“Biz Qərb siyasətçilərinin ikili standartlarını çox aydın şəkildə görürük”
Tarix: 16.09.2014 | Saat: 21:40:00 | E-mail | Çapa göndər


"Artıq heç kəs ATƏT-in Minsk qrupunu Dağlıq Qarabağ münaqişəsinin həlli üçün lazımi qurum kimi görmür. Əgər yenə də bu quruma şans verməli olsanız, o zaman struktur dəyişdirilməlidir". Bunu "Berlin Avropa İnstitutu"nun sədri Metz Dontfild bildirib.
M.Dontfildin fikrincə, bu qurumda Fransa Avropa İttifaqı ilə əvəz olunmalıdır: “Eyni zamanda, Türkiyə regionda aktiv rol oynayır. Bu səbəbdən sözügedən ölkə bu struktura aktiv şəkildə cəlb edilməlidir”.
"Berlin Avropa İnstitutu" sədrinin fikrincə, Rusiya, Fransa və ABŞ danışıqlar aparmalı olan lazımi tərəflər deyil və bu münaqişənin həllində daha geniş yanaşmaya ehtiyac var: “Türkiyəni və Federika Moqerininin Avropa İttifaqının xarici işlər və təhlükəsizlik siyasəti üzrə ali nümayəndəsi təyin olunduğu bir vaxtda Aİ-ni bu işə cəlb etməliyik”.
O, hesab edir ki, Aİ-nin ali nümayəndəsinin bu məsələ üzrə aktiv şəkildə rol oynayacaq xüsusi nümayəndəsini təyin etməsinə ehtiyac var: "ATƏT-ə əsas alət kimi baxılmamalıdır. Hesab edirəm ki, digər yerli qurumlara da Dağlıq Qarabağ münaqişəsinin həlli prosesini sürətləndirmək üçün daha çox imkan verilməlidir”.
M.Dontfild qeyd edib ki, ümumiyyətlə, Ermənistanın Dağlıq Qarabağ münaqişəsinin həlli istiqamətində güzəştə getməsi üçün ona güclü təzyiq göstərilməsinə ehtiyac var.
Qərbin Ukrayna məsələsinə görə Rusiyaya sanksiya tətbiq etməsinə, lakin Dağlıq Qarabağ münaqişəsində beynəlxalq hüququ pozmağa davam edən Ermənistanın təcavüzkar mövqeyinə görə cəzalandırılmamasına münasibət bildirən M.Dontfild qeyd edib ki, burada ikili standartlar çox aydın şəkildə görünür: “Biz Qərb siyasətçilərinin, xüsusilə də Avropa İttifaqı və uğursuzluğa düçar olan Şərq Tərəfdaşlığının ikili standartlarını çox aydın şəkildə görürük. Digər tərəfdən, ABŞ-ın Ukraynaya dair siyasətində geostrateji marağını da görürük. Amma unutmamalıyıq ki, Dağlıq Qarabağ və ətraf yeddi rayonun Ermənistan tərəfindən işğalı beynəlxalq hüquqa və BMT-nin qətnamələrinə ziddir".
"Berlin Avropa İnstitutu"nun sədri qeyd edib ki, indi elə bir vaxtdır ki, Aİ təkcə regiona deyil, Azərbaycana münasibətdə də ümumi və hərtərəfli siyasət hazırlamalıdır: “Bu münaqişədən xeyli insan əziyyət çəkdi, bir milyondan çox azərbaycanlı öz evlərini tərk etmək məcburiyyətində qaldı. Fikrimcə, Dünya İrsi siyahısına daxil ola biləcək Şuşa kimi bir çox şəhərlər dağıdıldı. Artıq münaqişəni həll etmək və regiona sabitlik gətirmək vaxtıdır”.
Tural




 
Bölməyə aid digər xəbərlər
22.09.2018
İsveçrə və Azərbaycan arasında çox yaxşı əlaqələr mövcuddur
21.09.2018
Yıldırım: “Azərbaycanı vətənim kimi qəbul edirəm“
21.09.2018
Ombudsman: “Yalnız müharibənin acısını yaşamış xalqlar sülhün dəyərini bilir”
21.09.2018
Binəli Yıldırım: Azərbaycanın qazandığı uğurlarda parlamentin böyük rolu var
21.09.2018
Türkiyə Böyük Millət Məclisinin sədri Azərbaycanda səfərdədir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10129

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info