“Yardımlı rayonunda məktəbin gigiyenik şəraitinin yaxşılaşdırılması” layihəsi başa çatıb
Tarix: 19.09.2014 | Saat: 20:19:00 | E-mail | Çapa göndər


Sentyabrın 19-da Yardımlı şəhərindəki 1 nömrəli tam orta məktəbdə “Yardımlı rayonunda məktəbin gigiyenik şəraitinin yaxşılaşdırılması” layihəsinin başa çatması münasibətilə mərasim keçirilib.
AzərTAc xəbər verir ki, Yaponiya hökumətinin “Ot kökləri və insan təhlükəsizliyi” qrant yardımı proqramı çərçivəsində həyata keçirilən layihənin məqsədi Yardımlı şəhər 1 nömrəli və Köryədi kənd tam orta məktəblərində yeni sanitar qovşağı tikməklə şagird və müəllimlər üçün gigiyenik şəraiti yaxşılaşdırmaqdır.
Yaponiyanın Azərbaycandakı səfirliyinin UNİCEF, “Kolqeyt-Palmolive” şirkəti, yerli icra hakimiyyəti və yerli QHT ilə birgə həyata keçirdiyi layihənin ümumi məbləği 120 min 850 ABŞ dolları təşkil edir.
Mərasimdə çıxış edən “Yerli İdarəetməyə Yardım” İctimai Birliyinin sədri Vüsal Mirzəyev, UNİCEF-in Azərbaycandakı nümayəndəsi Andro Shilakadze, “Golgete-Palmalive” şirkətinin nümayəndəsi Tərlan Hüseynov birgə əməkdaşlıq nəticəsində həyata keçirilən layihənin icrası barədə məlumat veriblər.
Yaponiyanın Azərbaycandakı səfiri Tsuquo Takahaşi layihənin başa çatması ilə bağlı tərəfdaşları təbrik etdi. Yaponiyanın da Yardımlı rayonu kimi dağlıq ərazidə yerləşdiyini diqqətə çatdıran diplomat bu diyarın təbii gözəlliyindən zövq aldığını, bir daha buraya səfərə gələcəyinə ümid etdiyini bildirib. Tsuquo Takahaşi səfirliyin Azərbaycan xalqının gündəlik həyatlarının yaxşılaşdırılmasına töhfəsini davam etdirəcəyini, Yaponiya ilə Azərbaycan arasında ikitərəfli əlaqələrin möhkəmləndirilməsi istiqamətində səylərini daha da artıracağını söyləyib.
Yardımlı Rayon İcra Hakimiyyətinin başçısı Sevindik Hətəmov ölkəmizdə yerli əhəmiyyətli sosial layihələrin həyata keçirilməsinə verilən dəstəyə görə Yaponiya hökumətinə minnətdarlığını bildirib.
Mərasim iştirakçıları hər iki məktəbdə inşa edilmiş sanitar qovşaqları ilə tanış olduqdan sonra rayon idmançılarının yapon idman növləri üzrə nümunəvi çıxışlarına baxıblar.




 
Bölməyə aid digər xəbərlər
26.09.2018
Yaxın zamanlarda dərman vasitələrinin ölkəmizə gətirilməsi qaydaları sadələşdiriləcək
26.09.2018
Qəbələli fermerlər bu il 75 hektar sahədə tütün yetişdiriblər
26.09.2018
Müşfiq Cəfərov: Aprel şəhidləri gənclər üçün əsl qəhrəmanlıq məktəbinə çevrilib
25.09.2018
“ADEX-2018” Azərbaycanın müdafiə sənayesi kompleksinin gücü və qüdrətinin nümayişidir
25.09.2018
Nəsimi rayonunda yeni park istifadəyə verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10147

1 “Vətən uzaqda deyil” telelayihəsi dünya azərbaycanlılarının sevincinə səbəb olub
2 Yalnızlıq qorxusu
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info