ATƏT Azərbaycanın istismara və müasir köləliyə qarşı mübarizə səylərini dəstəkləyir
Tarix: 22.09.2014 | Saat: 18:14:00 | E-mail | Çapa göndər


ATƏT-in Bakı Layihə Əlaqələndiricisi Macarıstanın Daxili İşlər Nazirliyi ilə birgə insan alverinin qarşısının alınması və ona qarşı mübarizə sahəsində çalışan Azərbaycanın hökumət rəsmiləri və vətəndaş cəmiyyəti nümayəndələrinin Macarıstana səfərini dəstəkləyir. Bu barədə ATƏT-in Bakı Ofisindən bildiriblər.
Məlumata görə, insan alverinə qarşı mübarizə sahəsində çalışan azərbaycanlı mütəxəssislərin Macarıstana təcrübə səfəri başlayıb. Beş günlük təcrübə səfəri ATƏT-in Bakı Layihə Əlaqələndiricisinin “İnsan alverinə qarşı mübarizə” layihəsinin tərkib hissəsidir. Layihənin əsas məqsədi insan alverinə qarşı mübarizədə uğurlu təcrübələrin mübadiləsi və çıxarılmış nəticələrin müzakirəsini dəstəkləməkdən ibarətdir.
ATƏT-in Bakı Layihə Əlaqələndiricisi səfir Aleksis Şahtaxtinski bildirib ki, ATƏT istismar və müasir köləliyin hər formasına qarşı Azərbaycanın mübarizə səylərini dəstəkləyir: “İnsan alveri ATƏT regionunda transmilli təhdiddir və biz 25 iyul 2014-cü il tarixində Azərbaycan Prezidentinin təsdiqlədiyi üçüncü Milli Fəaliyyət Planının icrasında Azərbaycana köməklik göstəririk. İnanıram ki, ATƏT-in iştirakçısı olan digər dövlətlərin uğurlu təcrübələrinin mübadiləsi insan alverinin qarşısının alınması və təqibi, eləcə də insan alveri qurbanlarının müdafiəsində daha da irəliləmək üçün Azərbaycana kömək edəcək”.
Azərbaycan nümayəndə heyətinə Daxili İşlər Nazirliyi, Əmək və Əhalinin Sosial Müdafiəsi Nazirliyi yanında İnsan Alveri Qurbanlarına Yardım Mərkəzi, Xarici İşlər Nazirliyi, Dövlət Miqrasiya Xidməti, Ailə, Qadın və Uşaq Problemləri üzrə Dövlət Komitəsi, həmçinin üç vətəndaş cəmiyyəti təşkilatının nümayəndələr daxildir. Onlar Macarıstanın Daxili İşlər Nazirliyi, Milli Təhqiqat Bürosu, İctimai İdarəçilik və Ədliyyə Orqanı, həmçinin İnsan Alveri Qurbanlarına Dəstək Xidməti, Ailə və Sosial Siyasət İnstitutu, Milli Böhran Telefon Məlumat Mərkəzi və digər hökumət agentlikləri ilə görüşlər keçirəcəklər.
Azərbaycanlı və macar mütəxəssislər insan alveri qurbanlarına mümkün dəstək və yardım mexanizmləri, eləcə də milli tövsiyə mexanizmlərinin tətbiqi, insan alveri qurbanlarının müəyyən edilməsi prosedurları, cinsi və əmək istismarı məqsədi daşıyan insan alverinin təhqiq və təqib olunması məsələlərini müzakirə edəcəklər.
Nümayəndə heyəti, həmçinin Mosonmagyarovar şəhərində insan alveri qurbanları üçün olan sığınacağı ziyarət edəcək.
Tural




 
Bölməyə aid digər xəbərlər
16.09.2019
Azərbaycan Ordusunun genişmiqyaslı təlimləri başlayıb
15.09.2019
Nuru paşa - Azərbaycan xalqının qəlbini fəth edən müzəffər komandan
15.09.2019
İğdırda izdihamlı Azərbaycan-Türkiyə həmrəylik yürüşü keçiriləcək
15.09.2019
Elmar Məmmədyarov Avropaya rəsmi səfərə gedib
15.09.2019
Türkiyə Respublikasının Vitse-prezidenti Azərbaycana rəsmi səfərə gəlib

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10886

1 Tələbələrə Prezident təqaüdünün verilməsi haqqında Sərəncam imzalandı
2 Prezident İlham Əliyev AŞPA-nın prezidentini qəbul edib
3 Müəllimlərin dərs yükü norması artırıldı
4 Daxili İşlər nazirindən yeni təyinat
5 Prezident təqaüdü alacaq tələbələrin yarısı regionların payına düşür


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info