Əməkhaqqı siyasətinin inkişafı sahəsində görülən işlər müzakirə olunub
Tarix: 15.10.2014 | Saat: 21:39:00 | E-mail | Çapa göndər


Əmək və əhalinin sosial müdafiəsi nazirinin müavini İdris İsayev ölkəmizdə səfərdə olan Beynəlxalq Əmək Təşkilatının (BƏT) Moskva Ofisinin sosial müdafiə üzrə mütəxəssisi xanım Mariko Ouçi ilə görüşüb. BƏT-in Mərkəzi Asiya və Şərqi Avropa ölkələri üzrə Ofisi ilə ölkəmizdə mövcud əmək haqqı siyasəti barədə aparılan müzakirələrin davamı kimi keçirilən görüşdə İ.İsayev ölkəmizin sosial-iqtisadi inkişafı barədə məlumat verib. Nazir müavini bildirib ki, Prezident İlham Əliyevin uğurlu siyasəti sayəsində sürətli tərəqqi dövrünü yaşayan ölkəmizdə əhalinin gəlirlərinin artırılması üçün məşğulluq imkanlarının genişləndirilməsi daim diqqətdə saxlanılır. Bu istiqamətdə aparılan işlərin uğurlu nəticəsi kimi, 2004-cü ildən bəri ölkədə 1,3 milyon yeni iş yeri yaradılıb, işsizliyin səviyyəsi 5 faizə enib. Qarşıdakı dövrdə isə ölkədə işsizliyin tam aradan qaldırılması əsas hədəflərdən biridir. İ.İsayev ölkənin əmək qanunvericiliyinin BƏT-in Konvensiyalarına uyğun şəkildə təkmilləşdirildiyini, son vaxtlarda isə əməyin mühafizəsi sahəsində strateji məqsədləri özündə əks etdirən “Azərbaycan Respublikasında əməyin təhlükəsizliyi və sağlamlaşdırılması üzrə Milli Strategiya”nın hazırlandığını, sosial tərəfdaşlarla əməyin mühafizəsi üzrə üçtərəfli komissiyanın yaradılmasına başlandığını diqqətə çatdırıb. O, bildirib ki, əməyin ödənilməsi və əmək haqqı sisteminin təkmilləşdirilməsi istiqamətində də ölkədə fəal siyasət həyata keçirilir. Son 10 ildə respublikada minimum əmək haqları 16 dəfə artırılıb və inflyasiya göstəricisini dəfələrlə üstələyib. Həmçinin orta aylıq əmək haqları mütəmadi olaraq yüksəlir. Ölkənin bütün istiqamətlərdə strateji hədəflərini əhatə edən “Azərbaycan 2020: gələcəyə baxış” İnkişaf Konsepsiyasında növbəti illərdə də minimum əmək haqlarının artırılması nəzərdə tutulur. Minimum əmək haqqının artırılması sahəsində aparılan işlərdə BƏT-lə fəal əməkdaşlıq da diqqətdə saxlanır. İ.İsayev ölkəmizdə tətbiqinə başlanan əmək müqaviləsi bildirişi üzrə elektron informasiya sistemi, onun əhəmiyyəti barədə də məlumat verərək bildirib ki, əmək münasibətlərinin elektron müstəvidə şəffaflaşdırılmasını təmin edən bu sistem eyni zamanda əmək bazarına dair geniş informasiya bazasını formalaşdırır. Əmək məsələləri, habelə əmək haqqı sisteminin təkmilləşdirilməsi ilə bağlı müvafiq təhlillərin aparılmasında bu məlumat bazası xüsusi önəm daşıyır. Xanım M.Ouçi Azərbaycanda əmək qanunvericiliyinin mütərəqqi normalar əsasında və BƏT-lə əməkdaşlıq şəraitində təkmilləşdirilməsi yönündə aparılan işləri, eyni zamanda əmək müqaviləsi bildirişi üzrə elektron informasiya sisteminin tətbiqini yüksək dəyərləndirib. O, eyni zamanda respublikada məşğulluq imkanlarının genişlənməsi şəraitində əmək haqlarının artırılması sahəsində əldə olunan uğurların təqdirəlayiq olduğunu və qarşıdakı dövrdə bu sahədə yeni irəliləyişlərə nail olunacağına əminliyini bildirib.
Daha sonra nazirliyin aidiyyatı struktur bölmələrinin mütəxəssislərinin iştirakı ilə əmək haqqı siyasətinin inkişafı sahəsində qarşıda duran məsələlərə dair müzakirələr aparılıb.
İlkin




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info