“TAP layihəsi Azərbaycanın daha da sürətlə inkişafına töhfə verəcək”
Tarix: 26.08.2014 | Saat: 00:25:00 | E-mail | Çapa göndər


“Azərbaycan tərəfindən növbəti 8 il ərzində
Türkiyəyə 20 milyard dollar həcmində sərmayə yatırılması
planlaşdırılır”


İtaliyanın “Notizie Geopolitiche” xəbər portalında Azərbaycan haqqında məqalə yerləşdirilib. Məqalədə Dağlıq Qarabağ münaqişəsindən, Azərbaycan iqtisadiyyatının uğurlarından, Azərbaycan-Türkiyə əlaqələrindən bəhs edilir.
Müəllif yazır ki, Azərbaycanın Dağlıq Qarabağ bölgəsi və ona bitişik yeddi rayon 20 ildən artıqdır Ermənistan silahlı qüvvələrinin işğalı altındadır. Cənubi Qafqazda gərginliyin əsas səbəbi olan bu münaqişəyə baxmayaraq Azərbaycan sürətlə inkişaf etməkdədir.
Yazıda, həmçinin cari il avqustun 19-da Naxçıvanda Azərbaycan, Türkiyə və Gürcüstan müdafiə nazirlərinin görüşündə müzakirə edilən məsələlər və əldə olunan razılıqlar barədə məlumat verilir. Qeyd olunur ki, Azərbaycan ilə Türkiyə arasında sıx əlaqələr daha da güclənməkdədir. Azərbaycan tərəfindən növbəti 8 il ərzində Türkiyəyə 20 milyard dollar həcmində sərmayə yatırılması planlaşdırılır. Belə bir addımın atılmasında əsas məqsəd iki ölkə arasında illik ticarət dövriyyəsinin həcmini daha da artırmaqdır. Bununla da Azərbaycan iqtisadiyyatının şaxələndirilməsi üçün daha geniş imkan yaranacaq.
Oxucuların diqqətinə çatdırılır ki, Azərbaycan-Türkiyə münasibətləri siyasi, mədəni və digər sahələrdə hər zaman yüksək səviyyədə olub. Türkiyə Dağlıq Qarabağ münaqişəsinin həllində də daim Azərbaycanı dəstəkləyir.
Müəllif, həmçinin 2019-cu ildə başa çatdırılması nəzərdə tutulan Trans-Adriatik Pipeline (TAP) boru kəməri layihəsi barədə də məlumat verir. Bildirir ki, bu layihə gələcəkdə Azərbaycanın daha da sürətlə inkişaf etməsinə töhfə verəcək. TAP-ın reallaşması ilə Azərbaycanda təkcə enerji sahəsinin deyil, digər sektorların da inkişafı üçün yaxşı imkan yaranacaq.




 
Bölməyə aid digər xəbərlər
20.01.2019
Şəhidlərimiz təsdiq etdi ki, Azərbaycan təkcə torpaq deyil, həm də Vətəndir
20.01.2019
Biz, həmişə müstəqilliyimiz uğrunda mübarizəyə hazır olmalıyıq
19.01.2019
Azərbaycan əleyhinə sifarişlə hazırlanmış bu cür “qətnamələr” gərəksiz kağız parçalarıdır
19.01.2019
1990-cı il 20 yanvar tarixinə keçən gecə Bakıda baş verən cinayətlər cavabsız qalmamalıdır
19.01.2019
Türkiyə xalqı 20 Yanvar faciəsini böyük kədər hissi ilə xatırlayır

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info