“Rusiyaya qarşı sanksiyalar Almaniyanın dəstəyi olmadan qəbul edilə bilməz”
Tarix: 25.07.2014 | Saat: 00:55:00 | E-mail | Çapa göndər


Avropa Birliyinin Rusiyaya qarşı tətbiq edəcəyi sərt sanksiyalar ABŞ-la Almaniya arasındakı gərginliyə də həlledici təsir göstərə bilər. Rusiyaya yeni sanksiyalar təbiq etməyə hazırlaşan ABŞ Avropa Birliyini onlardan nümunə götürməyə çağıb. “The Wall Street Journal”da dərc edilən məqalədə qeyd edilir ki, Amerikanın Almaniyaya qarşı casusluğundan qəzəblənən Berlin Vaşinqtonla yeni müqavilə bağlamaq istəyir.
Müəllif Linda Killian yazır ki, “Pew” mərkəzinin keçiridiyi sorğu göstərir ki, almanlar arasında ABŞ-a inam 13 faiz aşağı düşüb. Almanların yalnız 51 faizi Amerikaya müsbət münasibət bəsləyir. Linda Killian yazır: “Almanlar hələ də Angela Merkelin mobil telefonunun ABŞ tərəfindən dinlənilməsi barədə məlumatdan qəzəblidirlər. “Pew”in araşdırmalarına görə, Almaniya əhalisinin 90%-i ABŞ-ın digər ölkələrin liderlərinin danışıqlarının dilnənilməsini qəbuledilməz hesab edir. Bu rəqəm Rusiya da daxil olmaqla digər ölkələrdə daha yüksəkdir. Bu narazılıq Braziliyada keçirilən Dünya Kuboku çərçivəsində ABŞ ilə Almaniya arasında keçirilən futbol qarşılaşmasında da bir daha əks olundu. Belə ki, alman azarkeşlər ABŞ Milli Təhlükəsizlik Agentliyinin adının qısaldılmış forması olan “NSA, NSA!” qışqıraraq Agentliyin telefon dinləməsinə etirazlarını bildiriblər. Bu yaxınlarda Almaniyada həyəcanlı bir xəbər yayılıb ki, Mərkəzi Kəşfiyyat İdarəsi alman kəşfiyyatının zabitini ələ alıb. Məlum olub ki, iki il ərzində Amerika kəşfiyyatına işləyən alman zabit “işinin” müqabilində ABŞ-dan 35 min dollar alıb. Onun casusluğu haqqında məlumat Rusiyaya xidmətini təklif etməsi ilə bağlı rus dostunun elektron poçtuna göndərdiyi məktubdan sonra məlum olub. Almanlar inanırlar ki, ölkənin Müdafiə Nazirliyində başqa casuslar da işləyə bilər. Buna cavab olaraq, almanlar iki həftə əvvəl Mərkəzi Kəşfiyyat İdarəsinin Berlindəki büro rəhbərini geri göndərib. “Spiegel”in məlumatına görə, Almaniya rəsmiləri ABŞ-a qarşı əlavə tədbir həyata keçirə bilər. Casus münaqişəsindən sonra Obama administrasiyası Almaniya ilə əlaqələri bərpa etmək üçün çalışır. Bu məqsədlə Ağ Evin antiterror üzrə baş müşaviri Devid Makdonou, terrorla mübarizə üzrə məsul şəxslər Merkel və Almaniyanın kəşfiyyat rəhbərləri ilə bir araya gəliblər. Maraqlıdır ki, elə həmin gün AB ölkələrinin xarici işlər nazirləri Rusiyaya qarşı yeni sanksiyaların gücləndirilməsi barədə razılığa gəliblər. BMT-nin Təhlükəsizlik Şurasında çıxış edən Hollandiyanın xarici işlər naziri bildirib ki, iqtisadiyyat və ticarət sahəsindəki mümkün çətinliklər 298 adamın ölümündə məsul olanların cəzalandırılması ilə müqayisədə kiçik məsələdir. Xatırladaq ki, Rusiyanın texnologiya, enerji və hərbi sənaye sektorlarına tətbiq ediləcək sanksiyalar, yalnız AB üzvləri onlara qoşulacağı təqdirdə tam gücüylə işləyəcək. Almaniya böyük ÜDM ilə dünyanın beşinci böyük iqtisadiyyat ölkəsi kimi AB-nin əsas oyunçusudur. Məhz buna görə də Rusiyaya qarşı Avropa sanksiyaları Almaniyanın dəstəyi olmadan qəbul edilə bilməz”.
Ağasəf Babayev




 
Bölməyə aid digər xəbərlər
20.05.2019
Madrid və Barselonada metro işçiləri tətil edir
20.05.2019
Həsən Ruhani ABŞ Prezidentinin dialoq təklifinə cavab verib
20.05.2019
Ukraynanın Baş naziri istefa verib
20.05.2019
Parisdə yollar bağlandı - Taksi və təcili yardım sürücüləri tətil edir
20.05.2019
Çində gecə klubunun çökməsi nəticəsində 2 nəfər ölüb, 77 nəfər yaralanıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10783

1 “İş yerlərində təhlükəsiz əmək şəraiti yaratmaq lazımdır”
2 “Ukraynanın ictimai-siyasi həyatında fəal iştirak edirik”
3 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
4 Üç müharibə iştirakçısı olan general-mayor
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info