İspaniyadakı səfirliyimiz bu ölkənin Xarici İşlər və Əməkdaşlıq Nazirliyinə nota göndərib
Tarix: 19.09.2014 | Saat: 21:31:00 | E-mail | Çapa göndər


Xəbər verdiyimiz kimi, bu günlərdə İspaniya mətbuatında yayılan məlumata görə, İspaniyanın Bask vilayəti parlamentinin Avropa və xarici əlaqələr komitəsi qondarma “Dağlıq Qarabağ respublikası”nın öz müqəddəratını təyinetmə haqqını dəstəkləyən qanun layihəsinə düzəlişləri təsdiq edib. Qondarma “Dağlıq Qarabağ respublikası”nın “xarici işlər naziri” Karen Mirzoyanın İspaniyanın Bask vilayətinə səfəri və keçirdiyi görüşlər zamanı qəbul olunan sənəddə “Dağlıq Qarabağ xalqı”nın öz müqəddəratını təyin etmə və qondarma “Dağlıq Qarabağ respublikası”nın münaqişənin həlli istiqamətində gedən danışıqlara tərəf kimi qatılma haqqı qabardılır. Beynəlxalq ictimaiyyət və xüsusilə Avropa İttifaqı münaqişə tərəfləri arasında etimad mühitinin yaradılması və münaqişənin ATƏT-in Minsk qrupunun təklifləri əsasında həlli üçün təsirli addımların atılmasına çağırılır. Ermənistan mətbuatı isə bu məlumatı təhrif edərək “Bask vilayətinin parlamenti Dağlıq Qarabağın müstəqilliyini tanıyıb” formasında təqdim edib.
Yayılmış məlumatları araşdıran Azərbaycanın İspaniyadakı səfirliyi İspaniya Xarici İşlər və Əməkdaşlıq Nazirliyinə nota göndərib. Notada deyilir ki, İspaniyanın yerli və regional rəsmiləri tərəfindən bu cür qətnamələrin qəbul edilməsi cəhdlərinin qarşısı alınmalıdır. Hər hansı belə qətnamənin qəbulu Azərbaycan Respublikasına qarşı qərəzli addım kimi qəbul oluna və müvafiq nəticələrə səbəb ola bilər. Eyni zamanda, İspaniya hökumətindən Mirzoyan soyadlı şəxsin “Dağlıq Qarabağ respublikası”nın “xarici işlər naziri” adı ilə bu ölkəyə səfəri, onun İspaniyaya hansı pasportla, haradan gəlməsini açıqlayan məlumat istənilib. Gələcəkdə İspaniya ərazisində bu cür səfərlərin və hərəkətlərin qarşısını almaq üçün müvafiq tədbirlərin həyata keçirilməsi tələb edilib.
Bu məsələnin müzakirəsi ilə bağlı sentyabrın 25-26-da Bask hökumətinin başçısı, Bask vilayəti parlamentinin sədri, Bask parlamenti fraksiyalarının rəhbərləri ilə görüş nəzərdə tutulub.
Tural




 
Bölməyə aid digər xəbərlər
18.01.2019
Azərbaycan Dağlıq Qarabağ münaqişəsi məsələsində Rusiyanın köməyinə ümid bəsləyir
18.01.2019
Şimali Kiprin dövlət televiziyasında 20 Yanvar hadisələrindən danışılıb
18.01.2019
Avropa Parlamentində təcili “qətnamə”nin qəbulu anti-Azərbaycan mərkəzlərin yazdığı siyasi ssenaridir
18.01.2019
Bu cür ikili standartlar Avropa Parlamenti daxilindəki qüvvələrin növbəti anti-Azərbaycan cəhdidir
18.01.2019
İstanbulda Qanlı Yanvar faciəsinin ildönümü qeyd edilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info