Ukraynanın Herontologiya İnstitutu ilə saziş imzalanıb
Tarix: 19.08.2014 | Saat: 00:00:00 | E-mail | Çapa göndər


Ukrayna paytaxtında akademik Zərifə Əliyeva adına Beynəlxalq Tibbi Elmi Mərkəz ilə Ukrayna Milli Tibb Elmləri Akademiyasının D.F.Çebotaryov adına Herontologiya İnstitutu arasında əməkdaşlıq haqqında saziş imzalanıb. Tədbirdə akademik Zərifə Əliyeva adına Beynəlxalq Tibbi Elmi Mərkəzin rəhbəri Aydın Salmanov və Ukrayna Herontologiya İnstitutunun Heriatrik Reabilitasiya Mərkəzinin direktoru, akademik Svetlana Kuznetsova çıxış ediblər.
Professor A.Salmanov qeyd edib ki, onun rəhbərlik etdiyi təşkilatın əsas məqsədi tibb elmləri, təhsil və səhiyyə sahəsində əhalinin sağlamlığının yaxşılaşdırılmasına yönəlmiş Azərbaycan-Ukrayna münasibətlərinin inkişafına kömək etməkdir. O vurğulayıb ki, tərəflər arasında əməkdaşlıq haqqında saziş məhz bu məqsədə çatmağa xidmət edir.
Professor A.Salmanov deyib ki, akademiklər Vladislav Bezrukov və Svetlana Kuznetsova akademik Zərifə Əliyeva adına Beynəlxalq Tibbi Elmi Mərkəzin Əlaqələndirmə Şurasının üzvləri kimi, Ukrayna və Azərbaycan alimləri arasında əməkdaşlığın səmərəsini artırmağa kömək etməyə hazırdırlar.
Akademik S.Kuznetsova öz çıxışında həmin sazişin vacibliyinə əminliyini bildirərək vurğulayıb ki, bu saziş Ukrayna ilə Azərbaycan arasında daha sıx əməkdaşlığa, birbaşa elmi əlaqələrin dərinləşməsinə və müştərək layihələrin həyata keçirilməsinə xidmət edəcəkdir.
O deyib: “Fürsətdən istifadə edərək bildirmək istəyirəm ki, yaxın vaxtlarda Bakıda Azərbaycan Səhiyyə Nazirliyi ilə Ukrayna Tibb Elmləri Akademiyasının Herontologiya İnstitutu arasında əməkdaşlıq haqqında müqavilə imzalanması planlaşdırılır”.
O, iki ölkə alimlərinin müştərək elmi fəaliyyətinin müvafiq profil üzrə elmi əlaqələrin dərinləşməsinə və genişlənməsinə kömək edəcəyinə ümidvar olduğunu bildirib.
Ukraynanın tanınmış alimi Svetlana Kuznetsova AzərTAc-a müsahibəsində keçən əsrin 70-80-ci illərini, həmin dövrdə Azərbaycanın bir sıra guşələrində elmi tədqiqatlar apardığını, respublikanın rəhbəri Heydər Əliyev və görkəmli oftalmoloq alim, akademik Zərifə Əliyeva ilə görüşlərini yada salaraq vurğulayıb ki, Bakıda Heydər Əliyev və Zərifə Əliyeva ilə unudulmaz görüşləri həmişə hərarətlə xatırlayır.




 
Bölməyə aid digər xəbərlər
25.06.2019
“ABŞ-ın İrana qarşı yeni sanksiyaları vəziyyəti ağırlaşdıracaq“
24.06.2019
2019-cu il Azərbaycan tarixinə sosial və idarəçilik islahatlarının qızıl səhifəsi kimi yazılacaq
24.06.2019
İmamoğlu: İstanbulda qanun və ədalət hökmranlıq edəcək
23.06.2019
Azərbaycan MDB-də ən yüksək minimum əməkhaqqı olan ölkələr kateqoriyasına daxil oldu
23.06.2019
Valdis Zatlers: Çernobıl qəzasında insanlar günahkar idi

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Yeni naziri kollektivə Ramiz Mehdiyev təqdim etdi
5 Masallının Lürən kəndində yeni tibb məntəqəsi açılıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info