Heydər Əliyev Fondunun dəstəyi ilə Pakistanda humanitar aksiya keçirilib
Tarix: 23.07.2014 | Saat: 19:09:00 | E-mail | Çapa göndər


Bu gün Pakistanın Xayber Paxtunxva əyalətinin Dera İsmayil Xan bölgəsində Heydər Əliyev Fondunun dəstəyi ilə humanitar aksiya keçirilib.
Pakistanın "Diplomatic News Agency" agentliyinin də yaydığı xəbərdə deyilir ki, məcburi köçkünlər üçün yaradılmış düşərgədə təşkil olunmuş tədbirdə Xayber Paxtunxva əyalət hökumətinin rəsmiləri, federal fövqəladə nazirliyinin nümayəndəsi iştirak etmişlər.
Mərasimdə çıxış edən Azərbaycan-Pakistan parlamentlərarası dostluq qrupunun üzvü, Pakistan parlamentinin sabiq sədr müavini, AİMS inkişaf fondunun təsisçisi Fəysəl Kərim Kundi Heydər Əliyev Fondunun prezidenti, Azərbaycanın birinci xanımı Mehriban Əliyevaya hər bir müsəlman üçün xüsusi önəm kəsb edən müqəddəs Ramazan ayında çətin maddi və mənəvi durumda olan məcburi köçkünlərin dərdinə şərik olmasına görə minnətdarlığını bildirmişdir.
Daha sonra o, Heydər Əliyev Fondunun Pakistanın Xayber Paxtunxva əyalətində inşa etdirdiyi Heydər Əliyev su təchizatı sistemi və digər layihələr barəsində məlumatlar vermişdir. Natiq bütün bunların Pakistan və Azərbaycan arasında qardaşlıq münasibətlərinin təzahürü kimi qiymətləndirmişdir.
Daha sonra, düşərgədə məskunlaşmış on minlərlə məcburi köçkünlərə qablaşdırılmış mineral su paylanmışdır. Tədbirin sonunda məcburi köçkünlər üçün iftar süfrəsi təşkil olunmuşdur.
Heydər Əliyev Fondunun Ramazan ayında keçirdiyi layihələrin davamı olaraq Pəncab əyalətinin kimsəsiz qız uşaqlarının məskunlaşdığı Beyt-il-Mal uşaqlar evində iftar yeməyi təşkil olunmuşdur. Uşaqlar evində təşkil olunmuş mərasimdə, Beyt-ul-Malın prezidenti Vahid Şeyx, Azərbaycan-Pakistan Gənclər Parlamentinin (QHT) prezidenti M.A. Nur, media nümayəndələri, Azərbaycan Səfirliyinin əməkdaşları iştirak etmişlər.
Tədbirdə çıxış edən Beyt-il-Malın prezidenti Heydər Əliyev Fondunun prezidenti Mehriban Əliyevaya Pakistanlı uşaqlara göstərdiyi diqqət və dəstəyə görə dərin minnətdarlığını bildirmişdir.
Tədbirin sonunda uşaqlar evinin sakinləri və burada çalışan texniki heyət üçün iftar verilmişdir. İftar yeməyindən sonra tədbir iştirakçıları üçün musiqi proqram təşkil olunmuşdur.
Tural




 
Bölməyə aid digər xəbərlər
24.05.2019
“Turizm ixtisası üzrə təhsil alan tələbələrin peşəkar vərdişlərinin formalaşdırılmasına dəstək” layihəsi icra edilir
24.05.2019
Vergi sirri haqqında məlumatlar Hesablama Palatasına da veriləcək
23.05.2019
FHN-in Akademiyasında Nəsiminin yubileyi qeyd edilib
23.05.2019
“Son iclas” filmi Pirallahı gəncləri tərəfindən böyük maraqla qarşılandı
23.05.2019
Heydər Əliyev Fondu rayonlarda iftar süfrələri təşkil edir

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10786

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 …Hər sözdə vətən axtaran soydaşımız
5 Özbəkistan Respublikasının Prezidenti Şavkat Mirziyoyevdən


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info