“Reuters”: “Avstraliyada təhlükəsizliyə xələl gətirən yazı yazanlar həbs ediləcək”
Tarix: 02.10.2014 | Saat: 21:07:00 | E-mail | Çapa göndər


“Dövlət öz vətəndaşlarının yazışmalarına və əlaqələrinə daha geniş çıxış əldə etmiş olacaq”

Böyük Britaniyanın "Reuters" media qurumu yazır ki, Avstraliya mətbuat azadlığını təhdid edən təhlükəsizlik haqqında qanun qəbul edir: “Çərşənbə günü Avstraliya parlamenti təhlükləsizlik qüvvələrinə yeni səlahiyyət verən “islamçı” döyüşçülərlə mübarizəyə aid qanun layihəsinin birinci seriyasını bəyənib. Bu, milli təhlükəsizliklə bağlı yazan jurnalistlərin də barmaqlıqlar arxasına düşə biləcəyi barədə xəbərdarlıqlara və bəyanatlara məhəl qoymadan edilib. Avstraliyanı radikal islamçıların tərəfində döyüş əməliyyatlarında iştirak etmək üçün İraq və Suriyaya yollanan vətəndaşlarının sayı narahat edir. Polis isə bəyan edib ki, ötən ay Avstraliya vətəndaşını tutmaq və başını bədənindən ayrımaq niyətində olan “İslam dövləti”nin təxribatının qarşısını ala bilib. Konservativ baş nazir Toni Ebott xəbərdarlıq edib ki, azadlıqla təhlükəsizlik arasındakı balans, “İŞİD” üzvləri və onun tərəfdarlarına qarşı reydlər və yoxlamalardan sonra dəyişə bilər. Parlamentin aşağı palatası tərəfindən qəbul olunan və ölkənin əsas müxalifət partiyası olan Leyboristlər tərəfindən dəstək alan yeni qanuna görə, kəşfiyyat xidmətlərinin xüsusi əməliyyatları barədə informasiyalar yayanlar on ilə qədər həbsxanada ömür keçirə bilər. Bu qanun kəşfiyyat materiallarının yazılışı, köçürülməsi və saxlanılmasını da qanundankənar sayır. Kritiklərə görə, bu, ABŞ Milli təhlükəsizlik agentliyinin əməkdaşı Edvard Snoudenin sarsıdıcı ifşasına cavabdır və hakimiyyətin kompüter izlənmələri sahəsində səlahiyyətini də ciddi şəkildə artırmış olur. Baş prokuror Corc Brendis isə bildirib ki, 1970-ci illərdə yazılmış qanunların yenilənməsi üçün bu islahatlar zəruridir. Bu islahatlar isə Britaniyada fövqəladə hallarda telekommunikasiya şirkətlərini müştərilərin məlumatlarını saxlamağa məcbur etməklə bağlı qanuna uyğun ruhda aparılır.
Ədliyə naziri Maykl Kinan isə bildirib ki, hökumət xüsusi sirli əməliyyatları gizli saxlamaqla özünü doğruya çıxarmağa çalışmır: “Yanlış bəyanatlara baxmayaraq, söhbət, hakimiyyətin ünvanına tənqidlər olan informasiyaların açıqlanmasının qarşısını almaqdan getmir. Söhbət təhlükəsizliyin təmin edilməsindən gedir”.
Amma jurnalistlərin qorunması ilə bağlı komitə isə reportyorlarla bağlı qanunda hər hansı istisna hal nəzərdə tutulmadığından narahatlığını bəyan edib. Bu istisnaların olmaması o deməkdir ki, reportyorları sadəcə, milli təhlükəsizlik məsələləri ilə bağlı xəbərlər yaydıqlarına və yazdıqlarına görə 10 ilə qədər həbs edə bilərlər.
Komitənin nümayəndəsi Bob Dits deyib ki, bu qanun və digər qanun layihələri Avstraliyanın hara yönəldiyi ilə bağlı ciddi əndişə yaradır: “Bu cür qanunlar cəmiyyətin maraqları üçün işləyən jurnalistikaya ciddi zərbə vurur və biz, qanunvericiləri bu qanunların qəbulunda jurnalistlər və tədqiqatçılar üçün ciddi məqamları nəzərdə tutmağa çağırırıq”.
Yazıda qeyd edilir ki, qəbul edilən qanun dövlətin təhlükəsizlik sahəsində səlahiyyətlərinin gücləndirilməsi üçün olan qanun layihələri seriyasından birincisidir. Tezliklə milli provayderlıəri müştərilərin məlumatlarını polis və digər təhlükəsizlik orqanlarına verməyə məcbur edən digər qanunvericilik aktlarına da baxılacağı bildirilir: “Belə bir halda, dövlət öz vətəndaşlarının yazışmalarına və əlaqələrinə daha geniş çıxış əldə etmiş olacaq”.

İlkin AĞAYEV




 
Bölməyə aid digər xəbərlər
25.05.2019
Meksikada “Mi-17“ helikopteri qəzaya uğrayıb
25.05.2019
Lyonda partlayış nəticəsində yaralananların sayı 13-ə çatıb
25.05.2019
İtaliyada üç terrorçu həbs olunub
24.05.2019
Aprel ayında İdlib vә Hәmaya edilәn hücumlarda azı 38 uşaq hәlak olub
24.05.2019
Nursultan Nazarbayevə Türk Şurasının Fəxri prezidenti statusu verilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10787

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 …Hər sözdə vətən axtaran soydaşımız
5 Özbəkistan Respublikasının Prezidenti Şavkat Mirziyoyevdən


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info