Bakıda “Psixo-SOS Forumu” keçirilib
Tarix: 10.09.2014 | Saat: 16:42:00 | E-mail | Çapa göndər


Bakıda Azərbaycan Gənclər Fondunun dəstəyi ilə Beynəlxalq Münasibətlərin Araşdırılması Mərkəzinin Xarici Əlaqələr sektorunun müdiri Şəhla Cəlilzadənin rəhbərliyi ilə “Psixo-SOS Forumu” təşkil edilib.
Tədbiri giriş sözü ilə açan Beynəlxalq Münasibətlərin Araşdırılması Mərkəzinin sədri Rufiz Qonaqov dövlətimizin gənclərin ideyalarına dəstək verməsindən söz açıb.
Forumda, 14-29 yaş arası subbakalavr, bakalavr və magistrant gənclər iştirak ediblər. Eləcə də gənc psixoloq, sosioloq, filosof və bu kimi humanitar ixtisas nümayəndələri də ekspert qismində forumda öz fikirlərini bölüşüb, gənclər arasında son zamanlar yayğınlaşmış intihar halları, özünəqapanma, güvənsizlik, təcrid olunma və bu kimi problemlər ətrafında bəhs ediblər. Gənclərlə birbaşa müzakirələrdə öz sahələrində uğur qazanmış gənclər, QHT sektorunda və ictimai fəaliyyətdə fərqlənən gənc fəallar, gənc jurnalistlər və digərləri də iştirak ediblər.
Layihə rəhbəri Şəhla Cəlilzadə “Psixo-SOS Forum”un başlıca məqsədlərindən bəhs edib: “Forumda əsas məqsəd gənclər arasında mövcud olan və son zamanlarda xüsusən artan intihar halları, ünsiyyət əngəlləri, önyarğı, stressin idarə olunması, psixoloji problemlərin qarşısının alınması, həll yollarının tapılması və inkişaf etdirilməsinə dair məsələni ictimaiyyət üçün qabartmaq və SOS səviyyəsinə çatmış bu problemi müvafiq dövlət qurumlarının, nüfuzlu QHT-lərin və KİV-in nəzərinə çatdırmaqdan ibarətdir”.
Forum zamanı gənclərdə pozitiv düşüncənin, özünə inamın formalaşdırılması və gənclərimizin psixoloji inkişafına stimul verməklə bağlı məsələlərin vacibliyinə diqqət çəkilib. Çıxış edən natiqlər gənclərimizin sosial səbəblərlə gərginləşən psixoloji vəziyyətinə dair müxtəlif aspektlərdən şərhlər verib, iştirakçı gənclərin suallarına aydınlıq gətiriblər. İştirakçı gənclər də öz növbəsində gənclərin psixoloji sağlamlığı ilə bağlı məsələlərə dövlət qayğısının və ictimai diqqəti artırmağın vacib olduğunu vurğulayıblar.
Xatırladaq ki, layihə Prezident yanında Gənclər Fondunun V Qrant Müsabiqəsi çərçivəsində “C” kateqoriyası (fiziki şəxs layihələri) üzrə qalib olub. Proyekt ümumilikdə 16 iyul – 16 sentyabr tarixlərini əhatə edir.

Fuad




 
Bölməyə aid digər xəbərlər
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb
14.11.2018
“Dini maarifləndirmə işinin təşkili: gerçəkliklər və perspektivlər”
14.11.2018
Slovakiyalı qonaqlar Qobustan qoruğundan xoş təəssüratla ayrılıblar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10473

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info