Argentina prezidentindən Obamaya sərt tənqid
Tarix: 08.10.2014 | Saat: 18:31:00 | E-mail | Çapa göndər


“Ərəb Baharı”nı başladaraq, radikal terrorçuları öz əlinizlə iqtidara gətirdiniz”

Uzun müddətdir ki Qərbin Şərq ölkələrində eləcə də dünyanın bir çox yerlərində sərgilədiyi anormal siyasəti tənqid olunur. Bu tənqidlər etiraz aksiyalarından tutmuş ən yüksək səviyyəyə-prezidentlərin çıxışlarına qədər özünü büruzə verir. Belə çıxışlardan biri də Argentina prezidenti Kristina Fernandezdən gəlib. Dünya artıq Argentina prezidenti Kristina Fernandezin BMT-dəki çıxışını müzakirə edir.
Fernandez ABŞ prezidenti Barak Obamanın da qatıldığı Birləşmiş Millətlər Təşkilatının toplantısında ABŞ-ın terrorla əlaqədar siyasətini sərt sözlərlə tənqid edərkən Obamanın Fernandezi düşüncəli şəkildə dinləməsi diqqət çəkib.
Türkiyə mətbuatının məlumatına görə, Fernandez çıxışında Papa Francisin sülh çağırışını düzgün olduğunu söyləyərək, ABŞ-ın ünvanına «terrorizm canavarını yaratdılar və bu canavar hazırda nəzarətdən çıxdı» deyib.
Argentina prezidenti, «keçən il burada toplandıqda Bəşər Əsəd hakimiyyətini terrorist kimi göstərib, ona qarşı edilənlərin inqilab olduğunu söyləyərək, dəstəklədiniz. İndi isə dünən «inqilabçı» dediyiniz radikal terrorçulara qarşı müharibə aparırsınız. “İŞİD” və “əl-Qaidə”nin əlindəki silahları kim verib? Böyük güclər çox asan şəkildə dost və düşmən anlayışını dəyişdirir. Terrorçular dost olur, dostlar isə terrorist. “Hizbullah”ı terrorçu təşkilatlar siyahısına qoymuşdunuz, amma sonradan Livanda böyük bir xalq dəstəyinə malik, hörmətli təşkilat olduğu aydınlaşdı. 1994-cü ildə Buenos Ayresdə İsrail səfirliyinə edilən bombalı hücumda İran barmağı axtardınız, ancaq elə olmadığı dəqiqləşdi. 11 Sentyabrdan sonra “əl-Qaidə” terroru adı ilə Əfqanıstan və İraqa müharibə açdınız, o ölkələr indi dünyanın ən ağır vəziyyətini yaşayır. «Ərəb Baharı»nı Tunis, Liviya və Misirdə başladaraq, radikal terrorçuları öz əlinizlə orada iqtidara gətirdiniz. Bölgə xalqlarının azadlıqlarını qəsb etdiniz. Bu gün burada “İŞİD”ə qarşı BMT qərarı çıxarmaq üçün toplandıq, halbuki “İŞİD”in bəzi BMT Təhlükəsizlik Şurası ölkələrinin himayəsi altında yaradılıb, bəsləndiyini hər kəs görür» sözləri ilə ABŞ siyasətini açıq şəkildə tənqid edib.
Qeyd edək ki, dünən də Argentina prezidenti açıqlama verərək, ABŞ hökumətinin onu devirmək, hətta öldürmək istədiyi barədə sensasion açıqlama ilə çıxış edib. Argentinadakı ətrafının da hökuməti devirmək üçün planlar qurduğunu vurğulayan prezident, ABŞ-ın ona qarşı sui-qəsd hazırladığını dilə gətirib: «Əgər mənə bir şey olarsa, Orta Şərqə deyil, Qərbə baxın».
Tural




 
Bölməyə aid digər xəbərlər
23.09.2018
Düşmənlər İranda vəziyyəti gərginləşdirə bilməyəcəklər
22.09.2018
Türkiyə Prezidenti Rəcəb Tayyib Ərdoğan TEKNOFEST festivalına qatılıb
22.09.2018
İranda terror aktı: həlak olanların sayı 24 nəfərə çatıb
22.09.2018
Tereza Mey: “Brexit” barədə danışıqlar düyünə düşüb
22.09.2018
İranda terror aktı nəticəsində 11 nəfər həlak olub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10132

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info