Gəncədə M.Ş. Vazehin yubileyinə hazırlıqla bağlı yığıncaq keçirilib
Tarix: 03.09.2014 | Saat: 16:16:00 | E-mail | Çapa göndər


Gəncə Şəhər İcra Hakimiyyətində Azərbaycan ədəbiyyatının görkəmli nümayəndəsi, böyük şair və tanınmış maarifçi Mirzə Şəfi Vazehin anadan olmasının 220 illik yubileyinə hazırlıq və qarşıda duran vəzifələrə həsr edilmiş yığıncaq keçirilib.
Yığıncağı giriş sözü ilə Gəncə Şəhər İcra Hakimiyyətinin başçısı Elmar Vəliyev açaraq ölkə başçısı cənab İlham Əliyevin Mirzə Şəfi Vazehin anadan olmasının 220 illik yubileyi ilə bağlı imzaladığı sərəncamdan irəli gələn vəzifələrdən danışıb, ötən müddət ərzində bu istiqamətdə görülən işləri yığıncaq iştirakçılarının diqqətinə çatdırıb. Sonra şəhərdə keçiriləcək yubiley tədbirləri ilə əlaqədar yaradılmış təşkilat komissiyasının sədri, AMEA-nın Gəncə bölməsinin akademik katibi, akademik Fuad Əliyevin görülən işlər barədə məlumatı dinlənilib.
Bildirilib ki, Şərq poeziyasının çoxəsrlik ənənələrini layiqincə yaşadan və yüksək insanpərvərliyi, mənəvi gözəlliyi tərənnüm edən Mirzə Şəfi Vazehin yaradıcılığı Azərbaycanın Avropa ilə ədəbi-mədəni əlaqələrinin inkişafında özünəməxsus yer tutur. Elə bu baxımdan onun yaradıcılığı dünya miqyasında öyrənilərək tədqiq edilib. Lakin respublika Prezidentinin müvafiq sərəncamı ilə bu il keçiriləcək 220 illik yubiley tədbirləri ərəfəsində görkəmli şairin irsi daha geniş öyrənilməyə başlanılıb və bu sahədə uğurlu addımlar atılıb. Yubiley tədbirlərinə hazırlıq işləri çərçivəsində şairin Vətəni Gəncədə də xeyli iş görülüb. Sərəncam imzalandığı gündən indiyədək şəhər icra hakimiyyətinin təşəbbüsü ilə şairin Almaniya muzeylərində saxlanan 256 ədəd əlyazmasının surəti, həmçinin Mirzə Şəfi Vazehin Avropanın müxtəlif şəhərlərində saxlanan nəğmələrinin notları gətirilib, 11-dən artıq monoqrafiyası çap edilib.
Sonra şəhər İcra Hakimiyyəti başçısının müavini, professor Sevda Qurbanəliyeva, Gəncə Dövlət Universitetinin rektoru, professor Yusif Yusibov, Azərbaycan Texnologiya Universitetinin rektoru, professor Akif Süleymanov, şəhər təhsil idarəsinin müdiri Zakir Hüseynov, mədəniyyət idarəsinin rəisi Sənan Hacıyev, şəhər reklam və dizayn şöbəsinin müdiri, əməkdar rəssam Şərif Şərifov və başqaları çıxış edərək yubiley tədbirləri ilə bağlı görülən işləri diqqətə çatdıraraq, qarşıda duran vəzifələrdən danışıblar. Bildirilmişdir ki, artıq xeyli vaxtdır ki, tədbirlər planına uyğun olaraq ali və orta ixtisas məktəblərində müxtəlif tədbirlər, o cümlədən Mirzə Şəfi Vazehə həsr olunan ədəbi-bədii gecələr keçirilib,şairin adına təqaüd təsis olunub, şeir, musiqi yarışmaları, həmçinin şagirdlər arasında inşa yazı müsabiqələri təşkil olunubdur və bu işlər indi də davam etdirilir.
Yığıncaqda Gəncə Şəhər İcra Hakimiyyətinin başçısı Elmar Vəliyev geniş çıxış edərək görülən işləri təhlil edib və qarşıda duran vəzifələrlə bağlı tapşırıqlarını verib.
Yığıncaqda son vaxtlar yas mərasimlərində dəbdəbəli ehsan süfrələrinin açılmasına qarşı fikirlər də səsləndirildi.Buna münasibət bildirən Gəncə Şəhər İcra Hakimiyyətinin başçısı Elmar Vəliyev dedi ki, yas mərasimləri İslam dininin qaydalarına və o cümlədən, xalqın formalaşmış adətlərinə uyğun keçirilməlidir. İcra başçısı həmçinin dəfn xərclərinin də ciddi nəzarətə götürülməsi ilə bağlı tapşırıqlar verdi. Bunun üçün din xadimləri, ziyalılar, xüsusilə mollalar əhali arasında təbliğat aparmalı, yas yerlərində dini qaydalara uyğun ehsan süfrələrinin açılmasını təmin etməlidirlər - deyə bildirdi. E.Vəliyev şəhər axunduna, eləcə də din xadimlərinə belə hallara qarşı mübarizə aparılması barədə tapşırıqlar verdi.

Tural




 
Bölməyə aid digər xəbərlər
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info