QHT rəhbərləri alman bundestaqında
Tarix: 16.09.2014 | Saat: 18:11:00 | E-mail | Çapa göndər


“Soyqırım Həqiqətlərinin Tanıdılması” İctimai Birliyinin sədri Ceyhun Ələkbərov və Dünya Azərbaycanlıları Konqresi (DAK) İdarə Heyətinin üzvü, Azərbaycan Nümayəndəliyinin rəhbəri Səftər Rəhimli alman parlamentində Sosial Demokratlar Partiyasından olan millət vəkili Şteffen-Klaudio Lemme ilə görüşüblər. Görüş zamanı QHT rəhbərləri Ermənistanın Dağlıq Qarabağ ərazisini işğal etdikdən sonra 1 milyondan artıq məcburi köçkünümüzün öz torpaqlarından didərgin düşməsini, Xocalı soyqırımını törədən insanların hələ də cəzasız qalmasını, soyqırımı qurbanlarının bu günə qədər beynəlxalq hüquq normaları çərçivəsində haqlarının bərpa olunmamasını, münaqişənin həll edilməməsinin Cənubi Qafqaz regionun hərtərəfli inkişafı üçün başlıca maneə olmasını diqqətə çatdırıb, münaqişə ilə bağlı bəzi Avropa dövlətlərinin ikili standartlardan çıxış etdiyini, konfliktin həll olunmasında iştirak edən dövlətlərin tam ədalətli mövqe nümayiş etdirmədiyini vurğulayıblar. Görüşdən məmnun qaldığını bildirən cənab Lemme Almaniyanın da Ermənistan və Azərbaycan arasındakı münaqişənin sülh yolu ilə həll edilməsində və regional sabitliyin təmin olunmasında maraqlı olduğunu, konfliktin həllinin bütün Cənubi Qafqaz regionu üçün geniş imkanlar aça biləcəyini qeyd edib. Maraqlı fikir mübadiləsindən sonra hər iki QHT rəhbəri Cənab Lemme ilə birlikdə Bundestaqın binasını gəziblər. Görüşün sonunda alman millət vəkilinə Azərbaycanın mədəniyyətini, tarixini əks etdirən ingilis dilində kitablar təqdim olunub. Bundan başqa onlar Almaniyanın paytaxtı Berlin şəhərində Almaniya Jurnalistlər Birliyində görüş keçiriblər. Görüşdə Prof.Dr.Verena Renneberg ve Andre Gahlert iştirak edib. Bu görüşdə də bir çox məsələlər müzakirə olunub. Həmçinin bəzi avropalı jurnalistin Azərbaycanla bağlı həqiqətə uyğun olmayan yazılar yazması diqqətə çatdırılıb. Bildirilib ki, qərəzsiz jurnalist həqiqəti yazmalıdır və bunun üçün problemlə yaxından tanış olmalıdır. Azərbaycanın 20 faiz ərazilərinin ermənilər tərəfindən işğal olunması, bunun nəticəsində 1 milyondan artıq vətəndaşımızın qaçqın düşdüyü qeyd olunub. Bütün bunların, həmçinin Azərbaycanda olan müsbət dəyişikliklərin obyektiv işıqlandırılmasının dostluq əlaqələrimizə töhfə verəcəyi önə çəkilib. Bu səbəbdən də Almaniya Jurnalistlər Birliyində təmsil olunan bir çox jurnalistin Azərbaycana səfəri ilə bağlı razılığa gəlinib. Almaniya Jurnalistlər Birliyinə Qarabağın tarixi, mədəniyyəti ilə bağlı ingilis dilində kitablar, Azərbaycanın tarixi və turizm bölgələrini özündə əks etdirən jurnallar hədiyyə edilib.

Fuad




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info