“Eurasia Hoy”: “Azərbaycan Latın Amerikasına münasibətdə xarici siyasətini möhkəmlədir”
Tarix: 04.09.2014 | Saat: 18:26:00 | E-mail | Çapa göndər


Amerikanın ispandilli “Eurasia Hoy” xəbər portalı beynəlxalq münasibətlər üzrə ekspert Piter Teyzin “Azərbaycan Latın Amerikasına münasibətdə xarici siyasətini möhkəmlədir” adlı məqaləsini dərc edib.
Məqalədə Azərbaycan rəhbərliyinin Latın Amerikası ölkələri ilə əməkdaşlığın genişləndirilməsi və möhkəmləndirilməsi təşəbbüsündən bəhs edilir. Son dövrlərdə Azərbaycan Nikaraqua, Honduras və Argentina ilə möhkəm əlaqələr yaradıb. Müəllif yazır ki, həmin ölkələr də öz növbəsində, Azərbaycanı beynəlxalq aləmdə dəstəkləyirlər.
P.Teyz Nikaraquanın xarici işlər naziri Samuel Santos Lopesin və Hondurasın xarici işlər naziri Mireyya Aquero de Korralesin Azərbaycana səfərləri, Bakı ilə Manaqua arasında və müvafiq surətdə Bakı ilə Tequsiqalpa arasında ikitərəfli münasibətlərin genişləndirilməsinə dair razılaşmaları xatırladır. Azərbaycanın xarici işlər naziri Elmar Məmmədyarov öz həmkarı Mireyya Aquero de Korrales ilə görüşdə Honduras Milli Konqresinin Azərbaycan ərazisinin işğal edilməsi ilə əlaqədar rəsmi mövqeyinə və Xocalı qırğınını tanımasına görə təşəkkürünü bildirib. Xanım Korrales deyib: “Ermənistan tərəfindən Azərbaycan ərazilərinin işğal edilməsi beynəlxalq hüququn bütün normalarına zidd və ədalətsiz hərəkətdir, beynəlxalq birlik bununla əlaqədar narazılığını bildirməlidir”.
Ekspert öz məqaləsində Kolumbiya ilə Azərbaycanın münasibətlərinin inkişafını da təsvir edir. O yazır ki, Kolumbiyanın xarici işlər naziri Mariya Anxela Olquin Kuelların Azərbaycana rəsmi səfəri zamanı bu Cənubi Amerika ölkəsinin nümayəndə heyəti Azərbaycan Prezidenti İlham Əliyev, Azərbaycan Diplomatik Akademiyasının rəhbərliyi, iqtisadi inkişaf naziri, “Azpromo” şirkətinin prezidenti və Heydər Əliyev Mərkəzinin nümayəndələri ilə görüşlər keçirib. Həmin görüşlərdə siyasət, mədəniyyət, elm, təhsil və digər sahələrdə ikitərəfli əlaqələrin möhkəmləndirilməsi məsələləri müzakirə edilib.
Azərbaycanın Argentina ilə münasibətlərinin inkişafı mövzusuna da toxunan müəllif Argentinanın xarici işlər nazirinin müavini Mariya del Karmen Skeffin sözlərini sitat gətirərək vurğulayır ki, Azərbaycan “Argentinanın çox mühüm tərəfdaşıdır”.
Tural




 
Bölməyə aid digər xəbərlər
18.01.2019
Azərbaycanın müstəqil siyasətinə heç bir kənar qüvvə təsir edə bilməyəcək
18.01.2019
TÜRKSAM: “Azərbaycanın regionda dəyəri artır”
18.01.2019
Rusiya XİN-dəki ermənipərəstlər Rusiya-Azərbaycan əlaqələrindən narahatdır
18.01.2019
“İaşə müxalifəti”nin yalanlar üzərində qurulan təbliğatı...
18.01.2019
İqtisadiyyat Nazirliyində 20 Yanvar qurbanlarının xatirəsi yad edilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info