“Ukrayna böhranı beynəlxalq vəziyyəti ciddi sarsıdıb”
Tarix: 13.10.2014 | Saat: 23:51:00 | E-mail | Çapa göndər


“Ukrayna böhranı beynəlxalq vəziyyəti ciddi sarsıdıb və onun təsiri kifayət qədər uzun zaman hiss olunacaq. Dünyadakı vəziyyətin necə cərəyan edəcəyini indidən proqnozlaşdırmaq çətindir, lakin arxayın ola bilərsiniz ki, gələcək bizlərə bir çox sürprizlər təqdim edəcək”. Bu sözləri “MGİMO Journal” nəşrinə müsahibəsində Rusiya xarici işlər naziri Sergey Lavrov bildirib.
Nazir Ukrayna hadisələrinə münasibət bildirərkən qeyd edib: “Bu, əsaslı inkişafların yeni təzahürü deyil, əksinə, Qərb tərəfdaşlarının Rusiya ilə bağlı bir çox illər üçün olan kursun kulminasiya nöqtəsidir.
Qərbi Avropanın rusları özlərininki kimi qəbul etməmələri, artıq əsrlər boyu vərdiş halını alsa da, ən azı son üç əsrdə biz Avropa mədəniyyət və siyasətinin ayrılmaz tərkib hissəsi olmuşuq. Məhz Rusiyanın Avropa ilə fəal əlaqələri nəticəsində qitədə sülh və sabitlik bərqərar olunub”.
Nazir daha sonra qeyd edib ki, ötən əsrin son rübündən başlayaraq biz avroatlantik məkanda strateji əlaqələrin qurulması barədə danışıqlar aparmış, birgə strukturlar qurmaq, sülh, təhlükəsizlik və sabitliyin ortaq məkanının formalaşdırılmasını asanlaşdırmaq üçün birgə fəaliyyət planı nəzərdə tutmuşduq: “Amma Qərb tərəfdaşları öz gündəliyini təbliğ edərkən, əsasən Rusiyanın maraqlarına məhəl qoymurlar. Onlar NATO-nu genişləndirməklə Rusiyanın sərhədlərinə yaxın geosiyasi məkana nəzarət etmək istəyirlər”. Lavrov daha sonra əlavə edib ki, bu məqamda belə təəssürat yaranıb ki, Rusiya bu gün dünyanın «ən fəal hücumu» ilə üz-üzə qalıb və onlar bunu müstəqil siyasət hesab edirlər: “Bu xətt, əlbəttə, öz eksklüziv müdafiəsi üçün çalışan birinin iddiaları ilə uyğun deyil.
Qərbdəki tərəfdaşların bizə qarşı nümayiş etdirdikləri soyuq tədbirlərə baxmayaraq, biz Rusiya və Qərb arasındakı qarşıdurmanın əleyhinəyik. Rusiya sərhəd problemlərinin həlli üçün konstruktiv töhfəsini verməyə, əlbəttə ki, qarşılıqlı hörmət, bərabər əsaslar üzərində münasibətləri davam etməyə hazırdır".
Lavrovun tədbirincə, Ukraynadakı böhran, əsasən "qlobal çağırışlar»la başlayıb: “Qeyd etmək kifayətdir ki, real müharibələr Suriya və İraqda ekstremistlər tərəfindən başladı”. Hazırda İsrail-Fələstin qarşıdurması, Əfqanıstandakı vəziyyətə toxunan nazir Afrikadakı böhranı nəzərə çatdıraraq qeyd edib ki, “biz bu sahədə Avropa İttifaqının köməyinə gələrək Çad və Cənubi Afrika Respublikasına yardım göstərmişik, piratçılığa qarşı birlikdə mübarizə aparmışıq”.
O qeyd edib ki, yalnız kollektiv səylərin səmərəli təşkili hesabına problemlərlə mübarizə aparıla bilər: “Qarşılıqlı imtina nə bizim, nə də Qərb üçün qarşılıqlı bir seçim deyil. Dürüst olmaq lazımdır, beynəlxalq hüququn norma və prinsiplərinə, ümumilikdə, BMT Nizamnaməsinə hörmətlə, vicdanla yanaşmaq lazımdır”.
Ağasəf BABAYEV




 
Bölməyə aid digər xəbərlər
20.01.2019
20 yanvar tarixini yeni Azərbaycan tarixinin başlanğıcı kimi qəbul etmək olar
20.01.2019
Biz rusiyalılar dərdinizə şərik çıxır və bu dəhşətli faciəni xatırlayırıq
20.01.2019
Azərbaycan xalqının 20 Yanvar qəhrəmanlığı türk dünyası üçün nümunə oldu
20.01.2019
Azərbaycanda şəhid ailələrinə dövlətimiz tərəfindən yüksək diqqət və qayğı göstərilir
20.01.2019
Hicran Sadıqzadə: Biz şəhidlərin xatirəsini yad etməyə mənəvi cəhətdən borcluyuq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info