“Qazax Sement Zavodu” illik 1 milyon ton sement istehsal edəcək
Tarix: 26.08.2014 | Saat: 00:10:00 | E-mail | Çapa göndər


“Akkord Sənaye Tikinti İnvestisiya Korporasiyası” ASC, “Azərbaycan Beynəlxalq Bankı” ASC və “Qazax Sement Zavodu” MMC-nin investisiya layihəsinin ikinci mərhələsi uğurla tamamlanıb. Şirkətdən verilən məlumata görə, bu il avqustun 21-də klinker istehsalına start verilib. Zavod bu ilin sentyabr ayının ortalarına qədər 70% və oktyabr ayına 100 % həcmdə olmaqla günlük 2 500 ton klinker və ya illik 1 mln. ton sement istehsalı gücünə çatacaq.
Xatırladaq ki, investisiya layihəsinin birinci mərhələsi 2013-cü ilin iyul ayında başa çatıb. Açılış mərasimi Azərbaycan Prezidentinin iştirakı ilə həyata keçirilib. “Qazax Sement Zavodu” Azərbaycanda, xüsusilə Qərb regionunda reallaşmış ən böyük investisiya layihələrindən biridir. Texniki-iqtisadi əsaslandırılması “Deloitte and Touche” şirkəti tərəfindən hazırlanmış zavodun inşasına yatırılmış investisiyanın ümumi məbləği 225 mln. manat təşkil edir. Zavodun layihələndirilməsi və inşası işlərini zəngin beynəlxalq təcrübəyə malik “Sinoma”, proqram təminatını isə “Siemens” şirkətləri həyata keçiriblər. Zavodda 595 nəfər işə cəlb edilib ki, onun da əsas hissəsini regionun yerli əhalisindən olan insanlar təşkil edir. Zavodda çalışanlara ödənilən orta əmək haqqı 600-700 manat məbləğindədir. Müəssisənin ümumi tikinti kompleksinə 49 bina və qurğu daxildir. Bunların 34-ü əsas, 15-i isə yardımçı bina və qurğulardır. Sement istehsalında mineral xammala olan tələbatı ödəmək üçün 452 hektar torpaq sahəsi ayrılıb. Zavodun istehsalat xəttinin inşasından əlavə ümumi layihə çərçivəsində bir sıra mülki, infrastruktur və enerji obyektlərinin - 8 km avtomobil, 18 km dəmiryollarının tikintisi, 15 km xarici su xətti, 26 km 110 kilovoltluq yüksək gərginlikli xarici elektrik xəttinin çəkilməsi, Avtomatik Qazpaylayıcı Stansiyanın quraşdırılması və 4 km uzunluğunda qaz xəttinin çəkilməsi, suvarma kanalının, sel bəndinin tikintisi və s. işlər həyata keçirilib. Zavodun tikintisi zamanı sosial təyinatlı obyektlərin də tikintisinə xüsusi diqqət yetirilib. Belə ki, işçi personalının və onların ailə üzvlərinin yaşayış şəraitinin təşkil edilməsi məqsədilə 56 otaqdan ibarət otel, uşaq bağçası, poliklinika, 250 nəfərlik yeməkxana, 69 otaqdan ibarət inzibati bina inşa edilib. Müəssisənin ərazisində Heydər Əliyevin abidəsi ucaldılıb. Burada orijinal layihə əsasında park salınıb. Bu istirahət məkanı müasirliyi ilə diqqəti çəkir. Sement istehsalında istifadə olunan xammalın və hazır məhsulun keyfiyyətinin müntəzəm yoxlanılması üçün zavodda kimyəvi və fiziki laboratoriya quraşdırılıb. Laboratoriyada gips, əhəng daşı, mergel, gil, vulkan külü, klinker və sementin müxtəlif növlərinin kimyəvi, fiziki və mexaniki sınaqları həyata keçirilir. Zavodun istehsal etdiyi sement artıq Azərbaycanın inşaat sektorunda tanınmış və inşaat şirkətləri tərəfindən keyfiyyətli məhsul kimi qiymətləndirilib. Bütün istehsal olunan sement növləri Azərbaycan Standartlaşdırma, Metrologiya və Patent üzrə Dövlət Komitəsi tərəfindən müvafiq qaydada sertifikatlaşdırılıb. Şirkətin inkişaf planına əsasən, 2014-2017-ci illərdə illik sement istehsalını 3 mln. tona çatdırmaq və müxtəlif növ yeni inşaat materiallarının istehsalını təşkil etmək nəzərdə tutulur. Bu planlara görə, “Qazax Sement Zavodu” MMC-də yaradılımış infrastrukturdan və ən son texnologiyalardan istifadə etməklə Qərb regionunda iri İstehsal Texnoparkı yaradılacaq. Artıq bu barədə Azərbaycan İqtisadiyyat və Sənaye Nazirliyinə təkliflər verilib. Həyata keçiriləcək işlər Azərbaycanın inşaat materiallarına olan tələbatının ödənilməsi, ölkəmizin ixrac potensialının artırılması və iqtisadiyyatın qeyri-neft sektorunun daha da gücləndirilməsinə xidmət edəcək.




 
Bölməyə aid digər xəbərlər
25.09.2018
“ADEX-2018” Azərbaycanın müdafiə sənayesi kompleksinin gücü və qüdrətinin nümayişidir
25.09.2018
Nəsimi rayonunda yeni park istifadəyə verilib
25.09.2018
Yaponiya Zaqatala və Qax rayonlarına təcili tibbi yardım maşınları verib
25.09.2018
“Loqos” psixoloji maarifləndirilmə sahəsində yeni bir fəaliyyətə imza atıb
25.09.2018
Azərbaycana, o cümlədən Naxçıvana gələn turistlərin sayını artırmaq üçün geniş imkanlar var

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10144

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info