Dəmiryolçular payız-qış mövsümünə hazırlaşır
Tarix: 13.08.2014 | Saat: 01:21:00 | E-mail | Çapa göndər


“Naxçıvan Dəmir Yolları” Məhdud Məsuliyyətli Cəmiyyətində 2014-2015-ci ilin payız-qış mövsümünə hazırlıqla bağlı tədbir keçirilib. Tədbirdə “Naxçıvan Dəmir Yolları” Məhdud Məsuliyyətli Cəmiyyətinin (MMC) infrastruktur idarəsinin rəisi Mərdan Hacıyev çıxış edərək, avqustun 1-də MMC-nin idarə strukturlarında təsərrüfatın 2014-2015-ci ilin payız-qış mövsümünə hazırlığına dair müvafiq qərargah yaradıldığını, ötən mövsümdəki işlər təhlil edilərək aşkar olunan nöqsanlar nəzərə alınmaqla bir sıra tədbirlər həyata keçirildiyini bildirib.
Qeyd edilib ki, xidməti ərazidə qatarların təhlükəsiz hərəkətinin təmin olunması məqsədilə baş və stansiya yollarının vəziyyəti yoxlanılıb, kəskin ehtiyac duyulan sahələrdə 23 ədəd yarımyararlı ağac şpal, 240 ədəd təzə ağac şpal və 123 ədəd dəmir-beton şpal dəyişdirilərək 50 metr yararsız rels yenisi ilə əvəz edilib. Relslərdə olan qüsurların vaxtında aşkar edilməsi, yoldəyişdirici qurğuların və qaynaq calaqlarının yoxlanılması məqsədilə yollarda müvafiq ölçmələr aparılır. MMC-nin yük və sərnişin daşımaları idarəsinin rəis əvəzi Mübariz Allahverdiyev qeyd etdi ki, Culfa lokomotiv deposunda payız-qış mövsümündə istismar olunacaq 5 ədəd elektrovozun və 5 ədəd manevr-magistral teplovozun hərəkət və dartı hissələri müayinə olunaraq onların cari və depo təmirləri diqqətdə saxlanılıb. Bildirilib ki, cari ildə elektrovozların normal və fasiləsiz işini təmin etmək məqsədilə 24 ədəd təkər cütündən 14 ədədi dəyişdirilib, 10 ədədi isə ehtiyatda saxlanılır. Bu ilin ötən 7 ayında 76 ədəd müxtəliftipli vaqonda cari və ya depo təmiri işləri aparılıb. Lokomotivlərin və istilik sistemləri ilə təchiz edilmiş sərnişin vaqonlarının payız-qış mövsümünə hazırlığı ilə əlaqədar tələb olunan ehtiyat hissələri və 10,7 ton sürtgü yağı tədarük edilib. Vaqonların qış mövsümündə qızdırılması üçün 53,3 ton daş kömür ehtiyatı yaradılıb, əlavə olaraq mövsüm ərəfəsində 20 ton daş kömürün alınıb gətirilməsi təmin ediləcək. “Naxçıvan Dəmir Yolları” Məhdud Məsuliyyətli Cəmiyyətinin təhlükəsizlik idarəsinin rəisi Ramazan Şıxəliyev və MMC-nin texniki inzibati binaların təmir-tikinti idarəsinin rəis əvəzi İntizam Mustafayev çıxış edərək bildirdilər ki, texniki, inzibati və yardımçı binaların dam örtüklərinə, qapı və pəncərələrinə baxış keçirilib, nasos stansiyalarının xətləri, qurğu və avadanlıqları yoxlanılaraq çatışmazlıqlar aradan qaldırılıb. Təhlükəsizlik komandalarının gözətçi məntəqələrində təmir işləri aparılıb, geyim və yataq əşyalarının təmizliyi təmin edilib. Dəmiryol təsərrüfatında çalışan bütün aidiyyəti işçilər xüsusi geyim, ayaqqabı və fərdi mühafizə vasitələri ilə təchiz olunublar. Sahələrdə istifadə edilən və standartlara cavab verməyən bütün işçi alətləri yenilənib. Qeyd olunub ki, son illər əsaslı təmir edilmiş və yenidən qurulmuş sərnişin vağzalı və inzibati binalarda 9 ədəd fərdi qazanxana quraşdırılıb. Təmir sexlərində və digər strukturlarda isə 6 ədəd “Kombi” markalı qızdırıcıdan istifadə olunur. İstismar edilən bütün qazanxana və qızdırıcılara texniki baxış keçirilərək onların saz vəziyyətdə olması təmin edilib. Tədbirdə görüləcək işlərlə bağlı müzakirələr aparılıb.
Cavidan




 
Bölməyə aid digər xəbərlər
15.11.2018
“Ekspro” şirkəti Azərbaycanın neft-qaz sahəsində mövqeyini gücləndirir
15.11.2018
Azərbaycan ən çox İtaliyaya satır, Rusiyadan alır
14.11.2018
Büdcə haqqında qanun layihəsi birinci oxunuşda təsdiq edilib
14.11.2018
ABŞ nəşri: “Bakı Limanı İpək Yolunda ticarət üçün əhəmiyyətli bir dəhlizdir”
14.11.2018
Türk Hava Yolları: Yüklənmə səviyyəsi oktyabr ayında 83,4%-ə çatıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10471

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info