Təhsil Nazirliyinin məqsədli təqaüdü veriləcək
Tarix: 03.10.2014 | Saat: 00:11:00 | E-mail | Çapa göndər


Naxçıvan Dövlət Universitetində universitetin Azərbaycan Respublikası Təhsil Nazirliyinin məqsədli təqaüdünə layiq görülmüş tələbələri ilə görüş keçirilib. Tədbiri universitetin rektoru, AMEA-nın müxbir üzvü Saleh Məhərrəmov açaraq Azərbaycanda, o cümlədən muxtar respublikada təhsil quruculuğu sahəsində qazanılan uğurlardan danışıb.
Qeyd olunub ki, təhsil strategiyasının əsası təhsili millətin gələciyi kimi qiymətləndirən uzaqgörən siyasi xadim, ümummilli lider Heydər Əliyev tərəfindən qoyulmuş və bu gün də uğurla davam etdirilir. Elmin və təhsilin inkişafına göstərilən dövlət qayğısı sayəsində universitetdə tədrisin keyfiyyətinin yüksəldilməsi, maddi-texniki bazanın gücləndirilməsi, yüksək texnologiyalarının tətbiqi, müasir tədris avadanlıqlarından istifadə, beynəlxalq əlaqələrin inkişafı, tələbə mobilliyi vasitəsilə tələbələrin xaricdə təhsilə cəlb olunması, beynəlxalq təhsil proqramlarına qoşulmaq və müxtəlif layihələrdə iştirak etmək istiqamətində əhəmiyyətli işlər görülmüşdür. Rektor Azərbaycan Respublikası təhsil naziri Mikayıl Cabbarovun “Pedaqoji kadr hazırlığı aparılan ali təhsil müəssisələrinin müəllimlik ixtisaslarına yüksək balla qəbul olmuş tələbələr üçün Təhsil Nazirliyinin məqsədli təqaüdünün təsis edilməsi” barədə 17 sentyabr 2014-cü il tarixli əmri ilə tədbir iştirakçılarını tanış edərək bildirib ki, əmrə əsasən pedaqoji kadr hazırlayan ali məktəblərə qəbul imtahanlarında 500 və daha yüksək bal toplayan, ixtisas seçimində birinci və ikinci yerdə müəllimlik ixtisasını qeyd edən 300 tələbə üçün 100 (yüz) manat məbləğində Təhsil Nazirliyinin məqsədli aylıq “Gələcəyin müəllimi təqaüdü” təsis edilmişdir. Naxçıvan Dövlət Universitetinin yüksək bal toplayan və müəllimlik ixtisasının seçən 34 tələbəsi bu təqaüdə layiq görülmüşdür. Rektor tələbələri bu münasibətlə təbrik edərək onlara bu yüksək etimadı doğrultmaq, elmdə və təhsil sahəsində daha böyük nailiyyətlər qazanmağı arzu edib. Xarici dil müəllimliyi (İngilis dili) ixtisasına bu il 665 balla qəbul olmuş Şəhla Salayeva tələbələr adından təhsildə fərqlənən gənclərə göstərilən dövlət qayğısına görə minnətdarlıq edib, bütün səy və bacarıqları ilə vətənə, təhsil aldıqları ali məktəbə layiq olmağa çalışacaqlarını bildirib. Universitetin tədris işləri üzrə prorektoru, filologiya üzrə fəlsəfə doktoru, dosent Surə Seyid tələbələri təbrik edərək onlara elm, təhsil sahəsində daha böyük uğurlar qazanmaq, təhsildə nümunəvi olmaqla yüksək ixtisaslı mütəxəssis, layiqli vətəndaş kimi yetişmək, arzulayıb. Tədris işləri üzrə prorektor universitetdə müxtəlif ictimai, sosial təşkilat və qurumlar, mədəniyyət və idman kollektivləri, elmi dərnək və kurslar haqqında məlumat verərək tələbələri universitetin ictimai işlərində də fəal olmağa çağırıb.

Mehriban SULTAN
NDU-nun Mətbuat şöbəsinin müdiri





 
Bölməyə aid digər xəbərlər
17.02.2019
Ölkə ərazisində hava şəraiti dəyişəcək, yağış və qar yağacaq
15.02.2019
“Strateji Menecment Məktəbi” layihəsinin təlimləri başa çatıb
15.02.2019
Neftçalakı günərzi qayğı mərkəzində uşaqlara reabilitasiya yönümlü sosial xidmətlər göstərilir
15.02.2019
Aldığınız məhsulu barkod ilə necə yoxlaya bilərsiz?
15.02.2019
Gədəbəy Rayon İcra Hakimiyyəti öz “asan xidmət”ini yaratdı

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info