Avropa Ukraynaya yardım etməyə tələsmir
Tarix: 28.08.2014 | Saat: 00:29:00 | E-mail | Çapa göndər


Amerikanın "Politico" nəşrində ölkənin intellektual icmasının görkəmli nümayəndəsi və eyni zamanda ABŞ-ın xarici siyasətini müəyyənləşdirən siyasi icmalçı Tomas Qremin şəxsi fikirləri ilə müşahidə edilən məqaləsi çap edilib. Müəllif bildirir ki, “bu gün Kremlin dəstəklədiyi silahlı üsyançılara qarşı Ukrayna ordusu böyük çətinliklə də olsa müqavimət göstərdiyi bir vaxtda, Rusiyanın «humanitar karvanları», başqa dillə desək, hərbi texnikası Ukrayna ərazisində hərəkət etməkdədir. Lakin Avropada bir il əvvəl tamamilə ağlasığmaz kimi görünən münaqişənin siyasi həllinə ümid hazırda az da olsa baş qaldırıb.
Çərşənbə axşamı, Ukrayna Prezidenti Poroşenko və Rusiya Prezidenti Vladimir Putin Avropa liderləri ilə birgə keçirilən görüşdə suallara cavab tapmağa cəhd ediblər. Belə şəraitdə, ən yaxşı halda belə, tərəflərin heç biri hansısa irəliləyiş həlli gözləmir: lakin bu görüşlər gələcək danışıqlar üçün stimul yaradır. Təbii ki, mahiyyətindən asılı olmayaraq, bütün böhranlar son həddə diplomatik danışıqlarla başa çatır. Lakin bu məqamda da əsas amil kimi münaqişənin konturları önəm kəsb edir: bu da əsasən vəsaitlərdən asılı olacaq. Yəni tərəflərə sərf edəcək və ya narazılıq yaradacaq hallara hazır olmalıdırlar.
Əvvəla qeyd edək ki, Rusiya onun həyati maraqlarını müdafiə naminə bir çox qurbanlar verməyə hazır olduğunu nümayiş etdirir. Belə ki, Qərbin tətbiq etdiyi sanksiyalar ölkəyə ziyan verməsinə baxmayaraq, Rusiya Ukraynanın Şərqində baş verən hadisələrin qarşısını almaq arzusunda olduğunu bir daha nümayiş etdirdi. Kreml başa düşür ki, iqtisadiyyatındakı durğunluq onun özü üçün böyük təhlükədir. Putinin əks-sanksiyaları , Qərbdən müəyyən növ qida məhsullarının idxalına qadağa Rusiyaya çox zərər verir. Bundan əlavə, Krıma görə ,Rusiya 2020-ci ilədək daha 20 milyard dollarından keçməli olacaq.
Bəs, Qərb? Yüksək mənəvi narahatlıqlara baxmayaraq, Qərb ölkələri Ukraynanın müdafiəsi üçün Rusiyanın təcavüzünə qarşı getməyə hazır deyillər. Münaqişənin əvvələrində onlar üçün gücdən istifadə etmək istisna edilmirdi. Lakin sonralar isə onlar siyasi və iqtisadi sanksiyalar hesabına Rusiyanı cəzalandırmaq yolunu seçdilər. Amerika Birləşmiş Ştatlarının təkidi ilə daha güclü sanksiyaların tətbiqinə rəğmən, Avropa tərəfdaşları daha az riskli mövqe nümayiş etdirdilər. Xatırlatsaq ki, Rusiyanın Amerika ilə ticarət həcmi Avropadan 10 dəfə azdır, Qərbin sanksiya məsələsinə ehtiyatlı yanaşması Rusiyanı o qədər də qorxutmur. Sanksiyalardan əlavə, Ukraynanın iqtisadiyyatını dirçəltmək üçün Qərbin dəstəyinə ehtiyacı var.
Hələ böhrandan əvvəl Ukrayna liderlərinin hesablamalarına əsasən, 2014-2015-ci illər üçün ölkənin maliyyələşdirilmə sahəsindəki boşluğu doldurmaq üçün 35 milyard dollar lazımdır. Bundan əlavə, iqtisadiyyatın bərpası və modernləşdirilməsi üçün daha 10 milyardlarla dollara ehtiyac var. Hələlik Avropa tərəddüd edərək, susur. Böyük pullar verməkdən qorxur.
Ağasəf BABAYEV




 
Bölməyə aid digər xəbərlər
03.06.2020
“Türksat 5A“ peyki 2020-ci ilin son rübündə orbitə buraxılacaq
03.06.2020
Mәsciddә terror aktı törәdilib, ölәnlәr var
03.06.2020
İran Aİ ölkələrini ABŞ-da keçirilən nümayişlərə qarşı səssiz qalmaqda günahlandırıb
03.06.2020
Tramp Nyu-Yorka qoşun yeritməyə çağırdı
03.06.2020
ABŞ-da etiraz aksiyaları davam edir

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 Yaponiya turistlərə gündəlik 185 dollar verəcək
2 Badımcan sırdağı - VİDEO
3 ATƏT Parlament Assambleyasının sədri Prezident İlham Əliyevi təbrik edib
4 “Ali Baş Komandan Azərbaycan Ordusunun döyüş qabiliyyətini yüksək qiymətləndirir”
5 “Tez bir zamanda mükəmməl təhsil sisteminə malik dövlətlərdən biri olacağıq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info