Eboladan qeydiyyata alınmış birinci qurbanı kimi məşhurlaşmış Dankan öldü
Tarix: 09.10.2014 | Saat: 18:03:00 | E-mail | Çapa göndər


Texas ştatının Dallas şəhərindəki xəstəxananın pasiyenti, ABŞ-da Ebola virusunun qeydiyyata alınmış birinci qurbanı kimi bütün dünyada məşhurlaşmış Tomas Erik Dankan oktyabrın 8-də öz palatasında vəfat edib. Onun 42 yaşı var idi. ABŞ-ın Xəstəliklərə nəzarət və onların profilaktikası mərkəzinin nümayəndələri Dankanın meyitinin kremasiya olunacağını təsdiq ediblər.
Xatırladaq ki, Dankan sentyabrın 20-də Liberiyadan Dallasa gəlib. 6 gündən sonra onun halı pisləşib, lakin tibbi müayinədən sonra o evdə müalicə olunmaq üçün xəstəxanadan evə buraxılıb. sentyabrın 28-də onun halı daha da pisləşib və onu təcrid edilmiş palataya yerləşdiriblər.
Bu gün isə Ebolanın ikinci potensial qurbanı aşkar edilib – Dallas polisinin serjantı Maykl Moninqin kəskin mədə ağrıları başlanıb. Məlum olduğu kimi, Dankan tibbi müayinə üçün xəstəxanaya yerləşdiriləndən sonra yerli səhiyyə orqanlarının nümayəndələri Zakari Tompson və Kristofer Perkins Dankanın mənzilinə gedərkən onları müşayiət etmək Moninqə tapşırılmışdı. Onlardan heç birinin qoruyucu kombinezonları yox idi. Tibbi ekspertlərin fikrincə, ehtimal ki, Moninq Dankanın mənzilində olarkən bu virusa yoluxub. Hələlik Moninqin diaqnozunu təsdiq edən məlumat yayılmayıb.
Oktyabrın 8-də ABŞ-ın Xəstəliklərə nəzarət və onların profilaktikası mərkəzinin administrasiyasının və ABŞ Milli Təhlükəsizlik Nazirliyinin gömrük və sərhəd nəzarəti Bürosunun birgə bəyanatı yayılıb. Bəyanatda bildirilir ki, virusun ABŞ-da yayılması potensialının qarşısını almaq üçün yeni tədbirlər görüləcək, o cümlədən Qvineya, Liberiya və Sverra-Leonadan ABŞ-a gələn sərnişinlərin hərarəti ölçüləcək, onların arasında sorğu keçiriləcəkdir. Bəyanatda göstərilir ki, Nyu-Yorkdakı Con Kennedi beynəlxalq aeroportu artıq bu şənbə günü tibbi skrininqə başlayacaq. Vaşinqtondakı Dalles, Çikaqodakı O’Hara aeroportları, habelə Nyu-Yorkdakı və Atlantadakı beynəlxalq aeroportlar isə müvafiq prosedurların icrasına gələn həftə başlayacaqlar.
Xatırladaq ki, Qərbi Afrikada Ebola virusundan ölənlərin sayı 3900 nəfərə çatıb.
Tural




 
Bölməyə aid digər xəbərlər
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır
18.09.2018
Rusiya təyyarəsi vuruldu,15 hərbçi həlak oldu
18.09.2018
Rusiya və Türkiyə prezidentləri Soçidə görüşüblər
18.09.2018
Türkiyə və Rusiya prezidentləri Suriya böhranı ilə bağlı ciddi anlaşma əldə ediblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info