“ARDNŞ Qaz Emalı Zavodunu bərpa etməyəcək”
Tarix: 16.09.2014 | Saat: 00:50:00 | E-mail | Çapa göndər


“Azərbaycan Dövlət Neft Şirkəti (ARDNŞ) Qaz Emalı Zavodunu yenidən bərpa etmək niyyətində deyil”. Bunu ARDNŞ prezidenti Rövnəq Abdullayev bildirib. Şirkət rəhbəri deyib ki, Qaz Emalı Zavodunu bərpa etmək iqtisadi baxımdan əlverişli deyil:
“Zavod çox köhnədir”. Qeyd edək ki, Qaz Emalı Zavodunda “Azneft” İB-də hasil olunmuş təbii və səmt qazları emal edilir. Zavodun istehsal olunmuş məhsullarına təmizlənmiş qaz, maye qaz və qaz benzini aiddir. 2010-cu ildə müəssisədə 4,030 mlrd. kubmetr təmizlənmiş qaz, 24,8 min ton maye və 26,7 min ton qaz benzini istehsal olunub . Rövnəq Abdullayev dünya bazarında neftin qiymətinin 90 dollar ətrafında tərəddüd etməsinə də münasibət bildirib. R Abdullayev jurnalistlərə açıqlamasında bu prosesin normal olduğunu və ARDNŞ tərəfindən proqnozlaşdırdığını deyib: “Bununla bağlı dövlət büdcəsinə yenidən baxılması nəzərdə tutulmayıb. Bu proses qısa zaman çərçivəsində baş verir, vəziyyətin necə davam edəcəyini izləyirik”. ARDNŞ prezidenti qeyd edib ki, şirkət “Ümid” yatağının və “Babək” perspektiv strukturunun birgə işlənməsi üçün böyük tərəfdaş şirkətlərlə əməkdaşlıq etmək niyyətindədir. Onun sözlərinə görə, “Babək” və “Ümid” böyük yataqlardır və texnoloji işlənmə, sualtı işlənmə, habelə böyük investisiya tələb olunduğu üçün böyük şirkətlərlə birgə işləmək qərara alınıb: “Babək” yatağı ilə bağlı bir neçə böyük şirkətin istəyi var idi. Seçim etmək üçün biz 12 şirkətin təklifini gözləyirik. Ən yaxşı təklif verən şirkətlə birlikdə artıq “Babək” və “Ümid”i birləşdirib böyük bir işlətmə proqramı həyata keçirəcəyik”. O, əlavə edib ki, bu proqramın reallaşdırılması üçün çox mürəkkəb sualtı işlətmə texnologiyaları lazımdır: “Lakin bu texnologiyalar bizdə yoxdur. Təklifdən asılı olaraq bunu necə edəcəyimizə qərar verəcəyik”.




 
Bölməyə aid digər xəbərlər
18.08.2019
ABŞ əsassız olaraq İranı neft tankerlərinə hücumlarda ittiham edir
18.08.2019
“İntihar“ hallarını siyasiləşdirənlər, faciədən gəlir güdənlər
18.08.2019
“Liviyadakı qarşıdurmaları dayandırmaq üçün sadə yol tutmaq lazımdır“
17.08.2019
“Azərbaycanla kəndlərin inkişafı sahəsində əməkdaşlığa hazırıq“
17.08.2019
Ölkəmizdə sosial siyasət ardıcıl və davamlı olacaq

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10859

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info