Səfir Misir mətbuatında Azərbaycanın nailiyyətləri haqqında yazdı
Tarix: 30.09.2014 | Saat: 17:08:00 | E-mail | Çapa göndər


Misirin nüfuzlu “Əl-Cumhuriyyə” və “Əl-Masry Əl-Yaum” qəzetlərində, eləcə də bir sıra internet portallarında Azərbaycanın bu ölkədəki səfiri Şahin Abdullayevin “Azərbaycanın balanslaşdırılmış siyasəti” sərlövhəli məqaləsi dərc edilib.
Ş.Abdullayev məqalədə “ADEX 2014” sərgisindən bəhs edib, bu sərgidə dünyanın 34 ölkəsindən 200 şirkət və rəsmi nümayəndə heyətinin iştirak etdiyini vurğulayıb və belə bir mötəbər tədbirin keçirilməsinin təsadüfi olmadığını bildirib.
Səfir Azərbaycanın iqtisadi və sosial sahələrdə böyük nailiyyətlər qazandığını, buna baxmayaraq, qarşıda duran əsas problemin Ermənistan-Azərbaycan, Dağlıq Qarabağ münaqişəsi olduğunu və həmin münaqişənin regional və beynəlxalq sülhə təhlükə yaratdığını vurğulayıb. Ermənistan silahlı qüvvələri tərəfindən Azərbaycanın torpaqlarının 20 faizinin işğal olunduğunu vurğulayan diplomat, təcavüzkar dövlətin azərbaycanlılara qarşı etnik təmizləmə siyasəti apardığını, bir milyondan çox azərbaycanlının qaçqın və məcburi köçkün vəziyyətinə düşdüyünü diqqətə çatdırır. Eyni zamanda məqalədə zəbt olunmuş ərazilərdə Azərbaycanın mədəni, tarixi, həmçinin islam abidələrinin dağıdıldığı, BMT Təhlükəsizlik Şurasının münaqişə ilə bağlı qəbul etdiyi dörd qətnamənin tələblərinin işğalçı dövlət tərəfindən indiyədək yerinə yetirilmədiyi bildirilir.
Ölkəmizin beynəlxalq əlaqələrinə toxunan səfir bildirib ki, Azərbaycan Respublikası öz milli maraqlarına uyğun olaraq qarşılıqlı hörmət, dövlətlərin suverenliyi və ərazi bütövlüyü, başqa ölkələrin daxili işlərinə qarışmamaq kimi prinsiplər əsasında dünya ölkələri ilə əməkdaşlıq edir.
Ş.Abdullayev, eyni zamanda, Azərbaycanın müsəlman dünyasının ayrılmaz hissəsi olduğunu, ölkəmizin İslam mədəniyyətində oynadığı rolu qeyd edib və bildirib ki, rəsmi Bakı üzv olduğu beynəlxalq təşkilatlarda ərəb və İslam dünyasının ədalətli mövqeyini dəstəkləyir.
Müəllif, həmçinin Azərbaycanın müstəqilliyinin ilk dövründən indiyədək şəffaf xarici siyasət həyata keçirdiyini, heç bir dövlətlə gizli əlaqələrinin olmadığını vurğulayıb, eyni zamanda, başqa dövlətlərin hərbi bazalarının Azərbaycan ərazilərində olmadığını və öz hava məkanından digər dövlətə qarşı istifadə olunmasına heç bir şəkildə icazə verməyəcəyini vurğulayıb.
Tural




 
Bölməyə aid digər xəbərlər
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq
18.01.2019
Sədərək uğrunda gedən qeyri-bərabər döyüşdə yurd sevgisi qalib gəldi
18.01.2019
İsveçrədə 20 Yanvar faciəsinə həsr olunmuş poçt markası buraxılıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info