“Avstraliyada “Azərbaycan evi”nin açılışı üçün çalışırıq”
Tarix: 11.10.2014 | Saat: 01:13:00 | E-mail | Çapa göndər


Müsahibimiz uzaq Avstraliyadan gəlmiş həmvətənimiz Həcər xanım Malikdir. Avstraliyada Azərbaycan Mədəniyyət Assosiasiyasının sədri olan Həcər xanım Cənubi Azərbaycanda dünyaya gəlib.
- Avstraliyada hansı sahədə çalışırsınız?
-Ürəyi Azərbaycanda qalan bir çox azərbaycanlılardan biri də mənəm. Avstraliyanın paytaxtı Kanberra şəhərində yaşayıram. Moda dizayneriyəm. 1993-cü ildə özünəməxsus formada gəlinlik paltarı hazırlayaraq “De çallıe haute counture” markasını yaratdım. Və bu ad Avstraliyada moda sahəsində tanınmış və mükafat qazanmış adlardan biridir.
-Avstraliyada Azərbaycan Mədəniyyət Assosiasiyasının yaranma tarixi haqda məlumat verərdiniz...
-1992-ci ildə Zeynəb Xanlarovanın Qarabağa dəstəyi ilə bağlı olan konsertində ilk dəfə həmvətənlərimizlə qarşılaşdım. Orda bir diaspor cəmiyyətimiz və “Azərbaycanın səsi” radiosunun olduğundan xəbər tutdum. O gündən bəri milli diaspor təşkilatları ilə əlaqəli fəaliyyətlərimiz oldu. Birlikdə çalışa bilmək həmişə arzumuz olub. Ümid edirəm bir gün bizim də başqa millətlər kimi daha geniş çalışmalarmız olacaq. Güclü bir federasiya, ancaq birləşmə məqsədi ilə addımlar atılacaq. Biz çalışdıq ki, Avstraliya standartına uyğun bir cəmiyyət yaradaq. Beləcə, fevral ayında Avstraliyada Azərbaycan Mədəniyyət Assosiasiyasını qeydiyyatdan keçirdik. Təşkilatın üç dildə “azerbaijanis.org.au” saytı fəaliyyət göstərir. Saytda Azərbaycanın tarixi, mədəniyyəti, adət-ənənələri, eləcə də keçirdiyimiz tədbirlər haqda məlumatlar verilir.
-Azərbaycanın təbliği ilə bağlı hansı tədbirləriniz olub?
-İlk tədbirimiz Xocalı faciəsi ilə bağlı Kanberra və Sidneydə oldu. Kanberrada yaxın dostumuz millət vəkili xanım Yvett Berry və onun atası keçmiş məclis rəhbəri Wayne Berry (onlar IV Bakı Beynəlxalq Humanitar Forumunda iştirak etmək üçün Bakıya gəliblər) də iştirak etdilər. Və parlamentdə Xocalı haqqında nitqi olub. Novruz tədbirimiz ilk şənliyimiz oldu. Ardınca, hər ayın ilk bazarı günü Sidneydə mədəni tədbirlər keçiririk. Həmçinin Kanberrada “Odlar yurdu” rəqs qrupunu yaratmışıq. Bir neçə festivalda iştirak ediblər və ən gözəl ifaları da Azərbaycan səfirliyinin 28 May- Respublika Günü münasibətilə keçirdiyi mərasimdə olub. Qürurla deyə bilərəm ki, rəqs qrupu üzvlərinin geyindiyi milli paltarları özüm tikmişəm.
-Avstraliya bizə uzaq olan ölkədir. Bu baxımdan orada Azərbaycanı tanıtmaq sizin üçün çətin deyilmi?
-Nə qədər çətin olsa da biz bu baxımdan əlimizdən gələni edirik. Biz nə qədər zəngin mədəniyyətə sahib olsaq da, uzaq yerdə Azərbaycanı tanıtmaq elə də asan deyil. Şükürlər olsun ki, xaricdə yaşayan azərbaycanlıların işini asanlaşdıran Diasporla İş üzrə Dövlət Komitəsi var. Dünya Azərbaycanlılarının Həmrəylik Günündə “Azərbaycan evi”nin açılışı üçün çalışırıq. Azərbaycandan açılışda qonaqlarımızın olmasını istərdik.
Fuad Hüseynzadə




 
Bölməyə aid digər xəbərlər
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir
18.11.2018
Sanya meri: Azərbaycan qədim tarixə və özünəməxsus mədəniyyətə malik ölkədir
18.11.2018
Dünyanın heç bir ölkəsində qanunsuz, icazəsiz mitinq keçirməyə yol verilmir
17.11.2018
Milli Dirçəliş Günü ilə bağlı icazəsiz aksiya keçirməkdə məqsəd təxribat törətmək və ara qarışdırmaqdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info