“Olland Afrikada fransız qüvvələrinin yenidən təşkilinə başlayır”
Tarix: 22.07.2014 | Saat: 00:39:00 | E-mail | Çapa göndər


Fransa prezidenti Fransua Olland Afrikada səfərdə olub. Prezidentin Fil dişi Sahilindən başlanan səfəri Nigeriyada davam etdirilərək, bazar günü Çadın paytaxtı Ndjamenada başa çatıb. Burada avqustun 1-də başlayacağı gözlənilən “Barxan” əməliyyatının komanda mərkəzi yerləşir.
Dövlət başçısı əməliyyata hazırlığı şəxsən izləmək niyyətindədir. Səfər bəzi nüansları ortaya çıxarır. Məsələ burasındadr ki, fransız prezident insan hüquqlarına laqeyd münasibəti ilə tanınan Çad prezidenti İdris Debye ilə əməkdaşlıq etmək niyyətindədir. Fransua Ollandın sözlərinə görə, Çad ilə regional təhlükəsizlik üzrə danışıqlar, "ən kiçik güzəşt" anlamında "Fransanın geri çəkilməsi» kimi qəbul edilməməlidir. İki ölkə prezidentinin birgə keçirdiyi mətbuat konfransında Çad prezidentinə «insan hüquqları məsələsi barədə» ünvanlanmış suala İdris Debyenin çavabı çox sərt olub: «Çad demokratik və hüquqi dövlət olmaqla yanaşı, müstəqil və suveren bir ölkədir". Daha sonra xatırladıb ki, ona ünvanlanan bütün suallar bölgədə təhlükəsizlik problemləri ilə məhdudlaşdırılmalıdır. Bu barədə sonradan aparılan müzakirələr zamanı prezident Fransua Olland bəyan edib: “Mən prezident İdris Debyeyə məlumat verdim ki, Fransa "öz resurslarını yenidən təşkil etmək niyyətindədir”. Qeyd edildiyi kimi, “Barxan”ın əməliyyat mərkəzi Çadın mərkəz şəhərində yerləşəcək. Əməliyyat mərkəzinə vaxtilə Malidə həyata keçirilən “Serval” və Çadda keçirilən "Şahin" əməliyyatının iştirakçısı olmuş şəxslər cəlb ediləcək. Burada söhbət təxminən 3000 nəfərlik heyətdən gedir. Onlar regionda bir sıra əsaslarla paylanacaq. Belə ki, Nigeriyanın paytaxtında kəşfiyyat bazası olacaq, Uaqaduquaya (Burkina Faso) isə xüsusi qüvvələr göndəriləcək. Fransua Ollandın sözlərinə görə, «Barxan» sistemi regionda islamçı təhdidlərə qarşı «səmərəliliyi və sürətliliyi təmin" edəcək. Fransız hərbi qüvvələri qarşısında çıxış edən Fransa prezidenti Çadın coğrafi mövqeyini önə çəkərək, bu regionda böhranların kəskinləşməsində terrorçu qüvvələrin, Cənubi Liviyadakı narkotik ticarətin, Nigeriyadakı “Boko Haram”, Malidəki, Mərkəzi Afrika Respublikasındakı böhran barədə danışaraq əlavə edib: “Təhlükələr çoxdur. Bu gün biz bu terror mənbələrin mövcudluğu haqqında bəhs edirik”.
Ağasəf Babayev




 
Bölməyə aid digər xəbərlər
22.05.2019
Kilsə atəşə tutuldu-3 ölü
22.05.2019
Rusiyada terror aktı törətməyə hazırlaşan silahlılar zərərsizləşdirilib
21.05.2019
Norveç Şimal dənizinə neft sızması ehtimalı ilə təhqiqata başlayır
21.05.2019
Vladimir Zelenski Ali Radanın buraxılması barədə fərman imzalayıb
20.05.2019
Madrid və Barselonada metro işçiləri tətil edir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info