbaycan haqqında daha çox informasiya veriləcək
17.09.2018
Azərbaycanlılar Avropada yeni media orqanı təsis ediblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10119

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Bu il sığorta bazarı 40 faizdən çox genişlənib, yığımlar artıb”
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info