“Bakı 2015” Avropa Oyunları Dağ Velosipedi sınaq yarışı keçirəcək
Tarix: 17.10.2014 | Saat: 19:43:00 | E-mail | Çapa göndər


“Bakı 2015” Avropa Oyunları bu həftəsonu Dağ Velosipedi sınaq yarışına ev sahibliyi edir. Bu, gələn il keçiriləcək möhtəşəm tədbirə hazırlıqlar seriyasının sonuncu mərhələsidir.
Yarış Dağ Velosipedi Veloparkında keçiriləcək. Rəqiblər tamamilə yeni tras üzrə iki günlük təlim sessiyası keçdikdən sonra tədbir başlayacaq.
Ümumilikdə, 8 milləti təmsil edən 9 komanda 18 oktyabr şənbə günü həyəcanverici yarışda iştirak etməyə dəvət edilib.
“Bakı 2015”in İdman şöbəsinin direktoru cənab Pirs O’Kallahan demişdir: “Dağ Velosipedi sınaq yarışı ilk Avropa Oyunlarına doğru düzgün yolu tutduğumuza əmin olmaq üçün ideal fürsətdir.
Yarış ilk öncə təhlükəsiz, lakin eyni zamanda sürətli və idmançıları sınağa çəkəcək şəkildə tərtib olunub, odur ki, bizi iki məşq günü və bir yarış günü xeyli həyəcan və sürpriz gözləyir. Mükəmməl sınaq tədbiri üçün bütün komandaları Bakıda salamlamağı səbirsizliklə gözləyirik.
Biz əminik ki, velosipedçilər Dağ Velosipedi Veloparkını çox bəyənəcəklər və tədbir bizim komandamızın təcrübəsi baxımından Avropa Oyunlarına hazırlaşmağımız üçün çox faydalı olacaq.”
Test tədbirində Azərbaycan, Gürcüstan, Yunanıstan, Livan, Rusiya, İsveçrə, Türkiyə və Ukrayna velosipedçiləri yarışacaqlar.
Beynəlxalq Velosipedçilər İttifaqının təqvimində Yarışın C3 sinfinə aid olduğu qeyd edilib. Tədbir Bakı 2015 Avropa Oyunları Əməliyyat Komitəsi (BEGOC) tərəfindən Azərbaycan Velosiped İdmanı Federasiyası ilə birlikdə təşkil edilir.
Sıçrayış, körpü, bir zolaqlı yol, sıldırımlı eniş və yoxuş bölmələri kimi bir neçə texniki xüsusiyyəti olan tras 4.1 kilometr təşkil edir. Yarışda cəmi 29 idmançı öz ölkəsini təmsil edəcək.
“Bakı 2015”in Əməliyyatlar üzrə baş direktoru cənab Saymon Kleq demişdir: “Bizim Dağ Velosipedi tədbirimiz ilk Avropa Oyunlarının önəmli məqamlarından biri olacaq, odur ki, bu həftəsonu keçiriləcək sınaq yarışı həm velosipedçilər, həm də bizim təşkilatın gələn ilə hazırlığı baxımından özünü sınaması üçün böyük fürsətdir.
Bu il keçirilən Avropa Ritmik Gimnastika Çempionatı və Gənclərin Atletika üzə Avropa Olimpiya Sınaq Yarışlarından sonra, bu sınaq yarışı bizim sistem və strukturlarımızı bir daha test etməyə, bizə 2015-ci ilin iyun ayında qitənin ən yaxşı idmançılarına ev sahibliyi etmək üçün daha yaxşı hazırlaşmağa imkan verəcək".
“Bakı 2015”də, Velosiped idmanının 4 bölməsi üzrə “Rio 2016” Olimpiya Oyunları üçün kvalifikasiyaya reytinq balları veriləcək.
2015-ci ilin 12-28 iyun tarixlərində keçiriləcək “Bakı 2015” Avropa Oyunları Avropa qitəsi üçün çoxsaylı idman növləri üzrə baş tutacaq çox maraqlı və innovativ yarışlar olacaq.
“Bakı 2015” Avropa Oyunları ümumilikdə 20 idman növü üzrə keçiriləcək: bunlardan 16-sı Olimpiya idman növü, dördü qeyri-olimpiya idman növü olacaq. Avropanın müxtəlif ölkələrindən 6000-dən çox idmançının 17 yarış günü müddətində öz ölkələrini təmsil edəcəyi gözlənilir.
On bir idman növü 2016-cı il Rio-de-Janeyro Olimpiya Oyunları üçün seçmə yarışlara imkan yaradacaq. Həmin idman növlərinə Oxatma, Yüngül atletika, Boks, Velosiped idmanı, Atıcılıq, Üzgüçülük, Stolüstü tennis, Taekvondo, Triatlon, Güləş və Voleybol daxildir.
Avropa Oyunlarının keçirilməsi 2012-ci ilin dekabr ayında Avropa Olimpiya Komitələri (AOK) tərəfindən Bakı şəhərinə həvalə olunmuşdur. Bakı Avropa Oyunları Əməliyyat Komitəsi (BEGOC) AOK ilə əməkdaşlı şəkildə Oyunları təşkil və idarə edəcək.
Tural




 
Bölməyə aid digər xəbərlər
22.11.2019
Nikola Sarkozi Azərbaycanda olub
22.11.2019
İctimai Şuraların Bakı forumunun keçirilməsi təklif olunur
22.11.2019
“Gender əsaslı Bələdiyyə Akademiyasının” açılışı olub
22.11.2019
Sənaye şirkətlərinin üçdə ikisi kiber hücumları gizli saxlayır
22.11.2019
Kobud pozuntularla bağlı 41 hakim barəsində intizam icraatlarına baxılıb

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10950

1 Prezident Naxçıvan Muxtar Respublikası Ali Məclisinin Sədri Vasif Talıbovu qəbul edib
2 Milli Qəhrəman ailələrinin ödənişsiz müayinə və müalicəsi kampaniyasına başlanılıb
3 Prezident İlham Əliyev Pirşağı dəmir yolu stansiyasının açılışında iştirak edib
4 Nazirlər Kabinetinin mətbuat xidmətinə yeni rəhbər təyin olunub
5 Azərbaycan terrorçuluq səviyyəsinin az olduğu ölkələr sırasında yer alıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info