“bp-Azerbaijan” şirkəti tələbə və məzunlar üçün karyera forumu təşkil edib
Tarix: 08.09.2014 | Saat: 19:55:00 | E-mail | Çapa göndər


“bp-Azerbaijan” şirkəti neft və qaz sənayesi ilə bağlı ixtisaslar üzrə xaricdə təhsil alan azərbaycanlı tələbə və məzunlar üçün karyera forumu təşkil edib. Forumu giriş sözü ilə açan şirkətin təmsilçisi Tamam Bayatlı tədbirin “bp” və onun tərəfdaşlarının neft-qaz sahəsində yüksək ixtisaslı yerli mütəxəssislər yetişdirilməsi istiqamətində ölkənin göstərdiyi səylərə dəstək olmaq öhdəliyinin bir hissəsi olduğunu bildirib. Qeyd olunub ki, forumun məqsədi xarici universitetlərdə təhsil alan istedadlı tələbələr arasında şirkətdə iş imkanlarını təşviq etmək və onlarla birbaşa əlaqələr qurmaqdır.
“bp-Azerbaijan” şirkətinin insan resursları üzrə vitse-prezidenti Leyla Novruzova çıxışında forumun xaricdə təhsil alan tələbələri məlumatlandırmaq və onlarla ünsiyyət qurmaq imkanı yaratdığını söyləyib. “Tələbələr “bp-Azerbaijan” şirkətinin yüksək vəzifəli məmurları ilə görüşərək mövcud və gələcək karyera imkanlarını, işəgötürmə proqramlarını və planları müzakirə edə biləcəklər. Həmçinin şirkətin Azərbaycanda və regionda 20 il ərzində dənizdə və quruda təhlükəsiz və etibarlı şəkildə həyata keçirdiyi əməliyyatlar haqqında məlumat almaq imkanı qazanacaqlar” – deyə L.Novruzova vurğulayıb.
Prezident Administrasiyası ictimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev ölkəmizdə gənclərə dövlət səviyyəsində göstərilən qayğıdan bəhs edib. Vurğulayıb ki, yalnız son üç ildə Prezident İlham Əliyevin gənclərlə müxtəlif tədbirlərdə altı görüşü olub. Dövlətimizin başçısı bütün görüşlərdə gənclərimizi yüksək ixtisaslı mütəxəssis kimi nəinki ölkəmizin, eləcə də dünyanın aparıcı şirkətlərində görmək istəyini ifadə edib. “Azərbaycan gəncliyi 2011-2015-ci illərdə” Dövlət Proqramının və digər rəsmi sənədlərin başlıca məqsədlərindən biri gənclərin vətənpərvərlik, azərbaycançılıq, dövlətçilik prinsipləri əsasında Azərbaycan xalqının tarixi-mədəni irsinə, milli-mənəvi və ümumbəşəri dəyərlərə hörmət ruhunda tərbiyə olunmasından, cəmiyyətin ictimai-siyasi, sosial-iqtisadi və mədəni həyatında fəal iştirakının təmin edilməsindən, onların intellektual və yaradıcılıq potensialının ümummilli məsələlərin həllinə yönəldilməsindən ibarətdir.
V.Quliyev neft-qaz sənayesi sahəsində dünyanın ən nüfuzlu şirkəti olan “bp-Azerbaijan”da karyera qurmaq istəyən gənclərə uğurlar arzulayıb.
Böyük Britaniya Məzunları İctimai Birliyi ilə birgə təşkil olunan forumda xaricdə təhsil alan 120 azərbaycanlı tələbə və məzun iştirak edib. Onlar öz karyeralarını ölkənin neft və qaz sənayesində qurmağı planlaşdıran gənclərdir.
Tural




 
Bölməyə aid digər xəbərlər
17.01.2019
Dağlıq və dağətəyi rayonlarda yollar buz bağlayacaq
17.01.2019
Küləyin uçurduğu dayanacaqla bağlı tədbir görülüb
17.01.2019
Sərnişindaşıma və yol hərəkətinin təşkilində hər hansı bir xoşagəlməz hal müşahidə edilməyib
17.01.2019
“Qəzet köşklərində kitab satışını genişləndirmək olar”
17.01.2019
Xəzərdə Günəşli yatağında dalğanın hündürlüyü 5,3 metrə çatıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Çingiz Bayramov: “Azərbaycan bölgənin inkişaf etmiş ölkəsinə çevrilib”
5 Hüseyn Babayev AAF-ın vitse-prezidenti təyin edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info