Macarıstanda Böyük Türk Qurultayı başa çatıb
Tarix: 14.08.2014 | Saat: 20:04:00 | E-mail | Çapa göndər


Macarıstanın Buqats bölgəsindəki Kişqunşaq Milli Parkında Macar-Turan Fondunun təşkilatçılığı ilə türk-hun dünyasının birliyini təcəssüm etdirən Böyük Qurultay başa çatıb. Sayca beşinci olan qurultayın əsas məqsədi türk-hun dünyası təmsilçilərinin bir araya toplanması və onların milli mədəniyyət nümunələrinin nümayişi olub. Qurultay iştirakçı dövlətlərin sayının çoxluğu və miqyası baxımından fərqli olub. Ölkəmizdən tədbirdə Milli Məclisin deputatları Qənirə Paşayeva, Cavanşir Feyziyev, Fərəc Quliyev, Mətbuat Şurasının sədri Əflatun Amaşov, jurnalistlər, elm və mədəniyyət xadimləri, həmçinin Qədim Musiqi Alətləri Ansamblının təmsil olunduğu nümayəndə heyəti iştirak edib.
Qurultayın açılışı mərasimində qədim dövr geyimlərində əsgərlərin iştirakı ilə döyüş səhnələri canlandırılıb, müxtəlif yarışlar keçirilib. Macarıstan parlamentinin vitse-spikeri Şandor Lejak bu tədbirin xalqlar arasında dostluğa böyük bir töhfə olacağına əminliyini ifadə edib. Daha sonra Macar–Turan Fondunun sədri Andraş Biro və Macarıstanın əsas siyasi partiyalarından olan Daha Yaxşı Macarıstan Uğrunda-Yobbik partiyasının sədri Qabor Vona türk-macar münasibətləri, macarların qədim soy-kökləri haqqında danışıblar və Qurultayın Macarıstanla türk dövlətləri arasındakı münasibətlərin daha da inkişaf etdirilməsi baxımından geniş imkan yaradacağını qeyd ediblər. Qurultayda türk xalqlarının əbədi qardaşlığı ilə bağlı andiçmə mərasimi keçirilib, andın mətni əski türk əlifbasında lövhəyə həkk olunub. Tədbir mədəni proqramla davam etdirilib. İlk olaraq səhnəyə Azərbaycan Qədim Musiqi Alətləri Ansamblı çıxıb. Ansamblın ifasında Azərbaycan xalq mahnıları çoxsaylı tamaşaçılar tərəfindən böyük maraqla qarşılanıb və sürəkli alqışlarla müşayiət olunub. Öz adət-ənənələrini nümayiş etdirən iştirakçıların ifa etdikləri musiqilər, rəqs qruplarının çıxışları tədbirə xüsusi rəng qatıb.
Qurultayın son günü əsasən qədim türk dünyası mərasimləri nümayiş etdirilib. Həmin gün də Azərbaycan Qədim Musiqi Alətləri Ansamblı tamaşaçılar qarşısında maraqlı proqramla çıxış edib. Tədbir çərçivəsində müxtəlif sərgilər, müsabiqələr keçirilib, yarmarka təşkil edilib. Ümumilikdə, tədbirdə 200 mindən artıq tamaşaçı olub.

Nigar




 
Bölməyə aid digər xəbərlər
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10125

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info