“Müxalif gənclərin Praqadakı əməlləri ləyaqətsizlikdir”
Tarix: 16.10.2014 | Saat: 01:06:00 | E-mail | Çapa göndər


Çexiyanın paytaxtı Praqa şəhərində XVIII “Forum 2000” konfransı keçirilib. “Demokratiya və onun narazılıqları” adlı bu tədbirdə müxtəlif ölkələrdən 4 minə yaxın insan iştirak edib.
Forum çərçivəsində Praqanın müxtəlif mərkəzlərində panellər təşkil edilib. Forumda iştirak edən Azərbaycan Gənclərinin Avropaya İnteqrasiyası Təşkilatının (AGAT) sədr müavini Nərgiz Xələf qəzetimizə eksklüziv açıqlamasında bildirib ki, panellərdə Azərbaycan nümayəndələrinə də çıxış üçün yer verilib. Xatırladaq ki, panellərdə müxalifət fəalları Emin Milli, Bəxtiyar Hacıyev, Rəşad Əliyev və Vüqar Qocayev Azərbaycanın əleyhinə çıxışlar ediblər. Lakin Nərgiz Xələf auditoriyaya arqumentlərlə bu çıxışların yanlış olduğunu bildirib: "Paneldə E.Milli öz repertuarını davam etdirərək Xədicə İsmayılovanın Azərbaycandan çıxmasına icazə verilməməsinin qanunsuz olduğunu bildirdi. Həmçinin Azərbaycanla bağlı həqiqətə uyğun olmayan məlumatlar verdi. Mən çıxış edərək X.İsmayılovanın Elman Türkoğluna böhtan atdığını və ailəsini təhqir etdiyini xatırlatdım. Bildirdim ki, buna görə də X.İsmayılova məhkəməyə verilib. Bu səbəbdən də onun ölkədən çıxmasına icazə verilmir. Bütün bunları deyəndən sonra auditoriyadakı reaksiyalar maraqlı idi... Maraqlısı budur ki, E.Milliyə münasibətimi bildirəndən sonra ona sual verdim ki, burda bir insanın hüququndan danışırsan, amma bir milyondan artıq qaçqın və məcburi köçkünlərimiz haqda bircə dəfə də olsun Avropada belə arenalarda danışmamısan. Qeyd etdim ki, bu problemin həll olunması ilə bağlı bir tələb irəli sürməmisən. E.Milli bu sözlərim qarşısında cavabsız qaldı”. N. Xələf dedi ki, hər zaman xaricdə belə konfranslarda regionun təhlükəsizliyi və Azərbaycanın inkişafı, bir milyondan artıq vətəndaşımızın hüquqlarının bərpa olunmasından danışırlar: “Bu "demokratiya" carçıları isə cinsi azlıqların dərdinə qalırlar. Bunlar çox bəsit mövzuları hər zaman gündəmə gətirirlər. İttiham etmək çox asandır. Amma məntiqlə düşünmək lazım ki, həmin ittihamın arxasında nə dayanır”. N.Xələf panellərdən sonra fərdi olaraq E.Milli və onun ideyadaşları ilə görüşərək bu kimi hərəkətlərinin yolverilməz olduğunu deyib: “Onlara çatdırdım ki, Avropada Azərbaycan haqda mənfi imic yaradan fikirlər yaymaqla özlərini hörmətdən salırlar. Azərbaycan haqqında mənfi fikirlər söyləmələrinin ləyaqətsizlik və şərəfsizlik olduğunu bildirdim. Onlar Avropada yaşayırlar və Azərbaycanda baş verənlərin birbaşa içində deyillər”.
Fuad Hüseynzadə




 
Bölməyə aid digər xəbərlər
22.09.2018
Azərbaycanın sürətli inkişafının bir daha şahidi oldum
22.09.2018
Ermənistan hökuməti boş xəyallara qapılmamalı və gerçəkliyi qəbul etməlidir
22.09.2018
Pambığın alış qiymətinin artırılması fermerlərə göstərilən diqqət və qayğının növbəti təzahürüdür
21.09.2018
Yalnızlıq qorxusu
21.09.2018
“Gənclərimiz daha məntiqli və faydalı yol tutmalı, müsbət davranış nümunəsi göstərməlidirlər”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info