Dövlət Proqramı əsasında xaricdə təhsil alan tələbələrin sayı 3 mini keçəcək
Tarix: 22.07.2014 | Saat: 18:31:00 | E-mail | Çapa göndər


Təhsil naziri Mikayıl Cabbarov 2014-2015-ci tədris ilində xarici ölkələrin ali təhsil müəssisələrində “2007-2015-ci illərdə Azərbaycan gənclərinin xarici ölkələrdə təhsili üzrə Dövlət proqramı” çərçivəsində təhsil almaq üçün Azərbaycan Respublikası Prezidenti yanında Təhsil üzrə Komissiya tərəfindən təsdiq olunmuş ilk tələbələrlə görüşüb. Görüşdə çıxış edən təhsil naziri Mikayıl Cabbarov bildirib ki, Azərbaycanda təhsil ənənələri, təhsilə verilən dəyər dərin köklərə malikdir. Onun sözlərinə görə, müstəqil Azərbaycanda gənclərin xarici ölkələrdə təhsillərini davam etdirməsi təcrübəsi davam etdirilir və sahə daha da genişləndirilir. Nazir qeyd edib ki, prezidentin sərəncamı ilə imzalanan “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində 3 minə yaxın tələbə təhsil alır: “Biz ümid edirik ki, bu il həmin tələbələrin sayı 3 mini keçəcək. Bu gün də proqram genişlənir və hər bir Azərbaycan vətəndaşı bundan faydalanmaq hüququna malikdir. Dünyanın ən rəqabətli universitetlərinin seçilmiş ixtisaslarında təhsil almaq sizin gələcək həyatınızda, cəmiyyətin inkişafında mühüm rol oynayacaq. Qloballaşan dünyada, bilik, elm, savad, informasiya kimi məfhumlar hökm sürən zəmanədə, siz öz rəqabət qabiliyyətinizi bu mərhələdə xaricdəki ali məktəblərə qəbul olmaqla sübut etmisiniz. Amma bu sizin üçün birinci addımdır. Gələcək uğurlarınızın əldə olunması sizin təhsilin uğurlu şəkildə başa çatdırmaqdan asılıdır. Azərbaycan nadir ölkələrdən biridir ki, öz vətəndaşlarına təhsil və yaşayış xərclərini əhatə edən təqaüd proqramlarını tətbiq edir. Bu da Azərbaycanın sosial yönümlü dövlət olduğundan, təhsilə əsrlərlə verilən əhəmiyyətdən irəli gəlir”.
M. Cabbarovun sözlərinə görə, xaricdə təhsil alan hər bir tələbə yaşadığı, təhsil aldığı ölkələrdə səfirdirlər. Nazir qeyd edib ki, həmin tələbələr oxuduqları təhsil məkanlarında, ölkələrdə Azərbaycanı təmsil edəcək: “Azərbaycanın müstəqilliyinin bərpasından sonra qısa müddət keçməsinə baxmayaraq ölkəmiz dünyada kifayət qədər tanınır. İqtisadi-siyasi tədbirlər hesabına bu gün Azərbaycan barədə rəy hələ də formalaşmaqdadır. Siz Azərbaycanın müvafiq dövlətlərdə yerləşən səfirliklərlə sıx münasibətdə olmalısınız. Azərbaycanla bağlı fəaliyyət göstərən təşkilatlar, səfirliklərlə əlaqədə olmaq hər birinizin vətəndaş borcudur. Təhsilini başa vurduqdan sonra hər birinizin Azərbaycanda yolunu səbirsizliklə gözləyəcəyik. Çünki ölkənin istənilən sahəsində öz hüquqlarını qorumaq, rəqabət qabiliyyətli olmaq üçün bilikli, peşəkar, dünya səviyyəli peşəkarlar lazımdır”.
Görüşdə dövlət Proqramı çərçivəsində xaricdə təhsil almaq hüququ qazanmış tələbələrə ilk dəfə olaraq “DP təqaüd kart”ları təqdim edilib.

Nigar




 
Bölməyə aid digər xəbərlər
23.07.2019
Azərbaycan vətəndaşlarının səfər üçün daha çox seçdikləri yerlər
20.07.2019
Lənkərandakı istirahət məkanları cərimələndi
20.07.2019
“Bu ildən Azərbaycan regionlarında uşaqlar üçün bərpa müəssisələrinin inşasına başlanacaq“
20.07.2019
FHN Şirvandakı kütləvi zəhərlənmə ilə bağlı məlumat yayıb
19.07.2019
Naxçıvanda sağlamlıq imkanları məhdud uşaqların sayı nəzərəçarpacaq dərəcədə azalıb

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10836

1 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
2 Подготовка армянских «джавахкских» боевиков-сепаратистов против Грузии в оккупированным Карабахе уже идет полным ходом - FOTO
3 “Cənub bölgəsi Azərbaycanda ən çox turist qəbul edən bölgə olacaq”
4 “Rusiya Azərbaycanlıları İttifaqı gündəmə bəyanatla yox, əməli işlə gəlir”
5 Abituriyentlər, Azərbaycan Dövlət Pedaqoji Universitetini seçin!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info