Səbaillilər Rusiya Federasiyasının Xəzər Dəniz Donanmasının gəmilərində olublar
Tarix: 17.10.2014 | Saat: 19:47:00 | E-mail | Çapa göndər


Bakıya rəsmi səfərə gələn Rusiya Federasiyası Xəzər Hərbi Dəniz Donanmasının «Dağıstan» böyük raket gözətçisi və «Qrad Sviyajsk» kiçik raket gözətçi gəmilərinin daxil olduğu hərbi qrupun rəhbər heyəti səfər proqramı çərçivəsində Səbail Rayon İcra Hakimiyyətində rayon rəhbərliyi tərəfindən qəbul olunublar. Proqrama uyğun olaraq Səbail rayon rəhbərliyi və rayon ictimaiyyətinin bir qrupu Bakı buxtasında reyddə duran gəmilərlə tanışlıq üçün Dövlət Bayrağı Meydanına gəliblər.
Nümayəndə heyətini qarşılayan Bakıya səfərə gələn Rusiya Federasiyası Xəzər Dəniz Donanmasının nümayəndə heyətinin rəhbəri I dərəcəli kapitan Valeri Smirnov hərbi gəmilərin Bakıdaya gəlişinin məqsədi və Rusiya Federasiyası ilə Azərbaycan Respublikası Silahlı Qüvvələri arasında əlaqələrin möhkəmlənməsinin əhəmiyyətindən danışıb və RİH-də təşkil olunan görüşə görə öz minnətdarlığını bildirib. Səbailli qonaqlar ilk növbədə «Dağıstan» böyük raket gözətçisi gəmisinə gəliblər. Burada gəminin kapitanı, II dərəcəli kapitan Vüsal Miriyev qonaqları gəmi ilə tanış edərək onun döyüş qabiliyyəti, silahları, şəxsi heyətin məişəti barədə danışıb. Vüsal Miriyev «Dağıstan» gəmisinin Bakıya keçən gəlişi zamanı Prezident İlham Əliyev və Rusiya Federasiyasının prezidenti Vladimir Putinin gəmi ilə birgə tanışlığı barədə məlumat verib.
Daha sonra qonaqlar «Qrad Sviyajsk» kiçik raket gözətçi gəmisində olub, gəminin kapitanı III dərəcəli kapitan Aleksey Qordeyev gəmi barədə ətraflı məlumat verib. Rusiyalı hərbiçilər qonaqların, xüsusilə də nümayəndə heyətinin tərkibində gəmiyə gəlmiş Azərbaycan Dövlət Dəniz Akademiyasının kursantlarının çoxsaylı suallarını cavablandırıblar.
Səbail Rayon İcra Hakimiyyəti Başçısının müavini Eldar Ağayev hərbi dənizçiləri RİH adından salamlayıb, Bakının mərkəzi rayonu olan Səbail rayonun strateji əhəmiyyət kəsb etdiyini bildirib və rayonun tarixi, coğrafi mövqeyi, burada yerləşən inzibati, sənaye, sosial, mədəniyyət, turizm obyektləri, həmçinin rayonda keçirilən beynəlxalq tədbirlər barədə məlumat verib. Eldar Ağayev səmimi görüşə və gəmilərlə tanışlığa görə hərbiçilərə öz minnətdarlığını bildirib.
Gəmilərlə yaxından tanış olan qonaqlar gəmi komandası ilə birgə şəkillər çəkilib.
Görüşdən sonra hərbi dənizçilər İçərişəhərə gəlin, Qız qalası, Şirvanşahlar Saray Kompleksi və digər tarixi abidələrlə tanış olublar.


Nigar Abdullayeva




 
Bölməyə aid digər xəbərlər
19.11.2019
Azərbaycan ədliyyəsi yeni inkişaf mərhələsini yaşayır
19.11.2019
Vilayət Eyvazov Baş Narkotiklərlə Mübarizə İdarəsinin yeni rəisini şəxsi heyətə təqdim edib
19.11.2019
ADRA əməkdaşları talassemiya xəstəliyindən əziyyət çəkən uşaqlar üçün qan verib
19.11.2019
DİN polis orqanlarında xidmətə qəbulla əlaqədar müsabiqə elan edib
19.11.2019
Nazirlər Kabinetinin mətbuat xidmətinə yeni rəhbər təyin olunub

Şərh əlavə olunmayıb

    ,    
Namiq Əliyev
Anar MİRİYEV
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10945

1 Bölgə müəllimləri yeni layihələr reallaşdırırlar
2 Prezident Naxçıvan Muxtar Respublikası Ali Məclisinin Sədri Vasif Talıbovu qəbul edib
3 Prof. Aziz Sancar’dan Özbekistan’a çikarma: Hayalim Türk Birliğini görmek
4 Bakıda Milli Qəhrəman Albert Aqarunovun heykəlinin rəsmi açılışı olub
5 “Siqaretdən, alkoqollu və enerjili içkilərdən uzaq durun, təbiətdə çox olun, çox gəzin”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info