ABŞ-da Azərbaycana dair mühazirə keçirilib
Tarix: 17.10.2014 | Saat: 18:26:00 | E-mail | Çapa göndər


Azərbaycanın Los Ancelesdəki baş konsulu Nəsimi Ağayev ABŞ-ın nüfuzlu təhsil ocaqlarından olan, San Dieqoda yerləşən Kaliforniya Universitetində (University of California, San Diego) “Azərbaycan və Xəzər bölgəsində hazırkı durum” mövzusunda çıxış edib.
Azərbaycanın Los Ancelesdəki baş konsulluğundan verilən məlumata görə, universitetin dəvəti ilə gerçəkləşən tədbirdə universitetin professor və tələbələri iştirak edib. Baş konsul N.Ağayev çıxışında Azərbaycanın zəngin mədəni irsi, keçdiyi tarixi inkişaf yolu və yerləşdiyi coğrafi məkan, eləcə də Azərbaycanın multikultiralizmin mərkəzlərindən biri olması və ölkəmizin qədim tolerantlıq ənənələri barədə danışıb. O, 1918-ci ildə Azərbaycan xalqının İslam dünyasında ilk dünyəvi parlamentli respublika yaratdığını, bu respublika tərəfindən qadınlara səsvermə hüququnun ABŞ-dan da öncə verildiyini qeyd edib. Baş konsul İkinci Dünya müharibəsində nasizm üzərində qələbənin əldə olunmasında Azərbaycan neftinin və neftçilərinin oynadığı fövqəladə rolu tədbir iştirakçılarının diqqətinə çatdırıb. N.Ağayev həmçinin Ermənistanın Azərbaycana qarşı həyata keçirdiyi işğalçılıq siyasətindən bəhs edərək, bu səpkidə Xocalı soyqırımı haqda tədbir iştirakçılarını ətraflı şəkildə məlumatlandırıb.
Baş konsul Azərbaycan xalqının ümummilli lideri Heydər Əliyevin yorulmaz səyləri nəticəsində 1994-cü ilin 20 sentyabrında “Əsrin Müqaviləsi” adlı tarixi sənədin imzalandığını, bununla da ölkəmizin neft strategiyasının və gələcək inkişafının bünövrəsinin qoyulduğunu bildirib. O, ötən dövr ərzində prezident İlham Əliyevin rəhbərliyi altında əldə olunan nailiyyətləri qeyd edərək, bu müsbət irəliləyişlərin əsası ümummilli lider tərəfindən qoyulan və bu gün uğurla davam etdirilən uzaqgörən siyasətin nəticələri olduğunu vurğulayıb. N.Ağayev bu gün Azərbaycanın regionda siyasi və iqtisadi güc mərkəzinə çevrildiyini söyləyib. Diplomat Azərbaycanın yürütdüyü konstruktiv xarici siyasət barədə danışaraq, ölkəmizin region dövlətləri və beynəlxalq birlik ilə münasibətləri barədə iştirakçılara məlumat verib.
Tədbirin sual-cavab qismində baş konsul iştirakçıların müxtəlif səpkili suallarını cavablandırıb.
Tural




 
Bölməyə aid digər xəbərlər
26.05.2019
Azərbaycan Amerikan Tibb Assosiasiyası Vaşinqtonda konfrans keçirib
26.05.2019
Erməni işğalı Şuşada xalçaçılıq ənənələrini məhv edib
25.05.2019
İspaniyanın Sevilya şəhərində ilk dəfə məscid inşa olunacaq
25.05.2019
Avropa Liqasının final oyunu ilə bağlı azarkeşlər üçün nəqliyyat pulsuz olacaq
25.05.2019
Region gənclərinin dövlət qulluğuna maraq və imkanları artırılacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info