Avropa ölkələrinin gəncləri Qəbələdə bir araya gələcək
Tarix: 01.08.2014 | Saat: 01:34:00 | E-mail | Çapa göndər


“Qərbdən Şərqə nifrət nitqinə yox” regional kampaniyası iştirakçılarının Azərbaycandakı görüşü başa çatıb
Azərbaycan Respublikası Gənclər Təşkilatları Milli Şurası (ARGTMŞ) tərəfindən Gənclər və İdman Nazirliyi, Prezident yanında Gənclər Fondu və Avropa Şurasının dəstəyi ilə təşkil olunan “Qərbdən Şərqə nifrət nitqinə yox” regional kampaniyası iştirakçılarının ölkəmizdəki görüşü başa çatıb.
Şuradan bildiriblər ki, tədbirin məqsədi ARGTMŞ-nin rəhbərliyi ilə Şərqi Avropa regionuna daxil olan ölkələrin Milli şuraları və “Nifrət nitqinə yox hərəkatı” kampaniyasının əlaqələndiriciləri arasında əməkdaşlığın qurulması və gücləndirilməsidir. Həmçinin bu bölgə üzrə kampaniyanın fəaliyyət planında nəzərdə tutulan tədbirlərin əlaqələndirilməsidir.
Görüşdə Gürcüstan, Rusiya, Ukrayna, Belarus və Moldovanın gənclərlə bağlı fəaliyyət göstərən dövlət qurumlarının rəsmiləri, “Nifrət nitqinə yox hərəkatı” kampaniyasının milli səviyyədə əlaqələndiriciləri və Milli şuraların rəsmiləri iştirak ediblər.
Tədbir ümumi iclas ilə başlanıb. İclasda çıxış edən ARGTMŞ-nin baş katibi Seymur Hüseynov iştirakçılara ölkəmizdə həyata keçirilən gənclər siyasəti, eləcə də Gənclər və İdman Nazirliyinin, Gənclər Fondunun yerli və xarici gənclər üçün yaratdığı imkanlarla bağlı məlumat verib. Azərbaycan hökumətinin bu kampaniyanın həyata keçirilməsinə fəal dəstək verdiyini vurğulayan S.Hüseynov Gənclər Fondunun qrant müsabiqəsində “Nifrət nitqi” ilə mübarizənin prioritet istiqamət kimi qeyd olunduğunu bildirib.
Görüşdə Azərbaycanda indiyədək “Nifrət nitqinə yox hərəkatı” çərçivəsində görülən işlərlə bağlı məlumat verilib və videoçarxlar nümayiş etdirilib.
Daha sonra iştirakçılar təmsil etdikləri ölkələrdə kampaniya ilə bağlı həyata keçirilən tədbirlərlə bağlı təqdimatları diqqətə çatdırıblar. Görüş Avropa Şurasının Gənclər Departamentinin məsul əməkdaşı Marina Filaretova tərəfindən aparılan qrup işləri ilə davam edib.
Tədbir çərçivəsində iştirakçılar 2016-cı il Avropa Gənclər Paytaxtı seçilmiş Gəncədə və Şəmkirdə olublar. Onlar “Avropa Gənclər Paytaxtı-2016”-nın təşkilat komitəsi, şəhərin gənclər təşkilatlarının və bir sıra dövlət qurumlarının nümayəndələri ilə görüşüblər. İştirakçılar Gəncənin infrastrukturu, yeni istifadəyə verilmiş Gənclər Mərkəzi və Heydər Əliyev Mərkəzi ilə tanış olublar. Şəmkirə səfər zamanı qonaqlar Gənclər Mərkəzi ilə tanış olublar. Burada iştirakçılara gənclər üçün yaradılan imkanlar, onların inkişafı, fəallıqlarının artırılması istiqamətində görülən işlər barədə məlumat verilib. Qonaqlar Azərbaycanın qədim tarixi və milli-mənəvi dəyərləri ilə də tanış olmaq imkanı əldə ediblər. “Nifrət nitqinə yox hərəkatı” Avropa Şurası tərəfindən həyata keçirilir və bu quruma üzv olan ölkələrdə təşkil edilən kampaniyalara əsaslanır. Bu, 2012-2014-cü illər üzrə həyata keçirilən “Gənclərin nifrət nitqinə qarşı onlayn mübarizəsi” layihəsinin bir hissəsidir. ARGTMŞ “Nifrət nitqinə yox hərəkatı”nın Azərbaycan üzrə əlaqələndiricisidir.
Kampaniyanın ən böyük tədbiri - “Nifrət nitqinə yox” Forumu Azərbaycanın Avropa Şurasında sədrliyi çərçivəsində ARGTMŞ, Gənclər və İdman Nazirliyi, Xarici İşlər Nazirliyi və Avropa Şurası tərəfindən oktyabrın 1-dən 5-dək Qəbələdə təşkil olunacaq. Tədbirdə Azərbaycan hökumətinin və Avropa Şurasının yüksək vəzifəli şəxsləri, ümumilikdə 50 ölkədən, o cümlədən Avropanın 47 ölkəsindən 250-yə yaxın gənc iştirak edəcək.
Cavidan




 
Bölməyə aid digər xəbərlər
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info