Elmir Vəlizadə: “Elektron hökumətdən istifadə edən vətəndaş portaldan xəbərdar olmalıdır”
Tarix: 03.10.2014 | Saat: 18:50:00 | E-mail | Çapa göndər


Elektron Hökumət Portalının operatoru – Rabitə və Yüksək Texnologiyalar Nazirliyinin Məlumat Hesablama Mərkəzi “Azərbaycanda “Elektron hökumət”: mövcud vəziyyət, problemlər, perspektiv və gözləntilər” mövzusunda analitik məqalə və video süjet müsabiqəsinin elan edilməsi ilə bağlı mətbuat konfransı keçirib. Müsabiqə “Mənim E hökum@im” adı altında “Ən yaxşı məqalə” və “Ən yaxşı video material” olmaqla 2 (iki) nominasiya üzrə nəzərdə tutulub. Təqdimatda Rabitə və Yüksək Texnologiyalar nazirinin müavini Elmir Vəlizadə, MHM-nin direktoru Nail Mərdanov, Xəzər Universitetinin rektoru Hamlet İsaxanlı və digər mütəxəssislər iştirak edib.
Təqdimat mərasimində Rabitə və Yüksək Texnologiyalar nazirinin müavini Elmir Vəlizadə “Elektron hökumət”: mövcud vəziyyət, problemlər, perspektiv və gözləntilər” mövzusunda çıxış edib.
O bildirib ki, müsabiqəni keçirməkdə əsas məqsəd odur ki, Azərbaycanda formalaşmaqda olan elektron hökumətin əhaliyə və vətəndaşlara çatdırılmasında, onun istifadəsinin kütləviləşdirilməsində görülən işlər haqqında daha geniş məlumatla vətəndaşları təmin etməkdir: "Eyni zamanda elektron hökumətdən istifadə edən vətəndaş portaldan xəbərdar olmalıdır. Digər tərəfdən elektron hökumət vətəndaşlarımızın müxtəlif dövlət orqanları ilə internet vasitəsilə rahat əlaqə yaratmasına kömək edir. Bu istiqamətdə işlər görülür və elektron hökumət portalı 2 ildir vətəndaşların istifadəsinə verilib. Portala qoşulmuş xidmətlərin sayı 400-ə yaxındır. Nazirlər Kabinetində qoşulmuş xidmətlərin sayı 291-dir".
Müsabiqənin məqsədi dövlət orqanlarının təqdim etdiyi elektron xidmətləri geniş kütləyə çatdırmaq, elektron hökumət portalının (e-gov.az) populyarlığını artırmaq, yeni elektron xidmətlərin yaradılmasında səmərəli təkliflərdən yararlanmaq, portalın fəaliyyətinin təkmilləşdirilməsi üçün çatışmazlıqları araşdırmaqdır.
Müsabiqədə iştirak etmək istəyənlər ilk növbədə www.e-gov.az portalında qeydiyyatdan keçməli, məqalələri və ya video materialları göndərərkən qeydiyyat nömrəsini e-məktuba əlavə etməlidirlər. Qeydiyyat noyabrın 10-dək aparılacaq. Hər iştirakçı müsabiqəyə yalnız bir yazı və bir video süjet təqdim edə bilər. Yazı həftədə ən azı bir dəfə dərc olunan mətbu orqanda və ya informasiya saytında çap edilməlidir. Hazırlanan video materiallar isə müsabiqəyə təqdim olunana qədər heç bir KİV-də nümayiş olunmamalıdır. Video 1 dəqiqədən az, 5 dəqiqədən çox ola bilməz. Məqalə 8000 simvoldan az (2 A4 vərəqi), 14000 simvoldan çox olmamalıdır. Müsabiqə üçün dil və janr məhdudiyyəti nəzərdə tutulmur. Hər bir məqalə və süjet də “Elektron hökumət” portalının ünvanının (www.e-gov.az) göstərilməsi əsas şərtlərdəndir. Müsabiqə üçün yazılmış məqalələr və video süjetlər musabiqa@rabita.az ünvanına göndərilməlidir.
Qeyd edək ki, məqalələrin dərc olunma tarixi qeydiyyat tarixindən sonrakı tarixə uyğun olmalıdır. Yazı və videolar RYTN tərəfindən müəyyən edilmiş peşəkar münsiflər tərəfindən qiymətləndiriləcək. “Ən yaxşı məqalə” və “Ən yaxşı video material” üzrə 1-ci yeri qazananlar 2500 manat, ikinci yeri qazananlar 1500 manat, 3-4-5 yeri qazananlar isə noutbukla mükafatlandırılacaqlar. Bundan başqa, müsabiqədə iştirak edən hər bir iştirakçıya e-imza vəsiqəsi və kart oxuyucu təqdim ediləcək.

Nigar Abdullayeva




 
Bölməyə aid digər xəbərlər
25.05.2019
Ordubadlı nümunəvi ailə təsərrüfatlarının iş təcrübələri muxtar respublikada yayılır
25.05.2019
Beyləqandakı əmək yarmarkasında 54 nəfər işə göndəriş alıb
24.05.2019
Tikinti mühəndisi vəzifəsinə işçi axtarılır
24.05.2019
“Gilan Holding“ işçi axtarır
24.05.2019
Bank mütəxəssis axtarır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info