“AtaSığorta” 10 illik yubileyinə həsr olunmuş mətbuat konfransı keçirdi
Tarix: 10.10.2014 | Saat: 20:29:00 | E-mail | Çapa göndər


“Excelsior Hotel Baku” otelində “AtaSığorta”nın ASC-nin 10 illik yubileyinə həsr olunmuş mətbuat konfransı keçirilmişdir. Mətbuat konfransında “AtaSığorta” ASC-nin İdarə Heyətinin sədri Müseyib Əliyev, İdarə Heyətinin sədr müavini Orxan Məmmədov, İdarə Heyətinin üzvləri – Ramil Abdullayev və Azər Fərəcov iştirak edib. İdarə Heyətinin sədri Müseyib Əliyev tədbiri açıq elan edərək bildirdi ki, 2014-cü ildə öz fəaliyyətinin 10 ilini tamamlayan “AtaSığorta” ASC bu müddət ərzində ciddi bir inkişaf yolunu keçmiş və inkişaf etməkdə olan sığorta sektorunda öz yerini tutmuşdur. Şirkət yalnız Bakı şəhərində deyil, eyni zamanda Azərbaycanın şimal, cənub, qərb regionlarını əhatə etməklə ənənəvi sığorta növlərini müştərilərinə təklif edir. Respublika ərazisində “AtaSığorta” ASC-nin 6 filialı ("Mərkəzi", "Sumqayıt", "Qərb", "Şimal", "Cənub", "Xəzər"), 6 nümayəndəliyi ("Şamaxı", "Zaqatala", "Bərdə", "Gədəbəy", "Gəncə-Kəpəz" və "Ağdaş") və 6 satış ofisi fəaliyyət göstərir.
“AtaSığorta” ASC Azərbaycanın sığorta sektoru ilə yanaşı dünyanın bir sıra aparıcı sığorta şirkətləri və brokerləri ilə ciddi əməkdaşlıq edir. Şirkət ölkənin iqtisadi inkişaf tempinə uyğun olaraq davamlı şəkildə öz fəaliyyətini təhlil edir və yenilikləri tətbiq edərək cəmiyyətin inkişafına ümumi töhvə verir. Peşəkarlıq və innovativ yaxınlaşmanı özünün əsas prinspiləri müəyyən edən şirkətdə əsasən gənclər çalışır və daim qabaqcıl təcrübədən faydalanmaqla şirkətin inkişafını təmin edirlər. Təsadüfi deyil ki, “AtaSığorta” bu yubileyini öz işini bilən və iddialı peşəkarlarla qeyd edir. Bununla bağlı olaraq, şirkət işini bilən və iddialı insanları cəmiyyətə tanıtmaq, onlara dəstək olmaq və önə çıxarmaq məqsədilə “Mən işimi bilirəm!” adlı kampaniyaya start verir. “AtaSığorta” ölkədə öz işini bilən bütün insanları bu kampaniyaya qoşulmağa dəvət edir. “Mən işimi bilirəm!” adlı kampaniya 10 oktyabr 2014-cü il tarixindən başlayaraq 10 noyabr 2014-cü il tarixinə qədər davam edəcək. Bu müddət ərzində işini bilən insanlar öz işləri haqqında 1 dəqiqəlik videosüjet hazırlayaraq şirkətə göndərməlidirlər. Daha ətraflı məlumat kampaniyanın www.ishimibilirem.az ünvanlı rəsmi veb səhifəsində yerləşdirilib.
“AtaSığorta” bir daha bütün müştərilərinə, tərəfdaşlarına və qazanılmış uğurlarda payı olan hər bir şəxsə təşəkkür edir və bildirir ki, bundan sonra da hər zaman peşəkar maliyyə qurumu olaraq Azərbaycan cəmiyyətinin inkişafına xidmət etməyə davam edəcək.
"AtaHolding" Şirkətlər Qrupuna daxil olan “AtaSığorta” ASC 2004-cü ildən sığorta sektorunda fəaliyyət göstərir. Nizamnamə kapitalı 10 milyon manat olan şirkət 22 könüllü və 4 icbari sığorta növü üzrə müştərilərinə xidmət göstərir və eyni zamanda təkrarsığorta fəaliyyətinin həyata keçirilməsi üçün lisenziyaya malikdir. İcbari Sığorta Bürosunun təsisçisi və iştirakçısıdır. Həmçinin şirkət Azərbaycan Sığortaçılar Assosiasiyasının, Sahibkarlar Təşkilatları Milli Konfederasiyasının, Azərbaycan-Türkiyə İşadamları Birliyinin və Azərbaycan Risk Peşəkarları Assosiasiyasının üzvüdür. "AtaSığorta" ASC-nin xidmət şəbəkəsinə ümimilikdə 18 filial, nümayəndəlik və satış ofisi daxildir.
Xəyalə




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info