Davudoğlu Türkiyə-Azərbaycan münasibətləri ilə bağlı önəmli mesajlar verdi
Tarix: 19.09.2014 | Saat: 16:50:00 | E-mail | Çapa göndər


“TANAP gündəmə gəldiyi andan Avrasiyanın enerji siyasətində çox ciddi dəyişikliklər olub”.
Türkiyənin rəsmi “Anadolu” agentliyinin verdiyi xəbərə görə, bunu Türkiyənin baş naziri Əhməd Davudoğlu Bakıya rəsmi səfərindən əvvəl Ankara Hava Limanında verdiyi açıqlamada bildirib. O, Türkiyə ilə Azərbaycan arasında "Bir millət, iki dövlət" şüarının artıq kök salmış bir ənənə olduğunu qeyd edərək, ilk səfərlərindən birinin Bakıya etdiyini bildirib.
Davudoğlu, rəsmi səfər çərçivəsində Azərbaycan Prezidenti İlham Əliyev, Baş nazir Artur Rasizadə və Milli Məclisin sədri Oqtay Əsədov ilə görüşəcəyini qeyd edib. Görüşlərdə Türkiyə-Azərbaycan siyasi, iqtisadi və mədəni münasibətlərinin detalları müzakirə olunacaq. Davudoğlu səfərinin ikitərəfli münasibətlər, regional sahədə aparılan işlər, beynəlxalq sahədəki yaxın əməkdaşlıq və iki ölkə arasındakı dost və qardaş münasibətlərin daha da genişlənməsinə töhfə verəcəyinə əmin olduğunu bildirib.
"Bölgəmizdə, yaxın bölgələrdə çox mühüm siyasi hadisələr baş verir. Bunları müzakirə edəcəyik" deyən Davudoğlu, iki ölkənin çox böyük layihələrin birgə həyata keçirməsinə diqqəti çəkib.
"Birlikdə çox parlaq bir gələcəyə gedirik. Bakı-Tbilisi-Ərzurum, Bakı-Tbilisi-Qars, Bakı-Tbilisi-Ceyhan layihələri, nəqliyyat və enerji sahəsində bütün Avrasiyada böyük dəyişikliklərə səbəb olan işlərdir. Bunlar Bakıdan, Xəzər sahilindən başlayaraq, Türkiyə ərazisindən keçən və dünyaya açılan layihələrdir. Bunun son böyük nailiyyətlərindən biri də TANAP-dır. TANAP gündəmə gəldiyi andan Avrasiyanın enerji siyasətində çox ciddi dəyişikliklər olub”, deyə Davudoğlu qeyd edib.
Türkiyənin baş naziri rəsmi səfərinin ardınca, sentyabrın 20-də TANAP borusunun Azərbaycan hissəsinin təməlqoyma mərasiminin keçiriləcəyini bildirib: “Türkiyə ilə Azərbaycan arasında 20 il əvvəl, 90-cı illərin əvvəllərindən başlayaraq qurulan böyük dostluq əlaqəsinin nəticələrini görürük".
Həyata keçirilən böyük layihələrə toxunan Davudoğlu Türkiyə ilə Azərbaycanın uzaqgörən liderliyini əks etdirən mövqelərinin örnək təşkil etdiyini deyib.
TANAP-ın eyni zamanda Xəzər dənizindən, Qafqazdan Türkiyəyə, oradan da Balkanlara uzanan bir sülh layihəsi olduğunu vurğulayan Davudoğlu, Türkiyənin 90-cı illərin əvvəllərində böyük etnik münaqişələrin baş verdiyi Balkanlar və Qafqazın, problemli görünən bu iki məkanın birləşdirdiyini deyib. Davudoğlu bu baxımdan mərasimdə yalnız Azərbaycan prezidenti Əliyev və özünün olmayacağını, tədbirə Bolqarıstan prezidenti ilə Gürcüstan, Yunanıstan və Çernoqoriya baş nazirlərinin qatılacağını bildirib.
"Beləliklə, Qafqazdan Balkanlara bir sülh körpüsü quracağıq. Bu sülh körpüsünün mehvər ölkəsi də Türkiyədir. O baxımdan, o mərasimdə iştirak etmək bizim üçün böyük bir şərəf olacaq. Həm ikitərəfli münasibətləri müzakirə edəcəyik, həm də dünyanın enerji bazarlarında geniş əks-səda doğuran bu böyük sülh layihəsinin reallaşmasının ilk addımını atmış olacağıq”, deyə Davudoğlu vurğulayıb.
“Yəqin ki, mart ayında TANAP Türkiyədəki hissəsinin təməl qoyma mərasimini həyata keçirmək üçün işləri tamamlamış olacağıq”, deyə Davudoğlu əlavə edib.
Tural




 
Bölməyə aid digər xəbərlər
13.11.2018
Yaxın zamanlarda Slovakiyanın Azərbaycanda səfirliyinin açılması nəzərdə tutulur
13.11.2018
Monteneqroda Azərbaycanla bağlı sayt fəaliyyətə başlayıb
12.11.2018
Aİ nümayəndəsi: Azərbaycan yaxın zamanlarda insan kapitalının artırılmasına və inkişafına nail olacaq
12.11.2018
KİV-ləri Qərbdəki ayrı-ayrı qüvvələrin maraqlarına tabe etdirməyə çalışanlar...
12.11.2018
Lukaşenko: “Bizim qapılar Azərbaycan üçün açıqdır”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10461

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info